Daniɛl 12:6 - Krio Fɔs Oli Baybul

⁶ Nain a aks di man we wɛr linin klos, we bin de ɔp say se, “aw lɔŋ i go tek bifo dɛn wɔnda ya go dɔn?”

Daniɛl 12:6 Referans Kwoze

Daniɛl 8:13

Nain a yɛri wan Oli Wande tɔk; ɛn wan ɔda Oli wan tɛl di wan we bin de tɔk se, “aw lɔŋ dis vishɔn ya bɔt di sakrifays we dɛn de bɔn ɔltɛm, ɛn di sin dɛn we de pwɛl at, ɛn di tek we dɛn dɔn tek di ples we dɛn de pre, ɛn aw dɛn de mas mas di man na os ɔnda dɛn fut?”

Izikɛl 9:2

A si siks man kɔmɔt na da pat we di get we de ɔpsay de, usay in fes tɔn nɔt; ɔlman ol wetin i go tek kil nain an, ɛn wan ɔda man we bin wɛr linin klos bin de wit dɛn siks man ya; ɛn wan kes we i de rayt pan, bin de bay in sayd. Ɛn dɛn ɔl kan insay ɛn tinap sayd di bras ɔlta.

Daniɛl 8:16

Ɛn a yɛri wan man vɔys de kɔmɔt bitwin di tu say dɛn pan di riva Ulay ɛn de kɔl se, “Gebrɛl, sho dis man mek i ɔndastand wetin di vishɔn min.”

Rɛvɛleshɔn 19:14

Dɛn soja man na ɛvin bin de fala am, dɛnsɛf bin de rayd wayt ɔs ɛn dɛn bin wɛr klin wayt linin klos.

Rɛvɛleshɔn 15:6

Dɔn dɛn sɛvin enjɛl we bin gɛt dɛn sɛvin bad bad tin dɛn kɔmɔt insay de; dɛn bin wɛr klin linin klos, na so i bin de shayn, ɛn gold strap bin tay rawnd dɛn chɛst.

Rɛvɛleshɔn 6:10

Dɛn bin de ala lawd wan se, “Masta, yu we yu pawa pas ɔl pawa, yu we tru ɛn yu we na yu wangren na Gɔd, aw lɔŋ igen wi fɔ wet bifo yu go jɔj dɛn pipul na wɔl ɛn pɔnish dɛn bikɔs dɛn bin kil wi?”

Pita In Fɔs Lɛta 1:12

Gɔd sho dɛn prɔfɛt ya se nɔto fɔ ɛp dɛnsɛf dɛn de wok, bɔt na fɔ ɛp una. Di wok we dɛn de du na we dɛn de tɔk bɔt dɛn tin we una dɔn yɛri, we dɛn wan we de tɛl pipul di Gud Nyuz dɔn tɔk. Na Gɔd in Spirit we Gɔd sɛn kɔmɔt ɛvin, nain mek dɛn pipul ya ebul tɛl pipul di Gud Nyuz. Na dɛn tin ya dɛn enjɛl dɛnsɛf go lɛk fɔ ɔndastand.

Lɛta Fɔ Ɛfisɔs 3:10

so dat naw i go tek di chɔch fɔ sho dɛn spirit we de rul ɛn ɔltin we gɛt pawa na ɛvin Gɔd in sɛns pan ɔltin.

Di Sam Dɛm 74:9

Yu nɔ de ple nɔn mirekul ɛn nɔbɔdi nɔ de fɔ tɔk fɔ yu fɔ mek wi no ustɛm wi trɔbul go dɔn. Nɔbɔdi nɔ no aw lɔŋ i gɛt fɔ tek.

Matyu 24:3

Wɛn Jizɔs sidɔm na Mawnt Ɔliv, in lanin bɔy dɛn nɔmɔ kam mit am ɛn aks am se, “Tɛl wi ustɛm dɛn tin ya go bi, us sayn go sho wi se yu de kam bak ɛn di wɔl de dɔn?”

Mak 13:4

“Tɛl wi ustɛm dɛn tin we yu bin tɛl wi bɔt go bi? Us sayn go sho wi se i nɔ go te igen we ɔl dɛn tin ya go bi?”

Daniɛl 12:5

Nain mi Daniɛl wach ɛn si tu ɔda pipul dɛn tinap; wan na dis sho ɛn di ɔda wan na di ɔda sho obasay.

Daniɛl 12:8

A bin yɛri, bɔt a nɔ bin ɔndastand. Nain a se, “Du ya masta, wetin ɔl dɛn tin ya min?”