Daniɛl 2:34 - Krio Fɔs Oli Baybul

³⁴ As yu bin de luk, wan ston bin kɔt kɔmɔt we nɔto mɔtalman an kɔt am, ɛn nak di imej nain af ayɛn af kle fut dɛn, ɛn nyakanyaka dɛm.

Daniɛl 2:34 Referans Kwoze

Daniɛl 8:25

Bay in kɔni kɔni, di tɛm we i de na pawa, i go mek pipul dɛn prɔfit pan fɔls layf, ɛn i go de tink nain maynd se in na bigman wit bɔku pawa. Di tɛm we pipul dɛn nɔ de tink am, i go kil bɔku; ɛn i go ivin fɛt di prins we ay pas ɔl di prins dɛn; bɔt i go rich in watalo we nɔto bay mɔtalman an.

Zɛkaraya 12:3

Da de de, Jerusɛlɛm go tan lɛk ebi ston ɛn ɔl udat tray fɔ es am go ambɔg insɛf. Da tɛm de, ɔl di neshɔn dɛn go mek gɛŋ fɔ kam mit am.

Ayzaya 60:12

Bikɔs di neshɔn ɛn di kindɔm we nɔ gri sav, yu go pɛrish; Dɛn neshɔn de go distrɔy kpatakpata.

2 Kɔrint 5:1

Wi no se if dis os, we wi tap insay na dis wɔl, we na wi bɔdi, dɔn pwɛl, Gɔd go gɛt os fɔ wi na ɛvin we insɛf mek, ɛn da os de go de sote go.

Zɛkaraya 4:6

Dɔn di enjɛl tɛl am se PAPA GƆD want am fɔ no se nɔto bay di trɛnk ɔ pawa we i gɛt bɔt na bay PAPA GƆD in Spirit.

Daniɛl 7:27

Di kindɔm ɛn di pawa ɛn di kindɔm in pawa ɔnda di wanol ɛvin go go to di pipul dɛn we biliv pan PAPA GƆD we ay pas ɔl; dɛn kindɔm go de sote go ɛn ɔl ɔda pawa dɛn go wok fɔ dɛn ɛn go obe dɛn.’

Ayzaya 28:16

So, na dis Papa Gɔd we na Gɔd se, “a de le wan ston fɔ fawndeshɔn na Zayɔn, ston we dɛn dɔn tɛst, wit wan ston, ston we dɛn dɔn tɛst, wan valyuebul kɔnaston, we na traŋa fawndeshɔn: ‘Udat biliv nɔ go de ɔri ɔri.’

Pita In Fɔs Lɛta 2:7

Dis ston ya de ɛp una we biliv am gud gud wan, bɔt fɔ dɛn wan we nɔ biliv am, dɛn rayt na Gɔd in Buk se, “Di ston we dɛn pipul we de bil nɔ tek mek natin, nain dɔn kam bi di wan we impɔtant pas ɔl di ɔda wan dɛn.”

Matyu 16:18

Ɛn Pita, a de tɛl yu se: yu na rɔk, ɛn na pan dis rɔk ya a go bil mi chɔch, ɛn day sɛf nɔ go ebul am.

Di Sam Dɛm 118:22

Di ston we dɛn wan we de bil nɔ bin want, nain kam bi impɔtant pas ɔl pan di bildin;

Rɛvɛleshɔn 17:14

Dɛn go fɛt di Ship bɔt di Ship ɛn dɛn wan we i kɔl ɛn pik fɔ du in wok, we nɔ lɛf fɔ fala am, go win dɛn. Na so i go bi bikɔs di Ship na di Masta we de oba ɔl dɛn masta, ɛn di Kiŋ we de rul oba ɔl dɛn kiŋ.”

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Di Ibru Pipul Dɛn 9:24

Krays dɔn go insay di ples we Gɔd de na ɛvin. Na dat mek i tinap bifo Gɔd fɔ wi. I nɔ go insay di Bafa we mɔtalman bil, we jɛs de sho aw di ples we Gɔd de na ɛvin, tan.

Apɔsul Dɛn Wok 4:11

Na bɔt Jizɔs, Gɔd bin tɔk se, ‘Da ston we una we de bil bin se nɔ bɛtɛ, nain dɔn kam bi di ston we bɛtɛ pas ɔl di ɔda ston dɛn na di os.’

Jɔn 1:13

Dɛn nɔ bi Gɔd in pikin dɛn lɛkɛ aw dɛn pikin de bɔn na wɔl, dɛn nɔ bi Gɔd in pikin dɛn bikɔs na dat dɛn want ɔ bikɔs na dat ɔda pipul want, bɔt na Gɔd insɛf mek dɛn bi in pikin dɛn bikɔs na dat i want.

Ayzaya 8:9

Una put unasɛf dɔŋ, una dɛn pipul dɛn ya, ɛn mek una at pwɛl; una dɛn kɔntri dɛn we de fa, una yɛri o; tay una ɔja tayt fɔ di shɔk; tay una ɔja tayt fɔ di shɔk.

Daniɛl 2:33

in lɛg dɛn na ayɛn ɛn af pat pan in fut dɛn na ayɛn ɛn af pat na kle.

Izikɛl 32:28

Na so dɛn go brok yu dɔŋ ɛn yu go lidɔm wit dɛn wan we nɔ sakɔmsayz, wit dɛn wan we sɔd kil.

Izikɛl 47:5

Egen, i mɛnshɔ bak fayv ɔndrɛd, ɛn di wata dɔn bi wan riva we a nɔ ebul fɔ pas pan, fɔ di wata bin dɔn rayz i bin dip du naw fɔ swim insay, wan riva we pɔsin nɔ go ebul fɔ waka pas pan.