Daniɛl 12:11 - Krio Fɔs Oli Baybul

¹¹ Frɔm di tɛm we dɛn go pul di bɔn sakrifays we nɔ de tap, dat na di bad bad tin we dɛn du, go bi wan tawzin, tu ɔndrɛd ɛn naynti de.

Daniɛl 12:11 Referans Kwoze

Daniɛl 11:31

In ami dɛn go kam dɛsikret di tɛmpul ɛn di barik, ɛn go tap di bɔn sakrifays we nɔ de tap ɛn du tin we PAPA GƆD nɔ lɛk we go briŋ trɔbul.

Matyu 24:15

“Una go si di bad bad tin we prɔfɛt Daniɛl bin tɔk bɔt, tinap na Gɔd in Os.” (Una we de rid: una ɔndastand wetin dis min!)

Mak 13:14

“Una go si di bad bad tin tinap na di ples we i nɔ fɔ de.” (Una we de rid: una ɔndastand wetin dis min.) “Da tɛm de di pipul dɛn na Judia fɔ rɔnawe go na dɛn il,

Daniɛl 9:27

I go mek traŋa Kɔvinant wit bɔku pipul fɔ wan wik; ɛn fɔ af da tɛm de, i go mek dɛn tap fɔ mek sakrifays ɛn ɔfrin. Pɔsin go kɔmɔt na di say we dɛn de du wetin PAPA GƆD et, te di tɛm we di lɔ go kech di pɔsin we de pwɛl ɔlsay.”

Rɛvɛleshɔn 13:5

Dɛn bin gri fɔ mek di wayl bif tɔk ɔl kayn bad tin bɔt Gɔd ɛn tɔk dɛn tin we sho se i prawd; ɛn dɛn bin gri fɔ mek i rul fɔ fɔti-tu mɔnt.

Rɛvɛleshɔn 11:2

Bɔt nɔ mɛnshɔ di sɛkɛn opin ples we de rawnd Gɔd in Os bikɔs da ples de na fɔ dɛn pipul we nɔto Gɔd yon pipul, ɛn dɛn pipul de go mas Gɔd in tɔŋ ɔnda dɛn fut fɔ fɔti-tu mɔnt.

Daniɛl 7:25

I go tɔk bad tin bɔt PAPA GƆD we ay pas ɔl, ɛn i go mɔna dɛn wan dɛn we biliv pan PAPA GƆD ɛn i go tink fɔ chenj aw tin tan, ɛn di lɔ; ɛn i go gɛt di pawa fɔ tri ɛn di af ia.

Daniɛl 8:26

Di vishɔn we yu si ivin ɛn mɔnin we yu dɔn no di minin naw, na tru tru tin; bɔt kip di vishɔn sikrit bikɔs i nɔ go bi jis nɔ.”

Daniɛl 1:12

“tɛst wi fɔ tɛn dez; jɛs de gi wi vɛjitebul fɔ it ɛn wata fɔ drink.

Rɛvɛleshɔn 12:6

Di uman rɔnawe go na di dɛzat, na di say we Gɔd bin dɔn mek fɔ am, na de i go de fɔ wan tawzin, tu ɔndrɛd ɛn siksti de, ɛn pɔsin go de mɛn am.

Izikɛl 4:6

Ɛn wɛn yu dɔn dɔn di tri ɔndrɛd ɛn naynti dez na yu lɛf say yu go lidɔm sɛkɛn tɛm, bɔt naw na yu rayt say, ɛn sɔfa fɔ Juda dɛn pɔnishmɛnt; na fɔti de a de gi yu, ɛn na wande fɔ wan ia.

Ozie 3:4

Di Izrɛlayt dɛn go de fɔ lɔŋ ɛn nɔ go gɛt kiŋ ɔ prins, dɛn nɔ go ivin mek sakrifays; ples ɔ pɔsin fɔ mek sakrifays nɔ go de, ɛn dɛn nɔ go ebul no wetin PAPA GƆD se.

Ɛksodɔs 29:38

Naw frɔm tide sote go, yu fɔ sakrifays tu yɔŋ ship we ol wan ia. Yu fɔ du dis ɛvri de.