Daniɛl 2:23 - Krio Fɔs Oli Baybul

²³ Yu we na mi papa dɛn PAPA GƆD, A de tɛl yu tɛnki ɛn prez yu bikɔs na yu dɔn gi mi sɛns ɛn trɛnk, ɛn yu dɔn mek a no naw wetin wi bin de aks yu fɔ, bikɔs yu dɔn mek wi no di kiŋ in prɔblɛm.”

Daniɛl 2:23 Referans Kwoze

Daniɛl 2:18

Ɛn i tɛl dɛm se mek dɛn beg PAPA GƆD na ɛvin lɛ i sɔri fɔ dɛn fɔ dis mistri ya, so dat Daniɛl ɛn in kɔmpin dɛn nɔ go day wit ɔl di ɔda sɛnsman dɛm na Babilɔn.

Ɛksodɔs 3:15

PAPA GƆD tɔk bak se, “Tɛl di Izrɛlayt dɛn se, na PAPA GƆD we una fɔstɛm-papa dɛn dat na di PAPA GƆD we Ebraam, Ayzak ɛn Jekɔb bin de wɔship sɛn yu to dɛn. Na mi nem dis sote go. Na dis nem ya ɔl di jɛnareshɔn dɛn go de yuz fɔ kɔl mi.”

Lyuk 10:21

Da sem tɛm de, Gɔd in Spirit mek Jizɔs gladi, nain Jizɔs se, “Papa, yu we na Masta na ɛvin ɛn dis wɔl! A tɛl yu tɛnki bikɔs yu dɔn sho dɛn pikin we nɔ sabi natin, dɛn tin we yu ayd pan di wan dɛn we gɛt sɛns ɛn we lan plɛnti tin. Lɛ i bi so Papa, bikɔs na so yu want.

Matyu 11:25

Da sem tɛm de Jizɔs se, “Papa, yu we na Masta na ɛvin ɛn dis wɔl! A tɛl yu tɛnki bikɔs yu dɔn sho pikin dɛn we nɔ sabi natin, dɛn tin we yu ayd pan di wan dɛn we gɛt sɛns ɛn lan plɛnti tin.

Emɔs 3:7

PAPA GƆD we na GƆD, nɔ de wande du sɔntin we i nɔ de tɛl in savant dɛn we na prɔfɛt.

Daniɛl 1:17

As fɔ dɛn fo yɔŋ man ya, PAPA GƆD gi dɛn sɛns ɛn skil pan ɔl kayn tin we pipul rayt; ɛn Daniɛl bin no bɔt ɔl kayn vishɔn ɛn drim.

Ayzaya 12:1

Una go tɔk da de de se: “A go tɛl yu tɛnki PAPA GƆD, ɔldo yu bin vɛks pan mi yu at dɔn kol, ɛn yu bin koks mi.

Di Sam Dɛm 50:14

Una fɔ de tɛl mi tɛnki, na dat fɔ bi una sakrifays to mi, we na PAPA GƆD we gɛt pawa pas ɔl,

Di Sam Dɛm 25:14

Na udat gɛt rɛspɛkt fɔ PAPA GƆD i de tɛl in sikrit, ɛn mek dɛn no se i nɔ gɛt fɔ chenj in Kɔvinant.

Rɛvɛleshɔn 5:5

Wɛn wan pan di bigman dɛn si se a de kray, i se, “Lɛf fɔ kray; luk, da pɔsin we dɛn kɔl di Layɔn we kɔmɔt na Juda trayb, di wan we na wan pan Devid in grampikin pikin dɛm, dɔn win ɔlsay. I kin pul di tin dɛn we dɛn tek fasin di pepa sɛvin say ɛn opin am.”

Rɛvɛleshɔn 1:1

Insay dis buk dɛn rayt dɛn tin we Jizɔs Krays sho dɛn pipul we de du Gɔd wok. Na Gɔd fɔs sho Jizɔs Krays dɛn tin ya, so dat i kin mek dɛn wan we de du in wok no dɛn tin we mɔs bi. I sɛn in enjɛl go mit Jɔn we bin de wok fɔ am fɔ mek di enjɛl sho Jɔn dɛn tin ya.

Jɔn 11:41

Dɛn pul di ston kɔmɔt na di grev domɔt. Jizɔs luk ɔp ɛn pre se, “Papa, a de tɛl yu tɛnki bikɔs yu de ansa mi wɛn a pre.

