Daniɛl 12:3 - Krio Fɔs Oli Baybul

³ Ɛn di wan dɛn we gɛt sɛns, go shayn lɛk aw di skay kin shayn brayt wan, Di wan dɛn we sho bɔku pipul aw fɔ waka di rayt we, go shayn lɛk di sta dɛn, sote go.

Daniɛl 12:3 Referans Kwoze

Matyu 13:43

Di pipul dɛn we tret na Gɔd in yay go shayn lɛkɛ di san na di say we Gɔd, we na dɛn Papa we de na ɛvin, de rul. Udat gɛt yes fɔ yɛri, mek i yɛri.

Prɔvabs 4:18

Bɔt di rod we pɔsin we de waka tret na PAPA GƆD in yay de waka tan lɛk we san de grap, we i de shayn brayt brayt wan te di ples klia.

Daniɛl 11:33

Di wan dɛn we gɛt sɛns pan di pipul dɛm go mek bɔku ɔndastand, ɔlwe dɛn go de kil dɛn wit sɔd ɛn faya, ɛn de mek dɛn slev, ɛn tek ɔl dɛn prɔpati fɔ sɔm tɛm.

Daniɛl 11:35

Ɛn dɛn go kil sɔm pan di wan dɛn we gɛt sɛns, bɔt dat go mek di pipul dɛn klin na PAPA GƆD yay, te di tɛm rich bikɔs di tɛm nɔ rich yet.

Prɔvabs 11:30

Udat liv raychɔs layf de mek ɔda pipul bɛnifit; ɛn yu gɛt sɛns de mek pipul de rawnd am.

Di Ibru Pipul Dɛn 5:12

I dɔn rich tɛm we unasɛf fɔ bigin lan ɔda pipul bikɔs i dɔn te we una de lan, bɔt pɔsin stil gɛt fɔ lan una di fɔs tin dɛn we una bin dɔn lan bɔt Gɔd in mɛsej. Una fɔ stil drink milk lɛkɛ pikin we de sɔk bɔbi, bikɔs una nɔ du yet fɔ it tin we fɔ cham lɛkɛ big pɔsin.

Jɔn 5:35

Wetin Jɔn bin de tɔk bin tan lɛkɛ lamp we layt ɛn di layt brayt fɔ mek ɔlman si. Una bin gri fɔ mek di layt shayn pan una fɔs ɛn mek una at gladi.

Jɔn 4:36

Di pɔsin we de kɔt dɛn tin we dɔn du fɔ kɔt de gɛt in pe, i de gɛda dɛn fɔ mek dɛn de sote go na ɛvin. So di pɔsin we plant ɛn di wan we gɛda di tin dɛn we dɔn du fɔ kɔt, ɔl tu go gladi.

1 Kɔrint 3:10

Gɔd gi mi wok fɔ du, dat na fɔ bi masta man fɔ bil. We na so i bi, a dɔn le di fawndeshɔn na una at, ɔda pɔsin de bil pantap am. Bɔt lɛ ɔlman tek tɛm wetin i de tek bil pantap.

Jɛrimaya 23:22

Bɔt if dɛn bin dɔn de na mi kansul datɛnde na wetin a se dɛm bin fɔ tɛl mi pipul dɛm, ɛn dɛn bin fɔ dɔn chenj kɔmɔt pan dɛn ivul we, ɛn kɔmɔt pan di ivul tin dɛn we dɛn de du.

Rɛvɛleshɔn 1:20

A de kam tɛl yu wetin dɛn sɛvin sta ya we a ol na mi raytan ɛn dɛn sɛvin gold lampolda, min; di sɛvin sta dɛn na di sɛvin enjɛl dɛn we de gyad dɛn sɛvin chɔch. Di sɛvin lampolda dɛn na di sɛvin chɔch dɛnsɛf.”

Pita In Sɛkɛn Lɛta 3:15

Una fɔ luk se di bia we di Masta de bia wit una na fɔ mek una go gɛt chans fɔ chenj mek una layf go sev. Wi brɔda Pɔl, we wi lɛk, insɛf bin rayt bɔt dis sem tin ya wit di sɛns we Gɔd gi am,

Lɛta Fɔ Ɛfisɔs 4:11

Nain bin mek wi sabi fɔ du difrɛn difrɛn wok. Sɔm pan di wok dɛn we i gi wi fɔ du na dɛn dɛn wan ya: I mek sɔm pan wi bi apɔsul; sɔm bi prɔfɛt; sɔm bi ivanjɛlist, dat na dɛn pipul we de tɛl ɔda pipul di Gud Nyuz bɔt Jizɔs Krays; sɔm bi pastɔ; ɛn sɔm bi ticha.

Matyu 24:45

“Udat na di bɔy we tru to in masta ɛn we gɛt sɛns? Na di bɔy dat we in masta go mek edman fɔ ɔl di ɔda bɔy dɛn na di os, wɛn i de go patrol, ɛn di masta go tɛl am fɔ gi di ɔda bɔy dɛn, dɛn it wɛn di rayt tɛm rich.

Matyu 19:28

Jizɔs se, “A de tɛl una se, nɛks wɔl wɛn Mɔtalman Pikin go sidɔm nain chia fɔ rul di wɔl wit in wɔndaful pawa na ɛvin, una twɛlv we dɔn de wit mi, go sidɔm pan twɛlv chia fɔ rul di twɛlv neshɔn dɛn we de na Izrɛl.

Apɔsul Dɛn Wok 13:1

Di chɔch na Antiɔk bin gɛt sɔm prɔfɛt dɛn ɛn sɔm ticha dɛn. Dɛn na bin Banabas, Simiɔn we dɛn bin de kɔl Blak Pɔsin, Lushyɔs we bin kɔmɔt Sayrini, Manɛn we nain ɛn di gɔvna Ɛrɔd gro, ɛn Sɔl.

Prɔvabs 3:35

Udat gɛt sɛns go gɛt ɔna, bɔt fulman go kɔlik wit disgres.

Ayzaya 53:11

I go si di bɛnifit fɔ di pen we in sol sɔfa, ɛn i go satisfay; na bay in sɛns di pɔsin we de waka tret na PAPA GƆD in yay, we na mi wokman, mek PAPA GƆD kɔnt bɔku pipul dɛn se, dɛn de waka tret nain yay; ɛn i go tot dɛn sin dɛm.

Daniɛl 12:10

Bɔku go mek dɛnsɛf klin na PAPA GƆD yay, ɛn mek dɛnsɛf wayt ɛn luk gud; bɔt di wikɛd pipul dɛn go du mɔ wikɛd tin dɛn; ɛn nɔn pan di wikɛd pipul dɛn nɔ go ɔndastand, bɔt di wan dɛn we gɛt sɛns go ɔndastand.

Ɛksodɔs 34:35

Na so dɛn kin de si Mozis in fes de shayn. Mozis kin put di vel bak nain fes te ɔda tɛm rich bak fɔ go tɔk to PAPA GƆD.

Di Jɔj Dɛm 5:31

PAPA GƆD, na so ɔl yu ɛnimi dɛn fɔ day, bɔt di wan dɛn we lɛk yu fɔ jɛs de shayn lɛk di san we i de kɔmɔt na mɔnin. Apat dat, Izrɛl bin gɛt kolat fɔ fɔti ia.

Ɛkliziastis 12:9

Apat frɔm we di pricha gɛt sɛns, i bin de tich pipul dɛn, ɛn de luk tin dɛn minin, ɛn de stɔdi ɛn de rayt plɛnti prɔvab dɛn.