Daniɛl 12:1 - Krio Fɔs Oli Baybul

¹ Da tɛm de, Maykɛl, we na di pawaful akenjɛl we de kia fɔ una pipul, go grap. Tɛm go kam we trɔbul go de we nɔ bi wande frɔm we di wɔl bigin te tide; bɔt na da tɛm de dɛn go fri una pipul dɛn, ɔl dɛn wan dɛn we dɛn nem rayt insay di buk.

Daniɛl 12:1 Referans Kwoze

Jɛrimaya 30:7

Ey! Da de de go so big nɔn ɔda de nɔ go tan lɛk am; na tɛm fɔ Jekob fɔ sɔfa; bɔt stil, a go sev am.

Matyu 24:21

Di trɔbul we go bi da tɛm de go pas ɔl di wan dɛn we dɔn bi, frɔm di tɛm we Gɔd mek di wɔl sote naw, ɛn da kayn trɔbul de nɔ go bi igen.

Mak 13:19

Da tɛm de pipul go sɔfa pas aw dɛn dɔn sɔfa frɔm di tɛm we Gɔd mek di wɔl sote naw; ɛn afta dat, tin lɛkɛ dat nɔ go bi igen.

Daniɛl 10:13

Di prins we de na di Pashian kindɔm bin de fɛt mi fɔ twɛnti wande, bɔt Maykɛl, wan pan di akenjɛl dɛn, bin kan ɛp mi, so a lɛf an de wit di prins we de na di Pashian kindɔm,

Daniɛl 10:21

Bɔt a go tɛl yu wetin rayt insay di buk we gɛt di tru: Nɔbɔdi nɔ de we de ɛp mi fɛt dɛn prins dɛn ya, pas Maykɛl we na una prins.

Rɛvɛleshɔn 12:7

Wantɛm, wa fɔdɔm na ɛvin, Maykɛl ɛn in enjɛl dɛn go fɛt di dragɔn, di dragɔn insɛf fɛt bak wit in yon mɛsenja dɛn;

Rɛvɛleshɔn 20:15

Ɛnibɔdi we in nem nɔ bin rayt insay di buk we dɛn rayt dɛn pipul we gɛt layf sote go dɛn nem, dɛn trowe am insay di wata we faya de kech.

Rɛvɛleshɔn 20:12

Dɛn a si dɛn pipul we bin dɔn day, dɛn bigman ɛn dɛn ɔdinari pipul, dɛn ɔl tinap bifo di chia. Sɔmbɔdi opin sɔm buk dɛn, dɔn i opin wan ɔda buk we dɛn pipul we gɛt layf sote go dɛn nem bin rayt. Ɔl wetin dɛn pipul we bin dɔn day bin du bifo dɛn day, bin rayt insay di fɔs buk dɛn, ɛn nain Gɔd tek jɔj dɛn.

Rɛvɛleshɔn 3:5

Dɛn pipul we go stil tinap traŋa afta Setan dɔn tray dɛn, dɛnsɛf go wɛr wayt klos. Ɛn a nɔ go pul dɛn nem kɔmɔt na di buk we dɛn pipul we gɛt layf, dɛn nem rayt. A go tɔk bifo mi Papa ɛn bifo in enjɛl dɛn se dɛn pipul de na mi yon.

Lyuk 10:20

Una nɔ fɔ gladi bikɔs dɛn dɛbul du wetin una tɛl dɛn fɔ du, bɔt una fɔ gladi bikɔs una nem dɔn rayt na ɛvin.”

Daniɛl 9:12

PAPA GƆD dɔn du wetin i se i go du wɛn wi bigman dɛn we de oba wi, we i briŋ big big wahala kam pan wi; bikɔs wetin bi to Jerusɛlɛm, nɔ bi nɔwe na dis wɔl wande.

Rɛvɛleshɔn 13:8

Ɔl dɛn pipul na di wɔl go pre to di wayl bif, pas nɔmɔ if dɛn nem bin rayt na di Ship we dɛn kil, in buk. Bifo Gɔd mek di wɔl, nain dɛn pipul we gɛt layf sote go dɛn nem bin dɔn rayt na di Ship in buk.

Rɛvɛleshɔn 1:5

mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Jud In Lɛta 1:9

Maykɛl sɛf we na dɛn enjɛl dɛn chif, wɛn in ɛn Setan bin de agyu bɔt uswan pan dɛn tu fɔ gɛt Mozis bɔdi, i nɔ kɔs Setan wɛn i de tɛl am se wetin i de du nɔ rayt, bifo dat, i tɛl am se, “Mek Gɔd tɔk pan yu!”

Lɛta Fɔ Filipay 4:3

Ɛn yu, we na mi tru wokmet, a want mek yu ɛp dɛn tu uman ya, bikɔs dɛn dɔn wok an to an wit mi traŋa wan fɔ prɛd di Gud Nyuz ɔlɔbɔt. Dɛn wok wit mi lɛkɛ aw Klɛmɛnt ɛn sɔm ɔda pipul dɛn ɛp mi pan di wok, ɛn Gɔd dɔn rayt dɛn ɔl nem na di buk we dɛn pipul we gɛt layf sote go dɛn nem de.

Lɛta Fɔ Ɛfisɔs 1:21

Krays gɛt pawa pas ɔlman we de rul na ɛvin, ɛn ɔlman we de rul na dis wɔl ɛn nɛks wɔl.

