Daniɛl 2:41 - Krio Fɔs Oli Baybul

⁴¹ Ɛn as yu bin si di fut ɛn di to dɛn, we na af ayɛn ɛn af kle, di kindɔm go sheb, bɔt lɛk aw ayɛn traŋa, na so sɔm pan di trɛnk go de na di kindɔm, jɛs lɛk aw yu bin si we ayɛn miks wit di saf saf kle.

Daniɛl 2:41 Referans Kwoze

Rɛvɛleshɔn 17:12

“Di tɛn ɔn dɛn we yu si na tɛn kiŋ dɛn we nɔ bigin rul yet, bɔt dɛn go gi dɛn pawa fɔ rul lɛkɛ kiŋ wit di wayl bif fɔ wan awa.

Rɛvɛleshɔn 13:1

Dɛn a si wan wayl bif de kɔmɔt insay di wata kam ɔp. I bin gɛt tɛn ɔn ɛn sɛvin ed, ɔl di ɔn dɛn bin gɛt wan wan krawn pan dɛn; wan bad nem bɔt Gɔd bin rayt pan ɔl in ed dɛn.

Rɛvɛleshɔn 12:3

Wɛn dat dɔn, wan ɔda wɔndaful tin bin bi ɔp na di klawd. Wan big big rɛd snek we dɛn kɔl dragɔn bɔs kɔmɔt, i bin gɛt sɛvin ed ɛn tɛn ɔn, ɛn ɔl di sɛvin ed dɛn bin gɛt wan wan krawn pan dɛn.

Daniɛl 7:24

Ɛn di tɛn ɔn dɛn we kɔmɔt insay da kindɔm de, tɛn kiŋ dɛn go rul, dɔn afta dat, wan ɔda wan go rul; in go difrɛn pas di fɔs wan dɛn,

Daniɛl 7:7

Afta dis, insay dis vishɔn ya na nɛt, a si di nɔmba fo bist; in bin ebi fɔ luk, ɛn bin fiaful ɛn bin gɛt trɛnk bad; i bin gɛt ayɛn tit dɛm; i bin de it awaŋɔt we ɛn bin de brok brok pis pis, ɛn mas mas di wan dɛn we lɛf, wit in fut. I bin difrɛn frɔm ɔl di ɔda bist dɛn we bin dɔn kam bifo am; ɛn in bin gɛt tɛn ɔn.

Daniɛl 2:40

Dɛn di nɔmba fo kindɔm go kam; i go traŋa lɛk ayɛn, bikɔs ayɛn de brok kpata kpata ɛn nyakanyaka ɔl tin; ɛn lɛk ayɛn we ebul fɔ kwis tin dɛn, dis kindɔm go brok ɛn kwis kpata kpata ɔl di ɔda kindɔm we bin dɔn de.

Daniɛl 2:42

Ɛn lɛk we di to dɛn na di fut dɛn na bin af ayɛn ɛn af kle, na so di kindɔm go bi af traŋa ɛn af wɛnkɛ wɛnkɛ.