Daniɛl 12:8 - Krio Fɔs Oli Baybul

⁸ A bin yɛri, bɔt a nɔ bin ɔndastand. Nain a se, “Du ya masta, wetin ɔl dɛn tin ya min?”

Daniɛl 12:8 Referans Kwoze

Apɔsul Dɛn Wok 1:7

Jizɔs ansa dɛn se, “Na mi Papa nɔmɔ gɛt rayt fɔ tɔk ustɛm ɔl dɛn tin de go bi, nɔto una.

Pita In Fɔs Lɛta 1:11

Wɛn Krays in Spirit we bin de insay dɛn bin tɔk bɔt aw Krays bin gɛt fɔ sɔfa ɛn di wɔndaful tin dɛn we bin gɛt fɔ apin afta dat, di prɔfɛt dɛn bin tray fɔ no ustɛm dɛn tin de go bi ɛn aw dɛn go bi.

Jɔn 12:16

Di tɛm we ɔl dis de bi, Jizɔs in lanin bɔy dɛn nɔ bin ɔndastand wetin dat min, bɔt wɛn Gɔd mek Jizɔs rayz frɔm in grev ɛn sho aw i wɔndaful, di lanin bɔy dɛn mɛmba se, dis wɔd we bin rayt na Gɔd in Buk na bin bɔt Jizɔs, ɛn dɛn si se ɔl wetin rayt de, nain bi.

Lyuk 18:34

Bɔt Jizɔs in lanin bɔy dɛn nɔ bin no wetin Jizɔs de tɔk bɔt bikɔs Gɔd bin ayd di minin.

Daniɛl 12:6

Nain a aks di man we wɛr linin klos, we bin de ɔp say se, “aw lɔŋ i go tek bifo dɛn wɔnda ya go dɔn?”

Daniɛl 10:14

ɛn a dɔn kam fɔ mek yu ɔndastand wetin gɛt fɔ apin to yu pipul dɛn bambay. Bikɔs di vishɔn nɔto fɔ naw, na fɔ bambay.

Daniɛl 8:13

Nain a yɛri wan Oli Wande tɔk; ɛn wan ɔda Oli wan tɛl di wan we bin de tɔk se, “aw lɔŋ dis vishɔn ya bɔt di sakrifays we dɛn de bɔn ɔltɛm, ɛn di sin dɛn we de pwɛl at, ɛn di tek we dɛn dɔn tek di ples we dɛn de pre, ɛn aw dɛn de mas mas di man na os ɔnda dɛn fut?”

Daniɛl 12:7

Di man we bin wɛr linin klos we bin de ɔp say oba di watasay, es in rayt an ɛn lɛf an ɔp to ɛvin, ɛn a yɛri we i de swɛ wit di wan we nɔ de day in nem, se i go bi fɔ tri ɛn af ia. Dɔn i se, na wɛn di oli pipul dɛn pawa go dɔn, ɔl dɛn tin ya go dɔn bi.

Daniɛl 12:9

Nain i se, “Daniɛl, go usay yu de go, bikɔs dɛn dɔn kɔba ɛn lɔk tayt ɔl wetin dɛn se, te di tɛm kam we di wɔl go dɔn.