Daniɛl 3:10 - Krio Fɔs Oli Baybul

¹⁰ Kiŋ, yu bin dɔn mek wan lɔ se wɛn ɔl man yɛri we di ɔn, flut, gita, trayaŋul, ap, wan flut we nem bagpayp ɛn ɔl kayn muzik de ple, dɛn fɔ fɔdɔm ɛn wɔship di gold imej;

Daniɛl 3:10 Referans Kwoze

Daniɛl 6:12

So di man dɛn go nia am ɛn go tɛl di kiŋ bɔt di lɔ we dɛn bin pas. Dɛn se, “Kiŋ, yu nɔ bin pas wan lɔ se ɛnibɔdi we pre to ɛni ɔda gɔd ɔ mɔtalman, ɛn nɔ pre to yu waŋren fɔ tati dez, dɛn fɔ trowe am insay usay dɛn layɔn dɛn de?” Nain di kiŋ ansa se “Natin nɔ chenj; wetin di Mɛdis ɛn Pashian dɛn lɔ se, nɔ de chenj atɔl.”

Jɔn 11:57

Dɛn man we de mek sakrifays fɔ pipul sin ɛn di Faresi dɛn bin dɔn tɔk se, if ɛnibɔdi no di say we Jizɔs de, di pɔsin fɔ tɛl dɛn, so dat dɛn go go ol am.

Emɔs 6:5

Una de ple myuzik ɛn siŋ lɛk Kiŋ Devid wit in ap.

Daniɛl 3:15

Luk ya, if una dɔn rɛdi fɔ fɔdɔm ɛn wɔship di imej we a bil, wɛn una yɛri di ɔn, flut, gita, trayaŋul, ap, wan flut we nem bagpayp ɛn ɔl kayn muzik, i go gud; bɔt, if una nɔ wɔship am, dɛn go trowe una wantɛm wantɛm insay wan big big ovin we faya de kech bad bad wan; us gɔd we go ebul sev una?”

Ayzaya 10:1

Swɛ go fɔdɔm pan una we de pas dɛn wikɛd lɔ fɔ sɔprɛs pipul, ɛn dɛn wan we dɛn wok na fɔ rayt wetin fɔ tek sɔprɛs pipul,

Ɛkliziastis 3:16

Pantap dat, a si se na dis wɔl ya, usay pɔsin fɔ jɔj tret, na soso wikɛdnɛs de de, ɛn usay pipul fɔ de waka tret, na so so wikɛdnɛs.

Di Sam Dɛm 94:20

Yu nɔ de miks wit kɔrɔpt jɔj dɛn jɔj dɛn we lɛk fɔ put pipul pan nambara.

2 Kronikuls 29:25

Ɛn i steshɔn di Livayt dɛm na PAPA GƆD in os wit simbɔl, gita, ɛn flut ap dɛm akɔdin to wetin Devid bin se traŋa wan, ɛn wetin Gad we na bin di kiŋ in prɔfɛt bin se ɛn wetin Netan we na prɔfɛt sɛf bin se.

1 Kronikuls 15:28

So di wanol Izrɛl kɛr PAPA GƆD in Ak ɔf di Kɔvinant go wit lawd gladi nɔys, we di ɔn, di trɔmpɛt ɛn di simbɔl dɛn de ple, ɛn dɛn bin de ple di apɛn gita lawd lawd wan.

1 Kronikuls 15:16

Devid bin tɛl di Livayt lida dɛm traŋa wan dɛn fɔ pik dɛn brɔda dɛm fɔ bi di man dɛn we de siŋ, we go ple muzik instrumɛnt, lɛk gita, flut ɛn simbɔl lawd lawd wan fɔ mek gladi gladi.

Ɛksodɔs 1:22

So mek di kiŋ gi ɔda to ɔl in pipul dɛn fɔ mek dɛn trowe ɛni bɔypikin we dɛn Ibru uman go bɔn na Riva Nayl, bɔt dɛn fɔ lɛf di gyal pikin dɛn fɔ liv.

Ɛksodɔs 1:16

I se we dɛn go ɛp di Ibru uman dɛn we wan bɔn, dɛn fɔ kil ɛni bɔypikin as dɛn bɔn am, bɔt if na gyal pikin, dɛn fɔ mek i liv.

Daniɛl 3:11

ɛn ɛnibɔdi we nɔ fɔdɔm ɛn wɔship, dɛn go trowe am insay wan big big ovin we faya de kech bad bad wan.