Daniɛl 2:1 - Krio Fɔs Oli Baybul

¹ Insay di sɛkɛn ia we kiŋ Nɛbyukadnɛza bin de na pawa, Nɛbyukadnɛza bin drim bɔku bɔku drim. In at bigin wɔri ɛn i nɔ bin de ebul slip.

Daniɛl 2:1 Referans Kwoze

Daniɛl 4:5

Nain a drim sɔn kayn drim we mek a fred; as a bin ledɔm na mi bed, di tinks dɛn we a de tink bɔt ɛn di vishɔn dɛn we a de gɛt, bin mek a fred.

Ɛsta 6:1

Da sem nɛt de, di kiŋ nɔ ebul slip; i ɔda in wokman dɛn fɔ briŋ di buk we nainsay de dɛn kin rayt ɔl wetin de bi insay di kindɔm, kam rid wetin de de to am.

Daniɛl 2:3

Nain di kiŋ tɛl dɛn se, “a bin drim wan drim, ɛn mi at wɔri fɔ no wetin di drim min.”

Jɛrimaya 25:1

Na di wɔd dis we rich Jɛrimaya bɔt di pipul dɛn na Juda, insay di ia we mek Jɛoiakim we na Josaya in bɔypikin fo ia as kiŋ na Juda (dat na bin Nɛbyukadnɛza in fɔs ia as kiŋ na Babilɔn)

Daniɛl 6:18

Nain di kiŋ go nain pales ɛn nɔ it ɔ drink ɛnitin ol nɛt. I nɔ mek dɛn briŋ ɛnitin we go mek in at gladi, ɛn slip lɔs pan am.

Daniɛl 5:9

So Kiŋ Bɛlshaza bin fred bad bad wan ɛn in kɔla chenj, ɛn in Rɛsidɛnt Minista dɛn bin wɔri.

Daniɛl 7:1

Di fɔs ia we Bɛlshaza, Babilɔn dɛn kiŋ bin de na pawa, Daniɛl bin drim ɛn si vishɔn we i bin lidɔm nain bed. So i rayt dɔn di drim ɛn tɔk ɔl wetin i si.

Daniɛl 4:2

A fil se i go gud fɔ lɛ a sho una di sayn ɛn wɔnda dɛn we PAPA GƆD we ay pas ɔl, bin du to mi.

Daniɛl 7:15

“Ɛn as fɔ mi Daniɛl, mi spirit bin wɔri bad bad wan ɛn di vishɔn dɛn we a bin de tink bɔt, bin de mek a fred.