Daniɛl 3:4 - Krio Fɔs Oli Baybul

⁴ Dɛn di man we bin de anawns, anawns lawd lawd wan se, “Di kiŋ in ɔda dɔn kɔmɔt se, ‘una pipul dɛn, una difrɛn neshɔn dɛn, una we de tɔk difrɛn, difrɛn laŋwej.

Daniɛl 3:4 Referans Kwoze

Daniɛl 6:25

Kiŋ Dariɔs bin rayt to ɔl di pipul dɛn, neshɔn ɛn di wan dɛn we de tɔk difrɛn difrɛn laŋwej we tap na di wɔl, se, “Lɛ pis ɛn kol at de beberebe wan to una ɔl.

Daniɛl 4:1

Kiŋ Nɛbyukadnɛza de sɛn to ɔl di pipul dɛn, difrɛn difrɛn neshɔn dɛn we de tɔk difrɛn difrɛn laŋwej we tap na di wanol wɔl: Lɛ una ɔl gɛt bɔku bɔku kol at!

Mayka 6:16

Ɔl dis go bi bikɔs una fala wetin Omri de du ɛn ɔl di bad we Eab sɛf de du; ɛn bikɔs ɔf dat, a go mek dɛn ɔda pipul dɛn sɔktit we dɛn si una bikɔs una go dɔn alaki.”

Ozie 5:11

Ifrem de fil bad bikɔs ɔf mi jɔjmɛnt sins i bin dɔn mekɔp in maynd fɔ lɛf mi go wɔship ɔda gɔd dɛn.

Daniɛl 4:14

I ala lawd, lawd wan ɛn se, “kɔt di tik dɔŋ, ɛn kɔt in an dɛn ɔl, pul ɔl di lif dɛn, ɛn skata skata in frut dɛnsɛf; mek di animal dɛn rɔnawe kwik kwik wan kɔmɔt ɔnda di tik ɛn lɛ di bɔd dɛnsɛf flay kɔmɔt pan di an dɛn.

Ayzaya 58:1

Ala lawd wan, nɔ sɛt yu mɔt, ala lawd wan lɛk trɔmpɛt; tɛl mi pipul dɛn di brok we dɛn dɔn brok mi lɔ tɛl Jekɔb in os bɔt dɛn sin dɛm.

Ayzaya 40:9

Go ɔp na wan ay mawnten, Yu Zayɔn mɛsenja we de briŋ gud nyuz; ala wit trɛnk; Yu Jerusɛlɛm mɛsenja we de briŋ gud nyuz, ala, nɔ fred; tɛl di siti dɛn na Juda se, “Una luk una Gɔd!”

Ɛsta 8:9

Dɛn kɔl di kiŋ in sɛktri dɛn insay di twɛnti-tri de na di tɔd mɔnt we nem Sivan ɛn dɛn rayt di mɛsej we Mɔdikay se bɔt di Ju dɛn, fɔ di gɔvna ɛn ɔda bigman dɛn frɔm India te rich Ithiopia dat na wan ɔndrɛd ɛn twɛnti-sɛvin prɔvins. Ɔl di prɔvins dɛn gɛt dɛn yon lɛta na di laŋwej we di pipul go ɔndastand ɛn di Ju dɛnsɛf gɛt dɛn yon lɛta na dɛn laŋwej.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Daniɛl 3:3

Dɛn, ɔl di rɛsidɛnt minista dɛn, di kapten, di Rɛsidɛnt Minista, di Distrikt Ɔfisa dɛm di kanselɔ, di trɛzhɔra, di jɔj, di magistret ɛn ɔl di bigman dɛn na di prɔvins, gɛda fɔ di pre we dɛn bin de kam pre pan di imej we Nɛbyukadnɛza bin dɔn bil; ɛn dɛn tinap bifo di imej we Nɛbyukadnɛza bin dɔn bil.

Daniɛl 3:7

So, as ɔl di pipul bin yɛri we di ɔn, flut, gita, trayaŋul, ap, wan wan flut we nem bagpayp, ɛn ɔl kayn muzik de ple, ɔl di pipul, neshɔn, ɛn we de tɔk difrɛn difrɛn, laŋwej, kin fɔdɔm ɛn wɔship di gold imej we kiŋ Nɛbyukadnɛza bin dɔn bil.

Daniɛl 3:10

Kiŋ, yu bin dɔn mek wan lɔ se wɛn ɔl man yɛri we di ɔn, flut, gita, trayaŋul, ap, wan flut we nem bagpayp ɛn ɔl kayn muzik de ple, dɛn fɔ fɔdɔm ɛn wɔship di gold imej;