Daniɛl 2:4 - Krio Fɔs Oli Baybul

⁴ Nain di Babilonian dɛn se, “Wi kiŋ, lɛ yu gɛt lɔŋ layf! Tɛl yu wokman dɛn di drim, ɛn wi go tɛl yu wetin i min.”

Daniɛl 2:4 Referans Kwoze

Daniɛl 5:10

Wɛn di kwin yɛri wetin di kiŋ ɛn di Rɛsidɛnt Minista dɛn de tɔk, i kam insay di ɔl we di pati bin de ɛn tɔk se, “Mi kiŋ, lɛ yu gɛ lɔŋ layf! Nɔ lɛ wetin yu de tink mek yu fred ɔ lɛ yu kɔla chenj.

Daniɛl 3:9

Dɛn tɛl kiŋ Nɛbyukadnɛza se, ‘Lɛ di ki gɛ lɔŋ layf.

Ɛzra 4:7

Ɛn afta da tɛm de sɛf we Kiŋ Atazaksis bigin rul na Pashia, di Juda pipul dɛn ɛnimi rayt ɔda bad lɛta to am bɔt di Ju dɛn, ɛn na Bishlam, Mithrɛdath, Tabil ɛn dɛn wan we de nain kabudu na bin di kakatua. Dɛn rayt lɛta to Atazaksis na Arameik laŋwej ɛn dɛn ɛksplen am we dɛn de rid am to am.

Ayzaya 36:11

Na de Ilayakim, Shɛbna ɛn Joa tɛl di Rabshakɛ se, “duya, tɔk to wi insay Arameik bikɔs wi de ɔndastand da laŋwej de; nɔ tɔk to wi insay Juda dɛn laŋwej bikɔs di pipul dɛn we tap oba di wɔl de yɛri wetin una de se.

Daniɛl 6:21

Nain Daniɛl ansa di kiŋ se, “Mi kiŋ, lɛ PAPA GƆD gi yu lɔŋ layf!

Daniɛl 6:6

Nain di prɛsidɛnt dɛn ɛn di Rɛsidɛnt Minista dɛn mek plan; dɛn ɔl go to di kiŋ togɛda ɛn tɛl am se, “Kiŋ Dariɔs, lɛ yu gɛt lɔŋ layf!

1 Kiŋ 1:31

Bathshiba nildɔŋ bifo di kiŋ ɛn butu in fes na grɔn ɛn se, “Lɛ di kiŋ we na mi lɔd gɛt lɔŋ layf!”

Matyu 21:9

Di pipul dɛn we bin de bifo am ɛn di wan dɛn we bin de fala am bin de ala se, “Mek ɔlman prez Devid in pikin! Mek Gɔd blɛs di wan we i dɔn sɛn fɔ kam tinap fɔ am! Mek ɔlman prez Gɔd!”

Daniɛl 5:8

Nain ɔl di kiŋ in sɛnsman dɛn tray bɔt dɛn nɔ bin ebul fɔ rid wetin rayt ɔ mek di kiŋ no di minin.

Daniɛl 4:19

Daniɛl we nem Bɛlshaza, bin wɔri fɔ sɔn tɛm, bikɔs wetin bin de kam nain maynd bin de mek i fred. Nain di kiŋ se, “Bɛlshaza, nɔ lɛ di drim ɔ in minin mek yu fred.” Bɛlshaza ansa se, “Kiŋ, mek dis drim ya bi fɔ di wan dɛn we nɔ wan si yu ɛn lɛ in minin bi fɔ di wan dɛn we nɔ lɛk yu!

Daniɛl 4:7

So ɔl di magik man, mɛrɛsin man, Babilonian, ɛn man dɛn we no bɔt mun ɛn sta kam insay; ɛn a bin tɛl dɛn di drim, bɔt nɔn nɔ bin ebul fɔ mek a no di minin.

