Daniɛl 11:8 - Krio Fɔs Oli Baybul

⁸ I go kɛr dɛn gɔd dɛn go Ijipt, wit dɛn imej we dɛn mek wit mɛtal ɛn dɛn gold ɛn silva tin dɛn; Fɔ sɔm tɛm, i go lɛf fɔ atak di kiŋ na Siria.

Daniɛl 11:8 Referans Kwoze

Ayzaya 37:19

dɛn dɔn trowe dɛn gɔd dɛn na faya ɛn bɔn dɛn, bɔt sɛf, nɔto gɔd dɛn, na ɛmti tik ɛn ston we na mɔtalman an dɛn tek mek dɛn.

Ozie 13:15

I se pan ɔl we nain go kɔmɔt fayn pan ɔl in brɔda dɛn, PAPA GƆD go mek briz kɔmɔt Ist na di ɛmti land we pɔsin nɔ go ebul tap ɛn di briz go dray ɔl dɛn de gɛda wata ɛn dɛn ol we wata kin bɔs, i go ivin mek ɔl wetin i bin dɔn gɛda dɔn.

Ozie 8:6

Na mɔtalman yuz skil fɔ mek am. Noto gɔd so dɛn go nyamanyama da kaw pikin de na Sameria.

Daniɛl 10:3

A nɔ bin de it natin we swit ɛn fayn, nɔn bif, nɔn wayn sɛf nɔ krɔs mi mɔt, ɛn a nɔ rɔb ɔyl pan misɛf at ɔl, fɔ di ful tri wik.

Jɛrimaya 46:25

PAPA GƆD Ɔlmayti we na Izrɛl dɛn Gɔd se: biliv mi, a go pɔnish Amɔn we de na Thibis, ɛn Fero, ɛn Ijipt ɛn in gɔd dɛm, ɛn in kiŋ dɛm pɔnishmɛnt go go pan Fero ɛn ɔl udat abop pan am.

Ayzaya 2:16

agens ɔl dɛn ship we kɔmɔt Tashish, ɛn ɔl dɛn fayn fayn tin dɛn we dɛn de tek an mek.

Di Jɔj Dɛm 18:24

Nain Mayka ansa se, dɛn dɔn tek in gɔd dɛn ɛn in man we de mek sakrifays fɔ pipul sin, ɛn nɔ lɛf natin fɔ am, dɔn dɛn de go aks am se wetin nain prɔblɛm.

Ditarɔnɔmi 12:3

dɛn fɔ brok ɔl dɛn ɔlta dɛn, di pila dɛn ɛn dɛn ston dɛn we dɛn rɛspɛkt, pis pis, bɔn da dɛn Ashɛra in imej ɛn brok brok ɔl di ɔda imej dɛn. Mozis se dɛn fɔ so nyakanyaka dɛn, dat nɔbɔdi nɔ go mɛmba dɛn igen

Di Nɔmba Dɛm 33:4

da tɛm de ɔl di Ijipshian dɛn bin de bɛr dɛn fɔs pikin dɛn we day wɛn PAPA GƆD ple wɔwɔ insay Ijipt we i shɔ dɛn gɔd dɛn wetin i kin du.

Ɛksodɔs 12:12

“Da sem nɛt de a go pas na Ijipt ɛn kil ɔl di fɔs-bɔy-pikin dɛn ɛn ɔl di fɔs man animal dɛn, ɛn a go briŋ jɔjmɛnt pan ɔl di gɔd dɛn na Ijipt bikɔs mi na PAPA GƆD.

Jɛnɛsis 31:30

I se in no se Jekɔb want fɔ go naw bikɔs in at dɔn grap fɔ go nain papa in os, bɔt wetin mek i tif in gɔd dɛn.

Daniɛl 11:9

Afta dat, di kiŋ na Siria go kam fɛt di kiŋ na Ijipt, bɔt i go tɔn bak go nain yon land.

2 Samiɛl 5:21

Di Filistin dɛn rɔnawe lɛf dɛn smɔl smɔl gɔd dɛn de so Devid ɛn in man dɛn tot ɔl go.