Daniɛl 12:2 - Krio Fɔs Oli Baybul

² Bɔku pan di wan dɛn we dɔn day go wek. Sɔm go gɛt layf sote go ɛn sɔm go gɛt shem ɛn disgres sote go.

Daniɛl 12:2 Referans Kwoze

Ayzaya 26:19

Una dayman dɛn go gɛt layf, dɛn bɔdi go grap. Una we de na grev, una wek ɛn siŋ wit jɔy! Bikɔs una dyu, na dyu we gɛt layt, ɛn una go mek i fɔdɔm na di land we gost de.

Matyu 25:46

Dɛn Jizɔs se, “A go mek dɛn pipul ya go say we dɛn go pɔnish sote go, bɔt di wan dɛn we du wetin Gɔd want dɛn fɔ du go go na di say we dɛn go gɛt layf sote go.”

Izikɛl 37:12

Fɔseka dat, prɔfisay, ɛn tɛl dɛn se, na dis Papa Gɔd we na Gɔd se: una lisin, ‘O mi pipul, a go opin una grev dɛm, ɛn pul una kɔmɔt insay una grev dɛm, ɛn a go briŋ una kam om insay Izrɛl.

Rɛvɛleshɔn 20:12

Dɛn a si dɛn pipul we bin dɔn day, dɛn bigman ɛn dɛn ɔdinari pipul, dɛn ɔl tinap bifo di chia. Sɔmbɔdi opin sɔm buk dɛn, dɔn i opin wan ɔda buk we dɛn pipul we gɛt layf sote go dɛn nem bin rayt. Ɔl wetin dɛn pipul we bin dɔn day bin du bifo dɛn day, bin rayt insay di fɔs buk dɛn, ɛn nain Gɔd tek jɔj dɛn.

Apɔsul Dɛn Wok 24:15

A biliv lɛkɛ aw dɛnsɛf biliv se Gɔd go mek ɔlman, gud ɔ bad, rayz frɔm dɛn grev.

Fɔs Lɛta Fɔ Tɛsalonayka 4:14

Wi biliv se Jizɔs day, bɔt i rayz frɔm di grev, so wi biliv se, semwe so Gɔd go tek dɛn pipul we bin biliv pan Jizɔs sote dɛn day go na di say we Jizɔs de.

Ayzaya 66:24

“Ɛn dɛn go kɔmɔt go, go luk di man dɛn we tɔn dɛn bak pan mi dɛn dedebɔdi dɛm; bikɔs dɛn tumbu nɔ go day, dɛn faya nɔ go ɔt. Nɔbɔdi nɔ go gladi fɔ si dɛm.

Jɛrimaya 20:11

Bɔt PAPA GƆD de wit mi, ɛn na sojaman we dɛn de fred bad bad wan; so di wan dɛn we de aras mi go bɔk dɛn fut, dɛn nɔ go ovakɔm mi. Dɛn go shem bad bad wan, bikɔs dɛn nɔ go sɔksid. Dɛn nɔ go fɔgɛt dɛn ɛvalastin disgres.

Ozie 13:14

I se in nɔ go ebul fɔ mek dɛn nɔ day. In nɔ go tap day fɔ tek dɛn go, so day kin mek dɛn sik ɛn day. Day kin pwɛl dɛn kpatakpata ɛn in nɔ go sɔri fɔ dɛnsɛf.

Lɛta Fɔ Rom 9:21

Afta ɔl, di pɔsin we de mek di kɔntri pɔt gɛt di rayt fɔ tek di kle mek wetin i want mek. I gɛt di rayt fɔ tek di sem kle fɔ mek flawa pɔt ɔ fɔ mek pɔt fɔ tek kuk.

Apɔsul Dɛn Wok 7:60

I nil dɔŋ na grɔn ɛn pre lawd wan se, “Papa Gɔd, padin dɛn pipul ya fɔ wetin dɛn dɔn du!” Wɛn i pre dɔn, nain i day.

Prɔvabs 12:8

If yu gɛt sɛns, dɛn go prez yu, bɔt if yu de mek ful, dɛn nɔ go luk yu wit bɛtɛ yay.