Daniɛl 2:9 - Krio Fɔs Oli Baybul

⁹ we a se if una nɔ mek a no di drim, na wangren jɔjmɛnt lɛf fɔ una. Una dɔn plan fɔ lay ɛn tɔn tɔn di wɔd te tɛm pas. So una tɛl mi di drim, dɛn a go no se una kin sho mi di minin.”

Daniɛl 2:9 Referans Kwoze

Daniɛl 7:25

I go tɔk bad tin bɔt PAPA GƆD we ay pas ɔl, ɛn i go mɔna dɛn wan dɛn we biliv pan PAPA GƆD ɛn i go tink fɔ chenj aw tin tan, ɛn di lɔ; ɛn i go gɛt di pawa fɔ tri ɛn di af ia.

Daniɛl 2:21

I de chenj di tɛm ɛn sizin dɛn; I de pul ɛn put kiŋ dɛn na pawa I de gi sɛns to di wan dɛn we gɛt sɛns ɛn sabi to di wan dɛn we ebul fɔ ɔndastand;

Ayzaya 41:23

Tɛl wi wetin gɛt fɔ bi tumara; so dat wi go no se una na god dɛm; una du gud or du bad lɛ wi go pwɛl at ɛn fred bad bad wan.

Ɛsta 4:11

I se, ɔlman we de wok fɔ di kiŋ no se nɔn man ɔ uman nɔ fɔ go insay usay di kiŋ de, pas if insɛf kɔl am ɔ nɔ so i go day. I se di kiŋ gɛt fɔ pɔynt di tik we dɛn mek wit gold fɔ sho se i gɛt pawa, bifo di pɔsin go insay usay i de. Na dat nɔmɔ go mek di pɔsin nɔ day. Ɛsta se na tati de naw we di kiŋ nɔ sɛn fɔ am.

Daniɛl 5:28

Pɛrɛz min se yu kindɔm dɔn sheb ɛn PAPA GƆD dɔn gi am to di Mɛdis ɛn Pashian pipul dɛn.

Daniɛl 3:15

Luk ya, if una dɔn rɛdi fɔ fɔdɔm ɛn wɔship di imej we a bil, wɛn una yɛri di ɔn, flut, gita, trayaŋul, ap, wan flut we nem bagpayp ɛn ɔl kayn muzik, i go gud; bɔt, if una nɔ wɔship am, dɛn go trowe una wantɛm wantɛm insay wan big big ovin we faya de kech bad bad wan; us gɔd we go ebul sev una?”

Izikɛl 13:6

Dɛn dɔn tɔk wɔd dɛn we nɔto tru ɛn lay se tin go bi we nɔto tru; dɛn kin se ‘PAPA GƆD se;’ wɛn PAPA GƆD nɔ sɛn dɛn, stil dɛn de luk to PAPA GƆD fɔ du wetin dɛn se.

Ayzaya 44:25

Mi PAPA GƆD we de mek di lay we dɛn layman dɛn de lay bɔt tumara, nɔ min natin, ɛn we tɔn di mɛrɛsinman dɛn to fulman; we nɔ tek sɛns wɔd mek natin, ɛn mek dɛn sɛns tɔn fulish tin;

2 Kɔrint 2:17

Wi nɔ tan lɛkɛ plɛnti pipul we de tɛl ɔda pipul Gɔd in mɛsej fɔ mek mɔni, bɔt bikɔs na Gɔd sɛn wi, wi de tɔk tret wɔd bifo am wit Krays in pawa.

Daniɛl 5:31

Ɛn di kindɔm bin go to Dariɔs we na Mɛdi ɛn i bin ol bɔt siksti-tu ia.

Izikɛl 13:19

Una dɔn mek mi pipul dɛn nɔ rɛspɛkt mi, fɔseka koko ɛbɛ, de kil pipul we nɔ fɔ day, ɛn sev pipul we nɔ sɔpoz fɔ lib, wit di lay we una de lay gi mi pipul dɛn, we de lisin to di lay we una de lay.

Izikɛl 13:17

“Ɛn yu, mɔtalman, tɔn yu fes to yu pipul dɛn gyal pikin dɛn we de prɔfisay wetin dɛn yon maynd tɛl dɛn; prɔfisay agens dɛn,

Prɔvabs 12:19

Lay nɔ de te, bɔt tru go de sote go.

1 Kiŋ 22:22

in go kɔnvins am. So PAPA GƆD aks am aw i go du am. So i ansa se in go go dɔŋ ɛn put laylay mɛsej na di prɔfɛt dɛn mɔt. So PAPA GƆD tɛl am se yɛs, dat go kɔnvins am, so lɛ i go.

1 Kiŋ 22:6

Di kiŋ fɔ Izrɛl sɛn kɔl ɔl di fo ɔndrɛd prɔfɛt dɛn ɛn aks dɛn if i fɔ go fɛt Ramɔt Giliad ɔ lɛ i nɔ go. Di prɔfɛt dɛn ɔl ansa am se lɛ i go, PAPA GƆD go mek i win.

Daniɛl 2:8

Nain di kiŋ se, “A no se fɔ tru tru, una de tray fɔ westɛm, bikɔs una dɔn si se a min wetin a se

Daniɛl 2:16

So Daniɛl go insay to di kiŋ ɛn beg di kiŋ lɛ i gi am smɔl tɛm, so dat in go ebul fɔ sho di kiŋ wetin in drim min.