Daniɛl 12:7 - Krio Fɔs Oli Baybul

⁷ Di man we bin wɛr linin klos we bin de ɔp say oba di watasay, es in rayt an ɛn lɛf an ɔp to ɛvin, ɛn a yɛri we i de swɛ wit di wan we nɔ de day in nem, se i go bi fɔ tri ɛn af ia. Dɔn i se, na wɛn di oli pipul dɛn pawa go dɔn, ɔl dɛn tin ya go dɔn bi.

Daniɛl 12:7 Referans Kwoze

Daniɛl 7:25

I go tɔk bad tin bɔt PAPA GƆD we ay pas ɔl, ɛn i go mɔna dɛn wan dɛn we biliv pan PAPA GƆD ɛn i go tink fɔ chenj aw tin tan, ɛn di lɔ; ɛn i go gɛt di pawa fɔ tri ɛn di af ia.

Rɛvɛleshɔn 12:14

Sɔmbɔdi bin gi di uman tu wiŋs, dat na da bɔd we dɛn kɔl igul, in big wan, in wiŋ dɛn, fɔ mek i flay go na di ples we de na di dɛzat, we dɛn bin dɔn kip fɔ am, dɛn go de mɛn am de fɔ tri ɛn af ia mek di dragɔn nɔ go ebul du am bad.

Daniɛl 8:24

I go gɛt bɔku pawa ɛn i go so de pwɛl ɛn kil, dat pipul dɛn go de fred am. I go de win pan ɔl wetin i de du, ɛn i go nyakanyaka plɛnti bigman dɛn, ɛn semwe, dɛn pipul we biliv pan PAPA GƆD.

Rɛvɛleshɔn 13:5

Dɛn bin gri fɔ mek di wayl bif tɔk ɔl kayn bad tin bɔt Gɔd ɛn tɔk dɛn tin we sho se i prawd; ɛn dɛn bin gri fɔ mek i rul fɔ fɔti-tu mɔnt.

Rɛvɛleshɔn 12:6

Di uman rɔnawe go na di dɛzat, na di say we Gɔd bin dɔn mek fɔ am, na de i go de fɔ wan tawzin, tu ɔndrɛd ɛn siksti de, ɛn pɔsin go de mɛn am.

Lyuk 21:24

Dɛn go tek sɔd kil sɔm, dɛn go tek sɔm lɛkɛ prizina kɛr dɛn go ɔlsay. Dɛn pipul we nɔ sabi Gɔd, go pwɛl Jerusɛlɛm ɔltogɛda, te dɛn kɔmɔt na pawa.

Daniɛl 4:34

Wɛn dɛn tɛm dɛn de ɔl dɔn pas, mi Nɛbyukadnɛza es mi yay ɔp to ɛvin, ɛn mi sɛns bin kam bak ɛn a bin blɛs PAPA GƆD we ay pas ɔl, ɛn prez am ɛn gi am ɔna we di de sote go; bikɔs in pawa na pawa we de sote go ɛn in kindɔm de de frɔm jɛnareshɔn to jɛnareshɔn.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Jɛrimaya 4:2

ɛn if una swɛ se, ‘Wans PAPA GƆD de,’ fɔseka di tru, fɔ jɔstis sek, ɛn fɔ tretwaka, na da tɛm de ɔl dɛn neshɔn dɛm go blɛs dɛnsɛf insay in nem ɛn na wit in nem dɛn go mek mɔt.”

Ayzaya 62:12

Ɛn dɛn go kɔl dɛm Di oli pipul, Di wan dɛn we PAPA GƆD dɔn pe fɔ; ɛn dɛn go kɔl yu, Di wan we dɛn de luk fɔ, siti we dɛn nɔ lɛf to insɛf.

Ditarɔnɔmi 26:19

Mozis tɛl dɛn se, PAPA GƆD dɔn prɔmis dɛn se, in go mek Izrɛl shayn na di wanol wɔl; i go mek dɛn gɛt pawa pas ɔl ɔda neshɔn dɛn na di wɔl, dɛn go yɛri bɔt dɛn, tɔk dɛn gud nem, ɛn rɛspɛkt dɛn ɔlsay na di wɔl.

