Daniɛl 12:10 - Krio Fɔs Oli Baybul

¹⁰ Bɔku go mek dɛnsɛf klin na PAPA GƆD yay, ɛn mek dɛnsɛf wayt ɛn luk gud; bɔt di wikɛd pipul dɛn go du mɔ wikɛd tin dɛn; ɛn nɔn pan di wikɛd pipul dɛn nɔ go ɔndastand, bɔt di wan dɛn we gɛt sɛns go ɔndastand.

Daniɛl 12:10 Referans Kwoze

Rɛvɛleshɔn 22:11

Lɛ di pɔsin we de du bad nɔ lɛf fɔ du bad igen o, mek ɛnibɔdi we de du dɛn dɔti tin nɔ lɛf fɔ du dɛn igen o, mek ɛnibɔdi we de du rayt nɔ lɛf fɔ du rayt, ɛn mek di pɔsin we de waka wit Gɔd nɔ lɛf fɔ waka wit Gɔd.”

Daniɛl 11:35

Ɛn dɛn go kil sɔm pan di wan dɛn we gɛt sɛns, bɔt dat go mek di pipul dɛn klin na PAPA GƆD yay, te di tɛm rich bikɔs di tɛm nɔ rich yet.

Ozie 14:9

Udat gɛt sɛns fɔ ɔndastand dɛn tin ya; udat ebul fɔ no wetin i min, lɛ i no; bikɔs PAPA GƆD de du wetin rayt ɛn pipul dɛn we rɛspɛkt PAPA GƆD de du wetin i se bɔt udat nɔ du wetin i se go ambɔg.

Jɔn 8:47

Pɔsin we kɔmɔt to Gɔd de put in at pan di tin dɛn we Gɔd tɔk. Nɔto Gɔd una kɔmɔt to, na dat mek una nɔ de yɛri Gɔd in wɔd.”

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.

Jɔn 7:17

Ɛnibɔdi we gri fɔ du wetin Gɔd want, go no if na Gɔd tɛl mi wetin a de lan pipul ɔ if na bay misɛf a de tɔk.

Lyuk 24:25

Jizɔs tɛl dɛn se, “Una nɔ gɛt sɛns, una at fɔ biliv ɔl wetin dɛn prɔfɛt bin dɔn tɔk!

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Rɛvɛleshɔn 3:18

So a de advays una mek una kam to mi kam bay gold, we dɛn dɔn bɔn na faya te i klin so dat una go jɛntri fɔ tru; ɛn a de advays una igen mek una kam bay wayt klos fɔ wɛr, so dat una nɔ go shem bikɔs una de nekɛd, ɛn mek una kam bay mɛrɛsin fɔ rɔb na una yay mek una go si.

Prɔvabs 1:5

Udat we dɔn gɛt sɛns go gɛt mɔ sɛns ɛn udat de si fa, in yay go opin mɔ

Pita In Fɔs Lɛta 1:7

Dɛn waala ya na fɔ tray una fɔ si if una biliv Gɔd gud wan, lɛkɛ we dɛn kin put gold na faya fɔ tray am fɔ si if i gud, ɛn gold na tin we de pwɛl. Di biliv we una biliv Gɔd bɛtɛ fawe pas gold, so Gɔd go tray una fɔ si if una biliv pan am gud, ɛn una nɔ go tap fɔ biliv pan am. If una biliv Gɔd gud gud, di de we Jizɔs go kam mek ɔlman si am, Gɔd go prez una, i go mek una gɛt rɛspɛkt ɛn i go mek una de wit am sote go.

Daniɛl 11:33

Di wan dɛn we gɛt sɛns pan di pipul dɛm go mek bɔku ɔndastand, ɔlwe dɛn go de kil dɛn wit sɔd ɛn faya, ɛn de mek dɛn slev, ɛn tek ɔl dɛn prɔpati fɔ sɔm tɛm.

