Daniɛl 2:19 - Krio Fɔs Oli Baybul

¹⁹ Nain PAPA GƆD sho Daniɛl di mistri pan vishɔn na nɛt. So Daniɛl blɛs PAPA GƆD we de na ɛvin.

Daniɛl 2:19 Referans Kwoze

Di Nɔmba Dɛm 12:6

i se, “Una lisin to mi gud. Na bay vishɔn a de sho misɛf to ɛni PAPA GƆD in prɔfɛt dɛn, dɔn a de tɔk to dɛn pan drim.

Emɔs 3:7

PAPA GƆD we na GƆD, nɔ de wande du sɔntin we i nɔ de tɛl in savant dɛn we na prɔfɛt.

Daniɛl 7:7

Afta dis, insay dis vishɔn ya na nɛt, a si di nɔmba fo bist; in bin ebi fɔ luk, ɛn bin fiaful ɛn bin gɛt trɛnk bad; i bin gɛt ayɛn tit dɛm; i bin de it awaŋɔt we ɛn bin de brok brok pis pis, ɛn mas mas di wan dɛn we lɛf, wit in fut. I bin difrɛn frɔm ɔl di ɔda bist dɛn we bin dɔn kam bifo am; ɛn in bin gɛt tɛn ɔn.

Di Sam Dɛm 25:14

Na udat gɛt rɛspɛkt fɔ PAPA GƆD i de tɛl in sikrit, ɛn mek dɛn no se i nɔ gɛt fɔ chenj in Kɔvinant.

Daniɛl 1:17

As fɔ dɛn fo yɔŋ man ya, PAPA GƆD gi dɛn sɛns ɛn skil pan ɔl kayn tin we pipul rayt; ɛn Daniɛl bin no bɔt ɔl kayn vishɔn ɛn drim.

Job 4:13

We a kin tink bɔt di drim we a kin drim na nɛt we mɔtalman kin slip dip,

Daniɛl 4:9

ɛn a tɛl am di drim. A se, “Bɛlshaza, yu we na di chif pan ɔl di magikman bikɔs a no se di oli gɔd dɛn spirit de insay yu, ɛn nɔn mistri nɔ traŋa fɔ yu, na di drim dis we a bin si; tɛl mi wetin i min.

Daniɛl 2:22

I de sho dɛn dɛn dip dip ɛn mistri tin dɛn; I no wetin de insay dak ples, ɛn di layt tap wit am.

Jɔshwa 22:33

Di pipul dɛn bin gladi bad bad wan we dɛn yɛri aw dɛn pas. So dɛn blɛs PAPA GƆD ɛn dɛn nɔ tɔk bɔt fɛt biznɛs igen, fɛt we bin fɔ nyakanyaka dɛn kɔmpin Izrɛlayt dɛn we de na di ist, dat na di Rubɛn, di Gad ɛn af di Manasɛ fambul, dɛn land.

Daniɛl 4:26

Ɛn as dɛn bin se fɔ lɛf di bɔtɔm pat pan di tik wit di rut dɛn, yu kindɔm go bi yu yon bak frɔm di tɛm we yu go no se na PAPA GƆD na ɛvin de rul.

Daniɛl 7:2

Daniɛl se, “insay mi vishɔn we a si na nɛt, a si fo difrɛn kayn briz we kɔmɔt na ɛvin de blo, ɛn miksɔp di big big si.