Ɛkliziastis 9:18

Fɔ gɛt sɛns bɛtɛ pas fɔ gɛt tin dɛn fɔ tek fɛt, ɛn na wan rɔtin fish de pwɛl ɔl di ɔda wan dɛn.

Ɛkliziastis 7:19

Sɛns kin mek pɔsin gɛt pawa pas we tɛn pɔsin de rul wan siti.

Prɔvabs 24:5

Man we gɛt sɛns gɛt pawa pas man we gɛt trɛnk; pawa pas trɛnk,

Prɔvabs 21:22

Ɛni ami kɔmanda we gɛt sɛns kin atak ɔda pawaful siti ɛn kapchɔ am, ɛn brok, brok ɔl in sikyɔriti wɔl dɛn.

Prɔvabs 8:14

A sabi gi gud advays ɛn sabi wok mi plan, a de si fa ɛn a trɔŋ.

2 Kronikuls 20:6

ɛn i tɔk se, “Duya PAPA GƆD we na wi papa dɛn Gɔd, nɔto yu na di Gɔd na ɛvin? Nɔt to yu de rul ɔl di kindɔm dɛn na di wɔl? Na yu gɛt ɔl di pawa ɛn trɛnk na wɔl, we mek nɔbɔdi nɔ go ebul tinap bifo yu.

1 Kronikuls 29:13

So, wi Gɔd, wi tɛl yu tɛnki ɛn prez yu nem we dɛn de kɔle pan.

1 Kronikuls 29:10

So Devid blɛs PAPA GƆD bifo dɛn ɔl we gɛda de; ɛn Devid tɔk se, “Yu gɛt blɛsin PAPA GƆD we na Izrɛl dɛn Gɔd, we na wi Papa, sote go ɛn sote go.

1 Kiŋ 18:36

Wɛn di tɛm rich fɔ ɔfa di sakrifays, Prɔfɛt Ilayja muf go bifo ɛn bigin pre se, “E PAPA GƆD, di PAPA GƆD fɔ Ebraam, Ayzak ɛn Jekɔb, lɛ dɛn pipul yaso no tide se yu na PAPA GƆD na Izrɛl ɛn mi na yu savant, ɛn wetin a de du so na wetin yu tɛl mi fɔ du.

1 Kiŋ 8:57

Mek PAPA GƆD wi PAPA GƆD de wit wi lɛkɛ aw i bin de wit wi papa dɛn, lɛ i nɔ ɛva lɛf wi ɔ fɔsek wi.

Jɛnɛsis 18:17

PAPA GƆD tɔk to insɛf se, “I nɔ go fayn lɛ a ayd wetin a want du pan Ebraam, bikɔs

Jɔn 15:15

A nɔ de kɔl una bɔy igen, bikɔs bɔy nɔ no wetin in masta de du, bɔt a de kɔl una mi padi dɛn, bikɔs a dɔn tɛl una ɔl wetin mi Papa dɔn tɛl mi.

Ɛkliziastis 9:16

Na dat mek a se sɛns bɛtɛ pas trɛnk, bɔt nɔbɔdi nɔ fil se poman fɔ gɛt sɛns ɛn dɛn nɔ de lisin to am sɛf.

Jɛnɛsis 31:42

If nɔto fɔ PAPA GƆD, di PAPA GƆD we na mi papa in PAPA GƆD, ɛn Ebraam insɛf yon PAPA GƆD, we Ayzak de fred, a no se yu bin fɔ dɔn drɛb mi ɛn nɔ gi mi natin. PAPA GƆD insɛf si se a dɔn sɔfa ɛn a dɔn wok fɔ yu, nain mek i apia to yu yɛstade nɛt ɛn wɔn yu fɔ kɔmɔt biɛn mi.”

Di Sam Dɛm 21:2

Yu dɔn mek i gɛt wetin i want ɛn gi am ɔl wetin i aks fɔ.

Di Sam Dɛm 21:4

I aks yu fɔ layf, ɛn yu gi am lɔŋ layf we i go ɛnjɔy.

Jɛrimaya 33:3

Kɔl mi ɛn a go ansa yu, ɛn a go tɛl yu di wɔndaful tin dɛn we ayd we yu nɔ no yet.