Daniɛl 3:15 - Krio Fɔs Oli Baybul

¹⁵ Luk ya, if una dɔn rɛdi fɔ fɔdɔm ɛn wɔship di imej we a bil, wɛn una yɛri di ɔn, flut, gita, trayaŋul, ap, wan flut we nem bagpayp ɛn ɔl kayn muzik, i go gud; bɔt, if una nɔ wɔship am, dɛn go trowe una wantɛm wantɛm insay wan big big ovin we faya de kech bad bad wan; us gɔd we go ebul sev una?”

Daniɛl 3:15 Referans Kwoze

Apɔsul Dɛn Wok 5:29

Pita ɛn in kɔmpin dɛn ansa dɛn se, “Wi fɔ du wetin Gɔd tɛl wi fɔ du, wi nɔ gɛt fɔ du wetin mɔtalman tɛl wi fɔ du.

Daniɛl 3:17

I na so i fɔ bi, we PAPA GƆD we wi de wok fɔ go ebul sev wi kɔmɔt na di faya we de insay da big big ovin we faya de kech bad bad wan; ɛn i go pul wi kɔmɔt na yu an.

2 Kiŋ 18:35

Uswan pan ɔl dɛn gɔd dɛn na dɛn kɔntri dɛn de dɔn ebul fɔ pul in kɔntri na mi an? Wetin mek una tink se PAPA GƆD go ebul pul Jerusɛlɛm kɔmɔt na mi an?”

Ɛksodɔs 5:2

Bɔt di kiŋ ansa se, udat na da PAPA GƆD de ɛn wetin fɔ mek in lisin to dɛn ɛn mek di Izrɛlayt dɛn go. I se in nɔ no da PAPA GƆD de ɛn a nɔ go mek di Izrɛlayt dɛn go.

Apɔsul Dɛn Wok 4:19

Pita ɛn Jɔn aks dɛn se, “Una tɛl wi, wetin na di rayt tin we Gɔd want: wi fɔ gri fɔ du wetin mɔtalman want ɔ wi fɔ du wetin Gɔd want?

Mak 13:11

Ɛnitɛm we dɛn ol una ɛn kɛr una go kot, una nɔ fɔ wɔri bɔt wetin una go tɔk, una nɔ fɔ tink bɔt dat bifo di tɛm rich, bɔt wɛn di tɛm rich, ɛnitin we Gɔd in Spirit put na una mɔt, nain una go tɔk. Da tɛm de nɔto unasɛf go tɔk, na Gɔd in Spirit go tɔk fɔ una.

Daniɛl 6:16

Nain di kiŋ gi ɔda, ɛn dɛn go tek Daniɛl ɛn trowe am insay usay dɛn layɔn dɛn de. Di kiŋ tɛl Daniɛl se, “Yu PAPA GƆD we yu de wok fɔ ɔltɛm, go sev yu ya!”

Apɔsul Dɛn Wok 6:15

Ɔl di pipul dɛn we bin sidɔm na di Ju gran kot bin de luk Stivin insay in yay, ɛn dɛn si se in fes bin tan lɛkɛ enjɛl fes.

Lyuk 13:9

If i bia nɛks ia, i go gud fɔ wi, bɔt if i nɔ bia, da tɛm de wi go kɔt am.’”

Lyuk 12:11

“Wɛn dɛn kɛr una go na di Ju mitin os ɛn bifo dɛn jɔj ɛn dɛn wan we de na pawa, una nɔ wɔndrin aw una fɔ ansa dɛn ɔ wetin una fɔ tɔk.

Daniɛl 6:20

Wɛn i kam nia di ol we Daniɛl bin de, i ala lawd wan wit bɔku pen nain vɔys se, “Daniɛl, PAPA GƆD we de sote go we na yu PAPA GƆD we yu de wok fɔ ɔl tɛm, i bin ebul fɔ sev yu frɔm di layɔn dɛn?”

Ayzaya 37:23

Na udat yu tink se yu de kɔs ɛn fityay? Na udat yu tink se yu de tɔk bad bɔt ɛn de kak pan? Na pan mi we na Izrɛl dɛn GƆD?

Ɛksodɔs 32:32

I beg am lɛ i fɔgiv dɛn sin, bɔt if i nɔ de du am, lɛ i pul in nem kɔmɔt nain buk,

Matyu 27:43

I biliv pan Gɔd ɛn i se in na Gɔd in Pikin. Lɛ Gɔd sev am naw if i want am fɔ bi in yon!”

Matyu 10:19

Wɛn dɛn kɛr una go fɔ go jɔj una, una nɔ wɔri bɔt wetin una go tɔk, ɛn aw una go tɔk. Wɛn di tɛm rich Gɔd go tɛl una wetin fɔ tɔk.

Daniɛl 2:9

we a se if una nɔ mek a no di drim, na wangren jɔjmɛnt lɛf fɔ una. Una dɔn plan fɔ lay ɛn tɔn tɔn di wɔd te tɛm pas. So una tɛl mi di drim, dɛn a go no se una kin sho mi di minin.”

Daniɛl 2:47

Di kiŋ tɛl Daniɛl se, “Fɔ tru tru, yu PAPA GƆD na im na di edman pan ɔl dɛn gɔd, ɛn na di big wan pan ɔl dɛn kiŋ, ɛn na im ebul fɔ pul mistri na do, bikɔs yu dɔn ebul pul dis mistri na do.”