Daniɛl 2:5 - Krio Fɔs Oli Baybul

⁵ Nain di kiŋ ansa di Babilonian dɛn se, “Wetin mi se, nɛf kɔt. If una nɔ tɛl mi di drim ɛn wetin di drim min, dɛn go chɛr una an ɛn fut dɛn wan bay wan, dɔn a go mek dɛn brok una os dɛn kam dɔŋ kpatakpata.

Daniɛl 2:5 Referans Kwoze

Daniɛl 3:29

So a de pas wan lɔ: if ɛni pipul, neshɔn ɔ ɔl pan di wan dɛn we de tɔk difrɛn difrɛn laŋwej, tɔk ɛnitin bad bɔt Shedrak, Mishak ɛn Abɛdnigo dɛn PAPA GƆD, dɛn go chɛr chɛr dɛn an ɛn fut wan bay wan, ɛn dɛn go brok dɛn os kan dɔŋ kpatakpata, bikɔs nɔn ɔda gɔd nɔ de we ebul fɔ sev pɔsin dis kayn we ya!”

Ɛzra 6:11

Dɛn igen a de tɛl una se if ɛnibɔdi chenj wetin a dɔn se so, dɛn fɔ pul wan bod kɔmɔt pan in os, shap am lɛkɛ nɛf ɛn chuk chuk in bɔdi wit am. Dɔn dɛn fɔ brok in os.

2 Kiŋ 10:27

Dɛn brok Beal insɛf yon imej, brok di os ɛn tɔn am to latrin. Na so di ples de te tide.

Di Sam Dɛm 50:22

“Lisin gud, una we nɔ bisin bɔt PAPA GƆD ɔ nɔ so, a go chɛr chɛr una lɛkɛ aw layɔn de chɛr bif we i kech am; ɛn nɔbɔdi nɔ go pul una kɔmɔt na mi an.

Daniɛl 2:12

Di kiŋ bin vɛks fɔ we dɔn tɔk so, ɛn i vɛks bad bad wan, ɛn gi ɔda se fɔ kil ɔl di sɛnsman dɛn na Babilɔn.

Di Sam Dɛm 58:7

Lɛ dɛn lɔs lɛkɛ aw wata kin lɔs na dray grɔn, dɛn nɔ ebul fɔ shut dɛn aro;

1 Samiɛl 15:33

Bɔt Samiɛl tɛl am se lɛk aw i dɔn kil bɔku pipul dɛn we mek dɛn mami nɔ gɛt pikin igen, na so insɛf yon mama nɔ go gɛt pikin igen ɛn Samiɛl kil Egag frɔnt PAPA GƆD na Gilgal.

Ditarɔnɔmi 13:16

I se dɛn fɔ put ɔl di pipul dɛn tiŋs dɛn na forod ɛn bɔn dɛn fɔ sakrifays to PAPA GƆD we na dɛn PAPA GƆD. Aw dɛn go si di siti dɔn tan we i go dɔn bɔn dɔn, na so i fɔ lɛf; nɔbɔdi nɔ fɔ bil am bak.

Jɔshwa 6:26

Jɔshwa bin swɛ se ɛnibɔdi we go tray fɔ bil Jɛriko, PAPA GƆD go pul at pan am. Di pɔsin we go le di fawndeshɔn in fɔs pikin go day. Di pɔsin we go bil di get in las pikin go day.

Daniɛl 4:9

ɛn a tɛl am di drim. A se, “Bɛlshaza, yu we na di chif pan ɔl di magikman bikɔs a no se di oli gɔd dɛn spirit de insay yu, ɛn nɔn mistri nɔ traŋa fɔ yu, na di drim dis we a bin si; tɛl mi wetin i min.