Daniɛl 2:22 - Krio Fɔs Oli Baybul

²² I de sho dɛn dɛn dip dip ɛn mistri tin dɛn; I no wetin de insay dak ples, ɛn di layt tap wit am.

Daniɛl 2:22 Referans Kwoze

Job 12:22

I de mek tin dɛn we pipul nɔ no se de bi, kam na layt.

Jɔn In Fɔs Lɛta 1:5

Dis na di mɛsej we Gɔd in Pikin tɛl wi ɛn nain wi de tɛl una: Gɔd na layt; daknɛs nɔ de pan am atɔl.

Jems 1:17

Na Gɔd nɔmɔ de gi wi ɔl dɛn tin we gud ɛn we mek wi nɔ want ɛnitin mɔ. Na Gɔd mek di san, di mun ɛn di sta dɛn. Gɔd nɔ de chenj, i nɔ de lɛf wi na dak afta i dɔn mek layt shayn pan wi.

Di Ibru Pipul Dɛn 4:13

Natin nɔ de we Gɔd mek we i nɔ de si; natin nɔ de we ayd, we Gɔd nɔ de si; Gɔd de si ɔltin, ɛn na bifo am wi ɔl gɛt fɔ tinap bambay ɛn tɔk ɔl wetin wi bin du na wɔl.

Jɛrimaya 23:24

PAPA GƆD se, Ɛnibɔdi go ebul ayd insɛf na ɛni sikrit ples we a nɔ go ebul si am? A nɔ de ɔlsay na wɔl?

Di Sam Dɛm 25:14

Na udat gɛt rɛspɛkt fɔ PAPA GƆD i de tɛl in sikrit, ɛn mek dɛn no se i nɔ gɛt fɔ chenj in Kɔvinant.

Fɔs Lɛta To Timoti 6:16

Nain wangren nɔ de day, ɛn i de na layt we mɔtalman nɔ ebul kam klos, nɔ mɔtalman nɔ si am yet ɛn nɔ mɔtalman nɔ ebul si am. Mek wi rɛspɛkt am ɛn mek in pawa rul di wɔl sote go! Emɛn.

Daniɛl 5:11

Wan man de na yu kindɔm we gɛt di oli gɔd in spirit insay am. Di tɛm we yu papa na bin kiŋ, dɛn bin fɛnɔt se layt, ɔndastandin ɛn sɛns bin de pan dis man, lɛk di sɛns we di gɔd dɛn gɛt. Ɛn Kiŋ Nɛbyukadnɛza, yu papa, bin mek am di bigman pan ɔl di magik man, mɛrɛsin man, Babilonian ɛn man dɛn we no bɔt mun ɛn sta,

Di Sam Dɛm 36:9

Na yu de gi layf ɛn nainsay yu wi de si wi we klia na layf.

Daniɛl 2:11

Di tin traŋa we di kiŋ de aks ɛn nɔbɔdi nɔ go ebul fɔ sho di kiŋ, pas nɔmɔ dɛn gɔd we nɔ tap wit mɔtalman.”

Ayzaya 45:7

A mek layt ɛn daknɛs, A mek gladi gladi ɛn waala, na Mi na PAPA GƆD, we de du ɔl dɛn tin ya.

Lɛta Fɔ Ɛfisɔs 3:5

Gɔd nɔ bin tɛl wi lɔntɛm pipul dɛn dis sikrit ya, bɔt naw Gɔd dɔn mek in Spirit sho di apɔsul ɛn di prɔfɛt dɛn dis sikrit.

1 Kɔrint 4:5

So una nɔ fɔ jɔj ɛnibɔdi bifo di rayt tɛm rich, dat na bifo di Masta kam. Dɛn tin we de na dak naw go kam na layt wande ɛn di Masta go mek ɔlman no wetin pipul bin de mekɔp na dɛn at fɔ du. Da tɛm de Gɔd go prez ɔl dɛn wan we fɔ gɛt prez.

