Daniɛl 3:11 - Krio Fɔs Oli Baybul

¹¹ ɛn ɛnibɔdi we nɔ fɔdɔm ɛn wɔship, dɛn go trowe am insay wan big big ovin we faya de kech bad bad wan.

Daniɛl 3:11 Referans Kwoze

Daniɛl 3:6

ɛn dɛn go trowe ɛnibɔdi we nɔ fɔdɔm flat ɛn wɔship am insay wan big big ovin we faya de kech bad bad wan.”

Daniɛl 3:10

Kiŋ, yu bin dɔn mek wan lɔ se wɛn ɔl man yɛri we di ɔn, flut, gita, trayaŋul, ap, wan flut we nem bagpayp ɛn ɔl kayn muzik de ple, dɛn fɔ fɔdɔm ɛn wɔship di gold imej;

Daniɛl 3:12

Bɔt sɔm Juz dɛn de we yu bin pik fɔ de oba di Babilɔn prɔvins dɛn wok: Shedrak, Mishak ɛn Abɛdnigo. Kiŋ, dɛn man dɛn ya nɔ de lisin to yu; dɛn nɔ de wok fɔ yu gɔd dɛn, ɔ wɔship di gold imej we yu dɔn bil.”

Daniɛl 6:7

Ɔl di prɛsidɛnt na di kindɔm, di ɔfisa ɛn di Rɛsidɛnt Minista dɛn, di kanselɔ ɛn di chif dɛn dɔn gri se, di kiŋ fɔ pas wan lɔ se, paopa ɛni pɔsin we pre fɔ ɛnitin to ɛni ɔda gɔd ɔ mɔtalman fɔ di nɛks tati dez, we nɔto yu nɔmɔ i pre to, dɛn fɔ trowe am insay usay dɛn layɔn dɛn de.

Daniɛl 6:13

Nain di man dɛn ansa di kiŋ se, “Kiŋ, da Daniɛl we na wan pan di wan dɛn we kɔmɔt Juda, nɔ rɛspɛkt di lɔ we yu dɔn mek, bikɔs i de pre tri tɛm fɔ de.”

Apɔsul Dɛn Wok 5:23

“Wɛn wi rich na di jel, wi mit di sɛl lɔk gud ɛn di wɔda dɛn tinap de gyad di get dɛn; bɔt wɛn wi opin di get dɛn ɛn luk insay, wi nɔ si wangren pɔsin sɛf de!”