Daniɛl 12:4 - Krio Fɔs Oli Baybul

⁴ Bɔt yu Daniɛl, nɔ tɔk natin ɛn lɔk di buk, te di tɛm we di ɛnd go kam. Bɔku go de rɔn ɔp ɛn dɔŋ ɛn pipul go gɛt plɛnti sɛns.

Daniɛl 12:4 Referans Kwoze

Daniɛl 12:9

Nain i se, “Daniɛl, go usay yu de go, bikɔs dɛn dɔn kɔba ɛn lɔk tayt ɔl wetin dɛn se, te di tɛm kam we di wɔl go dɔn.

Rɛvɛleshɔn 22:10

I tɛl mi igen se, “Yu nɔ fɔ kip dɛn wɔd ya we Gɔd tɔk, we rayt na dis buk to yusɛf mek pipul nɔ no dɛn, bikɔs di tɛm we dɛn go bi nɔ fa igen.

Daniɛl 8:26

Di vishɔn we yu si ivin ɛn mɔnin we yu dɔn no di minin naw, na tru tru tin; bɔt kip di vishɔn sikrit bikɔs i nɔ go bi jis nɔ.”

Daniɛl 8:17

So Gebrɛl bin kam nia usay a bin tinap; ɛn wɛn i kam, a bin fred ɛn butu mi fes na grɔn. Bɔt i tɛl mi se, “Mɔtalman, a wan lɛ yu ɔndastand se, dis vishɔn na fɔ di tɛm we di wɔl go dɔn.’

Rɛvɛleshɔn 10:4

Wɛn di tɛnda dɛn bigin tɔk, a bin jɛs want rayt, na de a yɛri vɔys de tɔk na ɛvin se, “Nɔ mek nɔbɔdi no wetin di sɛvin tɛnda dɛn se; nɔ rayt am!”

Daniɛl 12:13

Bɔt yu go yu we te di tɛm we ɔltin go dɔn go kam; go ɛn go rɛst. Yu go tinap na di ples we dɛn dɔn kip fɔ yu we di tɛm kam we ɔltin fɔ dɔn.

Ayzaya 32:3

Dɔn di wan dɛn we de si, dɛn yay nɔ go lɔk ɛn di wan dɛn we dɛn de yɛri, go lisin.

Ayzaya 8:16

Tay ɛn kip di mɛsej, ɛn tich mi lanin bɔy dɛn fɔ kip tayt wan na dɛn at.

Matyu 24:14

Pipul go tɛl ɔlman na wɔl di Gud Nyuz bɔt wɛn Gɔd go rul di wɔl, so dat ɔlman go gɛt di chans fɔ yɛri ɛn biliv di Gud Nyuz; na da tɛm de di wɔl go dɔn.

Ayzaya 11:9

Natin nɔ go ambɔg ɔ pwɛl ɛnisay na mi oli mawnten; bikɔs di wɔl go no bɔt PAPA GƆD bɛtɛ bɛtɛ wan, lɛk we si ful.

Daniɛl 11:40

We di tɛm rich, di kiŋ na di sawt go atak am; bɔt di kiŋ na nɔt go rɔsh pan am lɛk ebi briz wit ɔs ɛn karej ɛn pipul we de rayd ɔs, ɛn wit plɛnti plɛnti ship. I go atak kɔntri dɛn lɛk briz ɛn pas go.

Daniɛl 11:33

Di wan dɛn we gɛt sɛns pan di pipul dɛm go mek bɔku ɔndastand, ɔlwe dɛn go de kil dɛn wit sɔd ɛn faya, ɛn de mek dɛn slev, ɛn tek ɔl dɛn prɔpati fɔ sɔm tɛm.

Lɛta Fɔ Rom 10:18

Bɔt mek a aks una sɔntin: Na tru se di Ju dɛn nɔ bin dɔn yɛri di mɛsej bɔt Jizɔs Krays? Dɛn bin dɔn yɛri di mɛsej, yɛs. Dɛn rayt na Gɔd in Buk se: “Ɔl dɛn pipul ɔlɔbɔt na wɔl yɛri di wɔd dɛn we di mɛsenja dɛn tɔk.”

Daniɛl 10:1

Insay di tɔd ia we Sayrɔs na bin kiŋ na Pashia, wɔd bin kam to Daniɛl we in ɔda nem na bin Bɛlshaza. Di wɔd na bin tru wɔd, ɛn i bin briŋ big big kɔnfyushɔn. Daniɛl bin ɔndastand wetin dɛn se ɛn bin ɔndastand di vishɔn.

Ayzaya 30:26

Pantap dat, di mun in layt go tan lɛk di san in layt, ɛn di san in layt go brayt sɛvin tɛm mɔ, lɛk sɛvin de layt, di de we PAPA GƆD go tay usay de at in pipul dɛn ɛn mɛn di wund dɛn we dɛn bin wund we i bin pɔnish dɛm.

Rɛvɛleshɔn 5:1

A si di Pɔsin we sidɔm na di fɔs ay chia we kiŋ kin sidɔm, i ol wan big big pepa we rol, nain raytan. Plɛnti tin bin rayt pan am, frɔnt ɛn bak, ɛn dɛn bin fasin am sɛvin say na di ɛj.

Ayzaya 29:11

Ɛn di vishɔn bɔt ɔl dis tan to una lɛk di wɔd dɛm na buk we lɔk. We pipul dɛn gi am to pɔsin we sabi rid se, “Rid dis,” i go se, “A nɔ go ebul bikɔs i lɔk”

Jɛrimaya 5:1

Rɔn ɔp ɛn dɔŋ di trit dɛm na Jerusɛlɛm, luk ɛn tek notis! Sach in opin ples dɛn si if yu go fɛn wan pɔsin, pɔsin we trit ɔlman ikwal ɛn de tɔk tru; so dat a go sɔri fɔ Jerusɛlɛm.

Daniɛl 10:14

ɛn a dɔn kam fɔ mek yu ɔndastand wetin gɛt fɔ apin to yu pipul dɛn bambay. Bikɔs di vishɔn nɔto fɔ naw, na fɔ bambay.

Daniɛl 10:21

Bɔt a go tɛl yu wetin rayt insay di buk we gɛt di tru: Nɔbɔdi nɔ de we de ɛp mi fɛt dɛn prins dɛn ya, pas Maykɛl we na una prins.

Daniɛl 12:5

Nain mi Daniɛl wach ɛn si tu ɔda pipul dɛn tinap; wan na dis sho ɛn di ɔda wan na di ɔda sho obasay.

Daniɛl 8:19

I se, “Luk, a go mek yu no wetin go bi na di las pat wɛn di vɛksteshɔn go dɔn; i gɛt fɔ du wit di tɛm we dɛn bin dɔn pik fɔ lɛ di wɔl dɔn.