Jɔn 21:17

Jizɔs aks Pita di tɔd tɛm se, “Saymɔn, yu we na Jɔn in pikin, yu lɛk mi?” Pita in at pwɛl bikɔs Jizɔs aks am tri tɛm se if i lɛk am, so i ansa di Masta se, “Masta, yu no ɔltin, yu no se a lɛk yu!” Jizɔs se, “Mɛn mi ship dɛn.

Ayzaya 41:22

Lɛ dɛn briŋ dɛm, ɛn tɛl wi wetin gɛt fɔ apin. Tɛl wi wetin bin dɔn apin, tɛl wi bɔt dɛn, mek wi go tink bɔt dɛm, so dat wi go no aw dɛn pas; ɔ mek wi no wetin gɛt fɔ apin.

Di Sam Dɛm 104:2

Yu kɔba yusɛf wit layt lɛkɛ se na klos yu wɛr; yu mek di klawd kɔba ɔlman lɛk we man tinap ɔnda ruf

Job 26:6

PAPA GƆD no ɔltin bɔt usay dayman de go, i de si ɔltin.

Jɔn 8:12

Jizɔs bigin tɔk to di Faresi dɛn bak, i se, “Mi na di Layt na di wɔl, ɛnibɔdi we de fala mi go gɛt di layt we de gi layf ɛn i nɔ go waka na dak.”

Jɔn 1:9

Di layt we i tɔk bɔt na di tru layt we kam na di wɔl, ɛn shayn pan ɔlman ɛn mek ɔlman si am.

Matyu 13:13

Di rizin we mek a de pul parebul fɔ tich dɛn, nain dis: dɛn de luk, bɔt dɛn nɔ de si; dɛn de lisin, bɔt dɛn nɔ de yɛri ɛn dɛn nɔ de ɔndastand.

Daniɛl 5:14

A dɔn yɛri bɔt yu se yu gɛt di oli gɔd in spirit insay yu, ɛn yu gɛt layt ɛn ɔndastandin, ɛn gud gud sɛns.

Ayzaya 42:9

A de tɛl yu, di fɔstɛm tin dɛm dɔn bi, ɛn na nyu tin dɛn a de tɛl una bɔt; Bifo dɛn apin a de tɛl una bɔt dɛm.”

Ayzaya 41:26

Udat bin tɔk am frɔm di biginin, lɛ wi go no, ɛn bifo di tɛm, lɛ wi go se “I rayt”? Nɔbɔdi nɔ de we bin tɔk am, nɔbɔdi nɔ bin anawns am, nɔbɔdi nɔ bin yɛri wetin yu se.

Jɛnɛsis 41:16

Josɛf ansa am se di kiŋ se, nɔto in de intaprit drim, bɔt PAPA GƆD go intaprit am fɔ am.

Daniɛl 2:19

Nain PAPA GƆD sho Daniɛl di mistri pan vishɔn na nɛt. So Daniɛl blɛs PAPA GƆD we de na ɛvin.

Daniɛl 2:47

Di kiŋ tɛl Daniɛl se, “Fɔ tru tru, yu PAPA GƆD na im na di edman pan ɔl dɛn gɔd, ɛn na di big wan pan ɔl dɛn kiŋ, ɛn na im ebul fɔ pul mistri na do, bikɔs yu dɔn ebul pul dis mistri na do.”

Ditarɔnɔmi 29:28

ɛn PAPA GƆD vɛks te i pul dɛn kɔmɔt na dɛn land ɛn put dɛn na fɔren land te datɛnde.

Ɛkliziastis 8:1

Udat tan lɛk pɔsin we gɛt sɛns? Udat no aw fɔ intaprit ɛnitin? Sɛns de mek pɔsin fes shayn ɛn di twis we i de twis in fes, chenj.

Jɛrimaya 33:3

Kɔl mi ɛn a go ansa yu, ɛn a go tɛl yu di wɔndaful tin dɛn we ayd we yu nɔ no yet.