Ditarɔnɔmi 7:6

I tɛl dɛn se dɛn na PAPA GƆD in pipul dɛn, ɛn se pan ɔl di ɔda pipul dɛn na di wɔl na dɛn nɔmɔ PAPA GƆD pik fɔ bi in spɛshal pipul dɛn.

Daniɛl 12:6

Nain a aks di man we wɛr linin klos, we bin de ɔp say se, “aw lɔŋ i go tek bifo dɛn wɔnda ya go dɔn?”

Daniɛl 11:13

Di kiŋ na Siria go gɛda bɔku bɔku pipul bak we plɛnti pas di las tɛm; afta sɔm ia go dɔn pas, i go kam wit big big ami ɛn bɔku bɔku tin dɛn fɔ it wɛr ɛn fɛt.

Daniɛl 8:14

Ɛn i ansa am se, “Fɔ wan tawzin, wan ɔndrɛd ɛn fifti dez, di ples we dɛn de pre go kam bak to di rayt we, aw i bin tan bifo.’

Ditarɔnɔmi 32:40

Bikɔs a es mi an ɔp to ɛvin, ɛn swɛ se, Lɛk we mi go de sote go,

Lyuk 21:14

Una fɔ mekɔp una maynd bifo dɛn tin ya bi so una nɔ go wɔri bɔt wetin una go tɔk wɛn dɛn ol una.

Job 27:2

“Wans PAPA GƆD we dɔn tek mi rayt, de, di Ɔlmayti we dɔn mek mi layf bita;

Rɛvɛleshɔn 4:9

Wɛn dɛn fo tin ya we gɛt layf de prez di wan we go de sote go, we sidɔm pan di ay chia we kiŋ kin sidɔm, wɛn dɛn de sho am di rɛspɛkt we dɛn gɛt fɔ am ɛn tɛl am tɛnki,

Rɛvɛleshɔn 4:10

di twɛnti-fo bigman dɛnsɛf kin fɔdɔm bifo di wan we go de sote go, we bin sidɔm pan di ay chia we kiŋ kin sidɔm pan, ɛn dɛn kin bigin prez am; dɛn kin pul dɛn krawn na dɛn ed ib dɛn bifo di ay chia; dɔn dɛn kin siŋ se,

Izikɛl 20:5

ɛn tɛl dɛn se, na dis Papa Gɔd we na Gɔd se; di de wɛn a bin pik Izrɛl, a bin swɛ to Jekɔb in jɛnareshɔn. We a sho misɛf to dɛn na Ijipt, a bin swɛ to dɛm ɛn se, na mi na di PAPA GƆD we na una Gɔd.

Daniɛl 10:5

a es mi yay ɔp ɛn luk, nain a si wan man we bin wɛr linin klos ɛn i bin tay bɛlt we dɛn mek wit di gold we fayn pas ɔl, rawnd in wes, ɛn i kɔmɔt na Ɔpaz.

Daniɛl 12:8

A bin yɛri, bɔt a nɔ bin ɔndastand. Nain a se, “Du ya masta, wetin ɔl dɛn tin ya min?”

Ditarɔnɔmi 32:36

PAPA GƆD go sev in pipul dɛn ɛn sɔri fɔ in wokman dɛm, we i si se dɛn pawa dɔn dɔn, ɛn nɔn pan di fribɔn ɔ slev nɔ de igen

Daniɛl 4:31

As di wɔd de kɔmɔt na di kiŋ in mɔt so, wan vɔys we kɔmɔt na ɛvin se, Kiŋ Nɛbyukadnɛza, na yu gɛt dis wɔd. Di kindɔm dɔn kɔmɔt na yu an,

Daniɛl 7:21

As a bin de luk, dis ɔn ya bigin fɛt wit dɛn wan dɛn we biliv pan PAPA GƆD,