Daniɛl 2:12 - Krio Fɔs Oli Baybul

¹² Di kiŋ bin vɛks fɔ we dɔn tɔk so, ɛn i vɛks bad bad wan, ɛn gi ɔda se fɔ kil ɔl di sɛnsman dɛn na Babilɔn.

Daniɛl 2:12 Referans Kwoze

Daniɛl 3:13

Nain Nɛbyukadnɛza vɛks bad bad wan, ɛn se lɛ dɛn briŋ Shedrak, Mishak ɛn Abɛdnigo to am. So dɛn bin briŋ dɛn kam to di kiŋ.

Matyu 2:16

Kiŋ Ɛrɔd bin vɛks bad wan wɛn i no se di trenja dɛn we bin kɔmɔt na di ist mek am ful. I pas lɔ se, dɛn fɔ kil ɔl dɛn bɔy pikin we de na Bɛtliɛm ɛn di tɔŋ dɛn we de rawnd Bɛtliɛm. I se dɛn fɔ kil frɔm di wan dɛn we bin dɔn ol tu ia kam dɔŋ to di wan dɛn we bin jɛs bɔn. Di kiŋ du dat fɔseka di wɔd we di trenja dɛn we bin kɔmɔt na di ist tɛl am bɔt Jizɔs, di tɛm we dɛn bin si di sta.

Daniɛl 3:19

Nɛbyukadnɛza in at bin ful wit bad bad vɛksteshɔn ɛn in fes chenj pan Shedrak, Mishak ɛn Abɛdnigo. I gi ɔda se lɛ dɛn wam di big big ovin we faya de kech bad bad wan sɛvin tɛm pas aw dɛn kin wam am.

Di Sam Dɛm 76:10

Di vɛks we yu kin vɛks pan mɔtalman kin lɛ dɛn si wetin mek dɛn fɔ prez yu; ɛn dɛn wan dɛn we nɔba sɔfa we yu de jɔj kin lɛk fɔ prez yu mɔ.

Daniɛl 2:5

Nain di kiŋ ansa di Babilonian dɛn se, “Wetin mi se, nɛf kɔt. If una nɔ tɛl mi di drim ɛn wetin di drim min, dɛn go chɛr una an ɛn fut dɛn wan bay wan, dɔn a go mek dɛn brok una os dɛn kam dɔŋ kpatakpata.

Prɔvabs 29:22

Pɔsin we gɛt wamat de sɛt big, big gbosgbos; ɛn pɔsin we tu krɔs de kɔz trɔbul.

Prɔvabs 20:2

Wɛn kiŋ dɔn vɛks bad bad wan, i tan lɛkɛ we wayl animal de rej, udat go ambɔgin am go lɔs in layf.

Prɔvabs 19:12

Wɛn kiŋ vɛks, i tan lɛkɛ we wayl animal de rej, bɔt wɛn i lɛk yu, i tan lɛkɛ we ali mɔnin dyu de fɔdɔm.

Prɔvabs 16:14

If Kiŋ vɛks i kin mek dɛn kil, bɔt if sɛnsman de nia am i kin kol in tɛmpa.

Job 5:2

Vɛksteshɔn de kil fulman, ɛn jɛlɔsi de kil pɔsin we nɔ gɛt bɛtɛ sɛns.

Matyu 5:22

Bɔt mi de tɛl una se: dɛn go jɔj ɛnibɔdi we vɛks pan in brɔda. Dɛn go kɛr ɛnibɔdi we kɔs in brɔda go bifo di Ju gran kot, ɛn ɛnibɔdi we tɛl in brɔda se, ‘Yu fulman!’ Da pɔsin de go sɔfa na di faya we de na ɛl.

Daniɛl 2:24

So Daniɛl bin go insay to Ariɔk we di kiŋ bin dɔn chuz fɔ kil di sɛnsman dɛn na Babilɔn. I bin go tɛl am se, “Nɔ kil di sɛnsman dɛn na Babilɔn; kɛr mi go bifo di kiŋ ɛn a go tɛl am wetin di drim min.”

Daniɛl 5:19

Bikɔs ɔf di pawa we PAPA GƆD gi am, ɔl kayn pipul, neshɔn ɛn dɛn wan we de tɔk difrɛn difrɛn laŋwej bin de trimbul ɛn de fred am; udat Nɛbyukadnɛza wan fɔ kil, i kil. Udat i wan fɔ fri, i fri; udat i wan fɔ promot, i promot, ɛn udat i wan fɔ briŋ dɔn, i briŋ kam dɔŋ.