Ayzaya 44:25

Mi PAPA GƆD we de mek di lay we dɛn layman dɛn de lay bɔt tumara, nɔ min natin, ɛn we tɔn di mɛrɛsinman dɛn to fulman; we nɔ tek sɛns wɔd mek natin, ɛn mek dɛn sɛns tɔn fulish tin;

Nɛimaya 2:3

bɔt a tɛl di kiŋ se, “Pa, mek yu gɛt lɔŋ layf! Aw mi at go swit we di siti we dɛn bɛr mi pipul dɛn dɔn pwɛl kpatakpata ɛn faya sɛf dɔn bɔn di get dɛn?”

1 Kiŋ 1:25

I se da vɛri de de Adonayja dɔn mek big sakrifays; i se i kil bɔku bɔku fat kaw, got ɛn ship, dɔn i invayt di kiŋ in bɔypikin dɛn wit Joab we na kɔmanda fɔ di ami ɛn Abiata we na man we de mek sakrifays fɔ pipul sin. I se da momɛnt de sɛf we in de tɔk so, na big big pati Adonayja ɛn in kabudu dɛn de pan, ɛn ɔlman de ala se, “Lɛ Kiŋ Adonayja gɛt lɔŋ layf.”

1 Samiɛl 10:24

Samiɛl kɔl ɔlman fɔ luk Sɔl we na di man we PAPA GƆD pik. I se nɔbɔdi nɔ tan lɛkɛ am. Dɛn di pipul dɛn ala se “Lɛ di kiŋ gɛt lɔŋ layf!”

Jɛnɛsis 41:8

We do klin i bin wɔri, so i sɛn kɔl ɔl in majikman ɛn sɛnsman dɛn we de na Ijipt. I tɛl dɛn in drim, bɔt nɔn pan dɛn nɔ bin ebul fɔ intaprit dɛn.

Jɛnɛsis 31:47

Leban kɔl de Jɛga Saadutha, bɔt Jekɔb kɔl am Galid.

2 Kiŋ 18:26

Na de Ilayakim we na Ilkaya in bɔypikin ɛn Shɛbna ɛn Joa tɛl di fil kɔmanda se lɛ i tɔk to dɛn na Arameik bikɔs dɛn de ɔndastand da laŋwej de; dɛn se lɛ i nɔ tɔk to dɛn na Ibru bikɔs di pipul dɛn we tap oba di wɔl de yɛri wetin dɛn de tɔk.

Daniɛl 1:4

yɔŋ man dɛn we nɔ gɛt ɛni bɔt ɛn fɔ fayn, fɔ gɛt sɛns pan ɔltin, sabi buk gud gud wan, ebul fɔ lan kwik kwik ɛn go ebul wok na di kiŋ in kiŋ os. Ashpenaz fɔ tich dɛn aw fɔ rid ɛn rayt di Babilonian dɛn laŋwej.

Daniɛl 2:7

Nain dɛn ansa bak di sɛkɛn tɛm se, “Lɛ di kiŋ tɛl in wokman dɛn di drim ɛn wi go tɛl yu wetin i min.”

Daniɛl 4:9

ɛn a tɛl am di drim. A se, “Bɛlshaza, yu we na di chif pan ɔl di magikman bikɔs a no se di oli gɔd dɛn spirit de insay yu, ɛn nɔn mistri nɔ traŋa fɔ yu, na di drim dis we a bin si; tɛl mi wetin i min.

Daniɛl 6:7

Ɔl di prɛsidɛnt na di kindɔm, di ɔfisa ɛn di Rɛsidɛnt Minista dɛn, di kanselɔ ɛn di chif dɛn dɔn gri se, di kiŋ fɔ pas wan lɔ se, paopa ɛni pɔsin we pre fɔ ɛnitin to ɛni ɔda gɔd ɔ mɔtalman fɔ di nɛks tati dez, we nɔto yu nɔmɔ i pre to, dɛn fɔ trowe am insay usay dɛn layɔn dɛn de.