Daniɛl 3:2 - Krio Fɔs Oli Baybul

² Nain kiŋ Nɛbyukadnɛza sɛn fɔ lɛ ɔl di Rɛsidɛnt Minista dɛm, Di Distrikt Ɔfisa dɛm, di Distrikt Sɛktri dɛm, di Kanselɔ dɛm, di Trɛzhɔra dɛm, di magistret dɛm, di Jɔj dɛm, ɛn ɔl di bigman dɛm na di prɔvins dɛm, fɔ kam fɔ dɛdiket di imej we kiŋ Nɛbyukadnɛza dɔn mek.

Daniɛl 3:2 Referans Kwoze

Daniɛl 3:27

Ɛn ɔl di rɛsidɛnt minista dɛn, kapten, ɛn ɔl di kiŋ in kanselɔ gɛda ɛn dɛn si se di faya nɔ bin gɛt ɛni pawa pan di man dɛn bɔdi; di ia na dɛn ed nɔ bɔn af sɛf, ɛn natin nɔ bin du dɛn klos ɛn nɔn faya sɛnt sɛf nɔ bin de pan dɛn.

Prɔvabs 29:12

Ɛni rula we de tek lay ɛn koŋosa mek in wokman dɛn, kɔrɔpt.

1 Kiŋ 12:32

Jɛroboam mek dɛn bigin fɔ mek fɛstival di fiftin de insay di et mɔnt lɛkɛ di kayn we aw dɛn kin du na Juda, dɔn i mek dɛn de ɔfa sakrifays na di ɔlta. I mek sakrifays to di lay lay gɔd dɛn we dɛn mek na Bɛthɛl, dɔn i pik man dɛn fɔ de mek sakrifays fɔ pipul sin ɔp di il dɛn.

Di Jɔj Dɛm 16:23

Di Filistin bigman dɛn gɛda fɔ mek sakrifays to dɛn gɔd we nem Degɔn ɛn fɔ mek gladi gladi, bikɔs dɛn se na dɛn gɔd mek dɛn kech Samsin.

Di Nɔmba Dɛm 25:2

we kin de kɔl dɛn fɔ go na di sakrifays we dɛn bin de mek to dɛn yon gɔd dɛn. Di Izrɛlayt dɛn kin it ɛn ivin pre to dɛn gɔd dɛn de.

Rɛvɛleshɔn 17:2

Ɔl dɛn wan we de rul na wɔl bin liv fri layf wit dis uman ya we ɔlman no, ɛn ɔl di pipul dɛn na wɔl bin drɔnk wit di wayn we i gi dɛn fɔ drink, dat na di fri layf we dɛn bin liv wit am.”

Daniɛl 3:3

Dɛn, ɔl di rɛsidɛnt minista dɛn, di kapten, di Rɛsidɛnt Minista, di Distrikt Ɔfisa dɛm di kanselɔ, di trɛzhɔra, di jɔj, di magistret ɛn ɔl di bigman dɛn na di prɔvins, gɛda fɔ di pre we dɛn bin de kam pre pan di imej we Nɛbyukadnɛza bin dɔn bil; ɛn dɛn tinap bifo di imej we Nɛbyukadnɛza bin dɔn bil.