Daniɛl 3:1 - Krio Fɔs Oli Baybul

¹ Kiŋ Nɛbyukadnɛza bin mek wan imej wit gold; i naynti fut ay ɛn naynti fut wayd. I put an na di flat grɔn na Dura we de na Babilɔn prɔvins.

Daniɛl 3:1 Referans Kwoze

Abakɔk 2:19

Di pɔsin we de go tinap frɔnt wud ɔ ston de tɛl am fɔ grap du sɔntin, alaki. We na lɛk dayman, wetin i gɛt fɔ du? I lɛk sɛf dɛn put ɔlkayn gold ɔ silva pantap am fɔ mek i fayn, i nɔ min natin bikɔs i nɔ gɛt layf.

Jɛrimaya 16:20

Mɔtalman go ebul mek gɔd fɔ insɛf? Dɛn wan dɛn de nɔto gɔd dɛm!”

Ayzaya 46:6

Dɛn wan we de wes gold kɔmɔt na dɛn pɔs, ɛn we silva na skel, aya goldsmit, ɛn in tɔn am to gɔd, dɔn dɛn butu ɛn wɔship am!

Ozie 8:4

PAPA GƆD se dɛn nɔ de aks am we dɛn wan krawn dɛn kiŋ ɛn ivin we dɛn de pik dɛn bigman dɛn, in nɔ de no sɛf. Dɛn tek dɛn silva ɛn dɛn gold, mek ɔda gɔd dɛn ɛn fɛn dɛn yon waala.

Apɔsul Dɛn Wok 19:26

Una dɔn si ɛn una dɔn yɛri fɔ unasɛf wetin bra Pɔl de du. I se dɛn gɔd we mɔtalman de mek, nɔto tru gɔd ɛn plɛnti pipul we de na Ɛfisɔs ɛn di pipul dɛn ɔlsay na Eshya dɔn biliv wetin i tɛl dɛn.

Apɔsul Dɛn Wok 17:29

We wi na Gɔd in pikin dɛn, lɛ wi mɛmba se mɔtalman nɔ go ebul tek gold, silva, ɔ ston mek Gɔd.

Ayzaya 2:20

Da tɛm de, pipul dɛn go trowe dɛn silva laylay gɔd ɛn gold laylay gɔd we dɛn mek fɔ dɛnsɛf fɔ wɔship, to dɛn grɔmpig ɛn dɛn bat,

Di Sam Dɛm 135:15

Na silva ɛn gold dɛn tek fɔ mek dɛn ɔda neshɔn dɛn ɔda gɔd dɛn, infakt sɛf na mɔtalman dɛn mek dɛn.

1 Kiŋ 12:28

Wɛn i dɔn aks advays dɔn, i mek tu gold kaw, dɔn i tɛl di pipul dɛn se Jɛrusɛlɛm tu fa fɔ dɛn fɔ de go wɔship. I se in dɔn mek di gɔd dɛn we pul dɛn kɔmɔt na Ijipt.

Daniɛl 5:23

Bɔt yu dɔn es yusɛf ɔp agens PAPA GƆD na ɛvin ɛn yu dɔn mek dɛn briŋ dɛn kɔp dɛn we bin de na PAPA GƆD in os kam na ya, ɛn yu ɛn yu wɛf ɛn switat dɛn tek dɛn drink wayn, ɛn yu dɔn prez di silva, gold, bras, ayɛn, wud ɛn ston gɔd dɛn, we nɔ de si ɔ yɛri ɛn nɔ no natin; bɔt una nɔ rɛspɛkt PAPA GƆD we nain an una layf dɛn de, ɛn we nain de kɔntrol ɔl wetin de apin to una.

Daniɛl 2:48

Dɛn di kiŋ gi Daniɛl bibig ɔna ɛn bɔku bɔku big big prɛzɛnt dɛm, ɛn mek am rula oba di wanol Babilɔn prɔvins ɛn edman oba ɔl di sɛnsman dɛn na Babilɔn.

Jɛrimaya 10:9

Dɛn bay lay lay gɔd we dɛn pent wit silva na Spen, ɛn gold wan na Ufaz. Na man we de kav tiŋs dɛn ɛn goldsmit, mek dɛm; dɛn klos dɛn na rɛd ɛn mov; na pipul dɛn we de wok wit dɛn an mek dɛm.

Ayzaya 30:22

Datɛnde, una go dɔti una laylay gɔd dɛm we kɔba wit silva ɛn di wan dɛn we kɔba wit gold, na mi yay. Una go skata dɛm lɛk tin dɛm we nɔ klin na mi yay; una go tɛl dɛn se, “kɔmɔt bifo mi!”

Ditarɔnɔmi 7:25

Di Izrɛlayt dɛn fɔ bɔn ɔl dɛn ɛnimi dɛn lay lay gɔd we dɛn de wɔship, ɛn dɛn nɔ fɔ tek dɛn silva ɛn dɛn gold we de pan di lay lay gɔd dɛn, lɛ dɛn nɔ go gɛt trɔbul, bikɔs na tin dat we PAPA GƆD et, ɛn dat kin mek i vɛks bad bad wan.

Ɛksodɔs 32:31

Mozis go ɔp to PAPA GƆD ɛn beg am se, di pipul dɛn dɔn sin bad bad wan agens am we dɛn tek gold mek gɔd.

Ɛksodɔs 20:23

Dɛn nɔ fɔ tek silva mek gɔd ɛn se mi ɛn in na di sem. Dɛn nɔ fɔ tek gold sɛf mek gɔd.

Rɛvɛleshɔn 9:20

Di ɔda mɔtalman dɛn we dɛn bad bad tin ya nɔ kil, nɔ bin tap fɔ pre to dɛn tin we dɛn bin mek fɔ dɛnsɛf. Dɛn nɔ bin tap fɔ pre to dɛn dɛbul ɛn dɛn tin we dɛn mek wit gold, silva, bras, ston ɔ wud, we nɔ de si, we nɔ de yɛri ɛn we nɔ de waka.

Daniɛl 3:30

Nain di kiŋ gi Shedrak, Mishak ɛn Abɛdnigo promoshɔn oba ɔl di prɔvins dɛn na Babilɔn.

Ɛsta 1:1

Di tɛm we Kiŋ Zaksis we dɛn kin kɔl Aesuerɔs, bin de rul frɔm India te rich Ithiopia, i bin gɛt wan ɔndrɛd ɛn twɛnti-sɛvin prɔvins ɔnda am,

Daniɛl 3:14

Nɛbyukadnɛza aks dɛn se, “Na tru se una, Shedrak, Mishak ɛn Abɛdnigo nɔ de wok fɔ mi gɔd dɛn ɔ wɔship di gold imej we a bil?

Daniɛl 5:4

Dɛn drink wayn ɛn prez dɛn gɔd dɛn we na bin gold ɛn silva, bras, ayɛn, bod ɛn ston.

Ozie 2:8

I nɔ bin no se na mi bin de gi am it, drink ɛn pafyum ɛn na mi bin de gi am silva ɔl di gold we dɛn bin de yuz fɔ wɔship Beal.

Daniɛl 2:49

Daniɛl beg wan tin, ɛn di kiŋ bin mek Shedrak, Mishak ɛn Abɛdnigo edman dɛm oba Babilɔn prɔvins in biznɛs; bɔt Daniɛl in bin lɛf na di kiŋ in kot.