Izikɛl 47:11

Bɔt in swamp ɛn mash dɛn nɔ go tɔn frɛsh; dɛn fɔ lɛf fɔ provayd sɔl.

Rɛvɛleshɔn 19:14

Dɛn soja man na ɛvin bin de fala am, dɛnsɛf bin de rayd wayt ɔs ɛn dɛn bin wɛr klin wayt linin klos.

Rɛvɛleshɔn 19:8

Dɛn gi am fayn klin wayt linin klos fɔ wɛr.” (Di fayn linin de sho aw Gɔd in pipul dɛn de waka tret.)

Rɛvɛleshɔn 16:11

dɛn bigin kɔs Gɔd na ɛvin fɔ di pen we dɛn bin de sɔfa ɛn dɛn so we bɔs pan dɛn. Pan ɔl dat, dɛn nɔ gri lɛf di bad bad tin dɛn we dɛn bin de du.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Di Ibru Pipul Dɛn 12:10

Wi papa dɛn na dis wɔl bin de pɔnish wi lɛkɛ aw dɛn fil se rayt, wɛn wi na bin pikin. Bɔt Gɔd de pɔnish wi fɔ ɛp wi, so dat wi go gud lɛkɛ am.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

1 Kɔrint 6:11

Sɔm pan una bin tan lɛkɛ dɛn pipul ya we a jɛs tɔk bɔt so. Bɔt Masta Jizɔs Krays dɔn pul una sin kɔmɔt pan una; Jizɔs Krays dɔn gi una to Gɔd; Masta Jizɔs Krays ɛn Gɔd in Spirit dɔn mek ɔltin rayt bitwin una ɛn Gɔd.

Jɔn 18:37

Paylet aks am se, “Wɛl, yu na Kiŋ?” Jizɔs se, “Na yu se mi na Kiŋ. A bɔn kam na wɔl fɔ tɔk wetin tru. Ɛnibɔdi we lɛk wetin tru de yɛri mi wɔd.”

Mak 4:11

Jizɔs ansa dɛn se, “Na una gɛt di chans fɔ no di sikrit bɔt Gɔd in rul, bɔt dɛn pipul we nɔ de wit wi, na parebul nɔmɔ dɛn de yɛri,

Daniɛl 12:3

Ɛn di wan dɛn we gɛt sɛns, go shayn lɛk aw di skay kin shayn brayt wan, Di wan dɛn we sho bɔku pipul aw fɔ waka di rayt we, go shayn lɛk di sta dɛn, sote go.

Izikɛl 36:25

A go sprinkul klin wata pan una, ɛn una go klin pan ɔl una dɔti dɛm, ɛn a go was una klin pan ɔl una lay lay gɔd dɛm.

Ayzaya 1:18

PAPA Gɔd se, “Kam naw naw lɛ we ɛŋed togɛda, i lɛk una sin dɛn rɛd lɛk blɔd, dɛn go wayt lɛk shatin; i lɛk dɛn rɛd lɛk krimsin, dɛn go tan lɛk kɔtinwul.

Di Sam Dɛm 107:43

Udat no wetin bɛtɛ, fɔ de mɛmba ɔl dɛn tin dɛn ya ɛn tink bɔt di kayn lɔv we PAPA GƆD gɛt fɔ mɔtalman.

Di Sam Dɛm 51:7

Pul mi fɔlt pan mi ɛn was mi klin; mek a wayt lɛk shatin.

1 Samiɛl 24:13

Devid mɛmba Sɔl bɔt wetin dɛn kin se, “Ɔrinch nɔ de bia lɛm” so na udat bad nain de du bad, so in, Devid nɔ go tɔch Sɔl atɔl.

Malakay 3:3

I go tan lɛk silvasmit bikɔs i go sidɔm fɔ de mek pipul klin bifo PAPA GƆD. I go mek Livay in bɔypikin dɛn klin lɛkɛ aw dɛn de klin gold ɔ silva te dɛn ebul fɔ de gi di rayt kayn prɛzɛnt ɔ sakrifays to PAPA GƆD.