Daniɛl 2:44 - Krio Fɔs Oli Baybul

⁴⁴ Ɛn dɛn tɛm dɛn de we di kiŋ dɛn go de rul, PAPA GƆD na ɛvin go briŋ in yon kindɔm we nɔ go ɛva fɔdɔm, ɛn in pawa nɔ go go na ɔda pipul an; ɛn I go brok ɔl dɛn kindɔm we bin dɔn de bifo am pyɛt pyɛt, ɛn dɔn dɛn kpatakpata wan; in go tinap sote go;

Daniɛl 2:44 Referans Kwoze

Matyu 28:18

Jizɔs go klos dɛn ɛn se, “Gɔd dɔn gi mi ɔl di pawa fɔ rul na ɛvin ɛn dis wɔl.

Di Sam Dɛm 145:13

Yu de rul go de sote go ɛn yu go rul ɔl jɛnareshɔn we gɛt fɔ bɔn. PAPA GƆD de kip in wɔd ɛn di lɔv we i gɛt nɔ de chenj.

Daniɛl 6:26

A de mek wan lɔ se, ɔlman we de ɔlsay we de ɔnda mi, di kiŋ in kɔntrol, fɔ wɔship Daniɛl in PAPA GƆD, bikɔs na PAPA GƆD we gɛt layf, ɛn i de sote go; In kindɔm nɔ go ɛva fɔdɔm ɛn in pawa go de te ɔltin dɔn.

Mayka 4:7

in go briŋ udat lɛf kam bak ɛn mek dɛn bigin layf bak. Dɛn go bi pawaful ɛn na frɔm Mawnt Zayɔn in go rul dɛn sote go.

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Daniɛl 7:27

Di kindɔm ɛn di pawa ɛn di kindɔm in pawa ɔnda di wanol ɛvin go go to di pipul dɛn we biliv pan PAPA GƆD we ay pas ɔl; dɛn kindɔm go de sote go ɛn ɔl ɔda pawa dɛn go wok fɔ dɛn ɛn go obe dɛn.’

Daniɛl 4:34

Wɛn dɛn tɛm dɛn de ɔl dɔn pas, mi Nɛbyukadnɛza es mi yay ɔp to ɛvin, ɛn mi sɛns bin kam bak ɛn a bin blɛs PAPA GƆD we ay pas ɔl, ɛn prez am ɛn gi am ɔna we di de sote go; bikɔs in pawa na pawa we de sote go ɛn in kindɔm de de frɔm jɛnareshɔn to jɛnareshɔn.

Ayzaya 60:12

Bikɔs di neshɔn ɛn di kindɔm we nɔ gri sav, yu go pɛrish; Dɛn neshɔn de go distrɔy kpatakpata.

Daniɛl 4:3

PAPA GƆD in sayn dɛn wɔndaful, i kin du pawaful tin dɛn! In kindɔm go de sote go ɛn di rul we i de rul na frɔm jɛnareshɔn to jɛnareshɔn.

Daniɛl 2:37

Kiŋ, yu na di kiŋ we pas ɔl dɛn ɔda kiŋ, ɛn na yu PAPA GƆD na ɛvin dɔn gi di kindɔm, di pawa, di trɛnk, ɛn di gud nem ɛn rɛspɛkt.

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Daniɛl 2:28

bɔt wan PAPA GƆD de na ɛvin we de sho mistri dɛn ɛn i dɔn mek kiŋ Nɛbyukadnɛza sabi wetin go bi bambay. Na dɛn tin dɛn ya yu bin si na yu drim ɛn yu vishɔn dɛn na yu ed wɛn yu bin ledɔm na yu bed:

Izikɛl 37:25

Dɛn go tap na di kɔntri we dɛn dadi bin tap ɛn we a bin gi to mi savant Jekɔb; dɛn ɛn dɛn pikin dɛn, ɛn dɛn pikin pikin dɛm go tap de so te go; ɛn Devid mi savant go bi dɛn kiŋ so te go.