Lɛta Fɔ Rom 11:26

Na di we dis we Gɔd go sev ɔl dɛn Izrɛl pipul. Lɛkɛ aw dɛn rayt na Gɔd in Buk we dɛn se, “Di pɔsin we de sev pipul go kɔmɔt na Zayɔn, ɛn i go pul bad kɔmɔt na Jekɔb in granpikin-pikin dɛn at.”

Izikɛl 13:9

A go rɛdi fɔ dil wit dɛn prɔfɛt we de si laylay vishɔn ɛn we de gi laylay prɔfisi; dɛn nɔ go de na mi pipul dɛn kansul, ɛn dɛn nem nɔ go de na di rɛjista na Izrɛl, ɛn dɛn nɔ go go insay Izrɛl; ɛn una go no se na mi na Papa Gɔd we na Gɔd.

Ayzaya 9:7

Fɔ in gɔvamɛnt in bɛtɛ wan ɛn fɔ kol at, dat go de sote go, na Devid in tron ɛn nain kindɔm, fɔ bigin di kindɔm ɛn mek i tinap wit jɔstis ɛn fɔ waka tret wit PAPA GƆD, frɔm naw, sote go. Na PAPA GƆD Ɔlmayti in pawa go du dat.

Ayzaya 4:3

Dɛn go kɔl di wan dɛn we lɛf na Zayɔn ɛn di balans na Jerusɛlɛm oli pipul; dat na ɔlman insay Jerusɛlɛm we Gɔd dɔn rayt in nem se i go liv,

Di Sam Dɛm 69:28

Pul dɛn nem dɛn kɔmɔt na di buk usay yu rayt dɛn pipul we de du wetin yu want dɛn nem; nɔ miks dɛn nem de.

Di Sam Dɛm 56:8

Mak di kray we a de kray; rayt am dɔŋ na yu buk if i nɔ ɔlrɛdi de de.

Rɛvɛleshɔn 17:14

Dɛn go fɛt di Ship bɔt di Ship ɛn dɛn wan we i kɔl ɛn pik fɔ du in wok, we nɔ lɛf fɔ fala am, go win dɛn. Na so i go bi bikɔs di Ship na di Masta we de oba ɔl dɛn masta, ɛn di Kiŋ we de rul oba ɔl dɛn kiŋ.”

Lɛta Fɔ Rom 11:15

Di tɛm we Gɔd nɔ bin gri tek dɛn fɔ bi in yon pipul igen, i bin mek dɛn ɔda pipul na di wɔl bi in padi dɛn. Wɛn Gɔd go tek dɛn fɔ bi in yon pipul dɛn, dɛn go jɛs tan lɛkɛ dayman we gɛt layf bak.

Daniɛl 11:45

Ɛn i go mek in tɛnt dɛm, we i go tap lɛk kiŋ, bitwin di si ɛn di oli mawnten we dɛn de prez pas ɔl; bɔt pan ɔl dat, i go rich in watalo ɛn nɔbɔdi nɔ go ɛp am.

Izikɛl 34:24

Ɛn mi PAPA GƆD, go bi dɛn PAPA GƆD, ɛn mi savant Devid go bi kiŋ midul dɛm; na mi, PAPA GƆD dɔn tɔk am.

Rɛvɛleshɔn 7:14

A ansa am se, “Mi nɔ no dɛn, sa. Na yu no dɛn, sa.” Na de i se, “Dɛn pipul ya na dɛn wan we bin tinap traŋa wɛn da big trɔbul bin fɔdɔm. Dɛn dɔn tek di Ship in blɔd was dɛn klos, mek dɛn wayt.

Izikɛl 5:9

Ɛn bikɔs ɔf di bad bad tin dɛn we una de du we a nɔ lɛk, a go andul una aw a nɔ ɛva du bifo, ɛn wetin a nɔ go ɛva du igen

Daniɛl 7:10

Bɔku faya bin kɔmɔt de kech bifo am; tawzin tawzin pipul bin de wok fɔ am; ɛn tɛn tawzin tayms tɛn tawzin bin de advays am; di kot bin de ɔn ɛn di buk dɛn bin opin.

Joɛl 2:2

na de we ɔltin go dak ɛn luk sɔri, i mek di ples dak bad bad wan Lɛk aw di ples go blak na di mawnten na so di pipul go bɔku ɛn pawaful; i go at fɔ si dɛn kayn, we nɔ bin ɛva bi bifo ɛn i nɔ go ɛva bi igen na ɔl di jɛnareshɔn.

Malakay 3:16

Dɛn di wan dɛn we de fred PAPA GƆD tɔk to dɛnsɛf ɛn PAPA GƆD yɛri wetin dɛn se, so i opin wan buk usay i rayt dɛn wan we de fred am dɛn nem, so dat i go de mɛmba se na dɛn de tink bɔt am.

Jɛrimaya 30:10

PAPA GƆD se, so nɔ fred natin. Yu Jekob we na mi wokman, ɛn unasɛf Izrɛl nɔ pwɛlat; bikɔs a ebul sev una ivin we a de fa, ɛn a ebul sev una pikin dɛn kɔmɔt na di land we dɛn mek dɛm slev. Jekob go tɔmbak kam ɛn i go gɛt kolat ɛn alafia, ɛn nɔbɔdi nɔ go gi am kɔtat.