Daniɛl 2:18 - Krio Fɔs Oli Baybul

¹⁸ Ɛn i tɛl dɛm se mek dɛn beg PAPA GƆD na ɛvin lɛ i sɔri fɔ dɛn fɔ dis mistri ya, so dat Daniɛl ɛn in kɔmpin dɛn nɔ go day wit ɔl di ɔda sɛnsman dɛm na Babilɔn.

Daniɛl 2:18 Referans Kwoze

Jɛrimaya 33:3

Kɔl mi ɛn a go ansa yu, ɛn a go tɛl yu di wɔndaful tin dɛn we ayd we yu nɔ no yet.

Matyu 18:19

“A de tɛl una igen se, if tu pan una gri fɔ aks Gɔd fɔ du sɔntin na dis wɔl, mi Papa we de na ɛvin go du di tin fɔ una.

Matyu 18:12

“Una tɛl mi, if wan man gɛt wan ɔndrɛd ship, ɛn wan pan di ship dɛn lɔs, di man nɔ go lɛf di naynti-nayn ship na di il, ɛn tɔn bak go luk fɔ di wan ship we lɔs?

Di Sam Dɛm 91:15

I go kɔl am fɔ sev am ɛn i go ansa; I se, i go pul am pan trɔbul, i go blɛs am ɛn mek in ed big.

Di Sam Dɛm 50:15

dɔn da tɛm de we una aks mi fɔ pul una pan trɔbul, a nɔ go fɔgɛt una ɛn una go prez mi.”

Malakay 3:18

Dat tɛm de, dɛnsɛf go no udat de waka tret wit PAPA GƆD ɛn udat nɔ de du wetin i fil fɔ du, bitwin udat de du wetin PAPA GƆD want ɛn udat nɔ de du wetin PAPA GƆD want.

Ayzaya 37:4

Dɛn se sɔntɛm, PAPA GƆD we na una Gɔd dɔn yɛri ɔl di wɔd we di kiŋ na Asiria in Rabshakɛ dɔn wes pan PAPA GƆD ɛn provok am, ɛn so PAPA GƆD go dil wit am fɔ dat, dɔn lɛ i pre fɔ di wan dɛn we lɛf naw pan di Izrɛlayt dɛn.

1 Samiɛl 17:37

Devid se, PAPA GƆD we mek di layɔn ɛn di bia nɔ kil am go mɔs mek di Filistin nɔ kil am. Sɔl tɛl Devid lɛ i go fɛt di fɛt. I pre mek PAPA GƆD de wit am.

Jɛnɛsis 18:28

Sɔpoz na fɔti-fayv pipul dɛn nɔmɔ de de we de du wetin rayt, dɛn nɔ rich fifti, yu go stil pwɛl di wanol siti bikɔs fayv shɔt tin?” PAPA GƆD ansa se, “A nɔ go pwɛl di siti if a fɛn fɔti-fayv pipul de we de du wetin rayt.”

Pita In Sɛkɛn Lɛta 2:9

Ɔl dis sho se di Masta de pul gud pɔsin pan waala ɛn i de pɔnish dɛn bad pɔsin te di de we i go jɔj dɛn, rich,

Lɛta Fɔ Rom 15:30

Mi kɔmpin Kristiɛn dɛn, fɔseka di biliv we wi biliv pan wi Masta Jizɔs Krays, ɛn di lɛk we Gɔd in Spirit put na wi at, a de beg una mek una pre fɔ mi wit ɔl una at lɛkɛ aw misɛf de pre fɔ misɛf.

Apɔsul Dɛn Wok 12:4

Wɛn dɛn ol Pita, dɛn put am na sɛl. Dɛn mek sikstin soja man dɛn de gyad am; di soja man dɛn bin de fo-fo we dɛn de gyad am. Ɛrɔd Agripa bin mekɔp fɔ lɛ dɛn jɔj Pita wɛn di Ju ɔlide we nem Pasova dɔn.

Daniɛl 3:17

I na so i fɔ bi, we PAPA GƆD we wi de wok fɔ go ebul sev wi kɔmɔt na di faya we de insay da big big ovin we faya de kech bad bad wan; ɛn i go pul wi kɔmɔt na yu an.

Izikɛl 36:37

“Na dis PAPA GƆD se: na dis sɛf a go mek di Izrɛl pipul aks mi fɔ du fɔ dɛm: fɔ mek a ad mɔ ɛn mɔ to dɛn mɔtalman dɛn lɛk bɔku bɔku ship.

Daniɛl 2:23

Yu we na mi papa dɛn PAPA GƆD, A de tɛl yu tɛnki ɛn prez yu bikɔs na yu dɔn gi mi sɛns ɛn trɛnk, ɛn yu dɔn mek a no naw wetin wi bin de aks yu fɔ, bikɔs yu dɔn mek wi no di kiŋ in prɔblɛm.”

Daniɛl 4:26

Ɛn as dɛn bin se fɔ lɛf di bɔtɔm pat pan di tik wit di rut dɛn, yu kindɔm go bi yu yon bak frɔm di tɛm we yu go no se na PAPA GƆD na ɛvin de rul.

Jona 1:9

I tɛl dɛn se in na Ibru ɛn dat na PAPA GƆD we na di GƆD we mek ɛvin ɛn ath i de wɔship.

Di Sam Dɛm 136:26

Tɛl di PAPA GƆD na ɛvin tɛnki in lɔv de de sote go.