Rɛvɛleshɔn 2:27

jɛs lɛkɛ we mi Papa dɔn gi misɛf pawa oba dɛn. Dɛn go tek lɔŋ ayɛn lɛkɛ di wan we chif de ol, rul oba dɛn neshɔn ya ɛn dɛn go skata dɛn pispis lɛkɛ kɔntri pɔt we pɔsin ib dɔŋ.

Jɔn 12:34

Di pipul dɛn se, “Wi Lɔ se, di Mɛsaya nɔ go day. Aw yu se dɛn go put Mɔtalman Pikin pan di krɔs ɛn es am ɔp? Udat na dis Mɔtalman Pikin?”

Daniɛl 8:25

Bay in kɔni kɔni, di tɛm we i de na pawa, i go mek pipul dɛn prɔfit pan fɔls layf, ɛn i go de tink nain maynd se in na bigman wit bɔku pawa. Di tɛm we pipul dɛn nɔ de tink am, i go kil bɔku; ɛn i go ivin fɛt di prins we ay pas ɔl di prins dɛn; bɔt i go rich in watalo we nɔto bay mɔtalman an.

Daniɛl 2:34

As yu bin de luk, wan ston bin kɔt kɔmɔt we nɔto mɔtalman an kɔt am, ɛn nak di imej nain af ayɛn af kle fut dɛn, ɛn nyakanyaka dɛm.

Di Ibru Pipul Dɛn 12:28

So, una lɛ wi tɛl Gɔd tɛnki, bikɔs di ples we i de rul we wi dɔn gɛt, go de sote go, nɔbɔdi nɔ ebul shek am. Una lɛ wi prez am di we we go mek i gladi, lɛ wi rɛspɛkt ɛn fred am,

Daniɛl 2:35

Dɔn, di ayɛn o, di kle o, di bras, di silva ɛn di gold dɛm ɔl bin skata pyɛt pyɛt ɛn tan lɛk chaf chaf we kin lɛf na grɔn we dɛn de mas mas rɛs, dray sizin; dɔn briz blo dɛm go ɛn natin nɔ lɛf. Bɔt di ston we na im bin nak di imej, tɔn to big big mawnten ɛn ful di wanol wɔl.

Daniɛl 2:43

Lɛk yu bin si ayɛn miks wit saf saf kle, na so dɛn tu go miks lɛk se dɛn mared, bɔt dɛn nɔ go fasin togɛda, jɛs lɛk aw ayɛn nɔ de miks wit kle.

Egay 2:7

ɛn i go mek dɛn pawaful neshɔn dɛn lɔs dɛn pawa, so dat ɔl wetin dɛn dɔn gɛda go kam bi Jerusɛlɛm yon, dɔn PAPA GƆD in os go de fayn fayn wan. Na so PAPA GƆD Ɔlmayti se.

2 Samiɛl 7:13

I se na da in blɔd de go bil os fɔ am ɛn nɔbɔdi nɔ go fɛt am fɔ bi kiŋ. I go bi kiŋ sote go.

2 Samiɛl 7:16

I se Devid go mɔs gɛt wan pɔsin fɔ bi kiŋ pan ɔl in jɛnareshɔn ɛn in famili go rul sote go.

Daniɛl 6:27

In de sev ɛn pul kɔmɔt pan trɔbul i de du wɔndaful tin dɛn na ɛvin ɛn na dis wɔl sɛf, in we dɔn sev Daniɛl lɛ di Layɔn dɛn nɔ it am.”

Egay 2:22

ɛn i go ovatro di kindɔm dɛn; i se in dɔn rɛdi fɔ nɔnsɛns dɛn trɛnk dɛn na dɛn neshɔn wit kiŋ dɛn, ɛn i go mek dɛn ɔs ɛn karej ɛn di man dɛn we de rayd dɛn wit di ɔs dɛn ɛn dɛn yon rayda dɛn, ɔl day wan bay wan we dɛn kɔmpin dɛn go kil dɛn.