Daniɛl 3:22 - Krio Fɔs Oli Baybul

²² Bikɔs di kiŋ bin min wetin i se ɛn di big big ovin we faya de kech bad bad wan, bin ɔt bad bad wan, di flem pan di faya bin kil ɔl di man we bin tek Shedrak, Mishak ɛn Abɛdnigo go trowe na di ovin.

Daniɛl 3:22 Referans Kwoze

Prɔvabs 21:18

Bad pɔsin go sɔfa bikɔs ɔf gud pɔsin, yu nɔ tret fɔ yu tret.

Prɔvabs 11:8

PAPA GƆD de sev pɔsin we de waka tret na PAPA GƆD in yay pan trɔbul, bɔt udat bad, trɔbul nɔ de kɔmɔt biɛn am.

Ɛksodɔs 12:33

Di Ijipshian dɛn beg di Izrɛlayt dɛn mek dɛn mekes kɔmɔt na dɛn kɔntri. Dɛn bin fred se if di Izrɛlayt dɛn nɔ go dɛn ɔl go day.

Apɔsul Dɛn Wok 12:19

Kiŋ Ɛrɔd Agripa tɛl dɛn fɔ go fɛn Pita, bɔt dɛn nɔ si am, so i kwɛshɔn di soja man dɛn we bin de gyad Pita, dɔn i mek dɛn kil dɛn. Wɛn dat dɔn, Kiŋ Ɛrɔd kɔmɔt Judia go tap na Sizaria.

Matyu 27:5

Judas fliŋ di silva kɔpɔ na grɔn insay Gɔd in Os, i kɔmɔt de, ɛn go ɛŋ insɛf.

Daniɛl 6:24

Nain di kiŋ gi ɔda, ɛn dɛn briŋ ɔl dɛn man dɛn we bin go tɛl di kiŋ bɔt Daniɛl, dɛn pikin ɛn dɛn wɛf dɛn, ɛn trowe dɛn ɔl insay di say we dɛn layɔn dɛn de; bifo dɛn de fɔdɔm go dɔŋ so, di layɔn dɛn dɔn jomp, gɛda dɛn ɛn brok brok ɔl dɛn bon dɛn smɔl smɔl wan.

Daniɛl 2:15

I tɔk to Ariɔk, di kiŋ in kapten se, wetin mek di kiŋ in lɔ traŋa so?” Nain Ariɔk sho Daniɛl wetin bi.

Daniɛl 1:7

Di edman fɔ di okobo dɛn bin gi dɛn ɔda nem: i kɔl Daniɛl, Bɛlshaza, i kɔl Ananaya, Shedrak, i kɔl Mishɛl, Mishak ɛn kɔl Azaraya, Abɛdnigo.

1 Kiŋ 13:28

Insɛf go na di rod ɛn fɛn di dedebɔdi lidɔm na grɔn wit di layɔn ɛn di dɔŋki nia am. Di layɔn nɔ it in bɔdi ɛn nɔ du di dɔŋki natin,