Daniɛl 11:7 - Krio Fɔs Oli Baybul

⁷ Dɛn tɛm dɛn de, wan pan di kiŋ in fambul dɛn go bi kiŋ; i go go insay di kiŋ na Siria in ples we dɛn kin ayd ɛn go dil wit dɛn ɛn go kɔnka dɛn.

Daniɛl 11:7 Referans Kwoze

Lyuk 12:20

Gɔd tɛl di jɛntri man se, ‘Yu fulman! Dis nɛt ya, a go tek yu layf. Udat go gɛt ɔl dɛn tin ya we yu dɔn gɛda?’”

Malakay 4:1

PAPA GƆD Ɔlmayti se di we de kam go tan lɛk ɔt ovin we ɔl udat de kak ɛn du bad go bɔn lɛkɛ dray gras. Nɔn pan dɛn pikin ɛn grampikin nɔ go de fɔ si da de de.

Izikɛl 17:18

Bikɔs i bin luk dɔŋ pan di swɛ we i bin swɛ, ɛn brok di Kɔvinant, ɛn bikɔs i bin dɔn gri bɔt stil du ɔl dɛn tin de, i nɔ go go fri.

Jɛrimaya 12:2

Yu plant dɛn, ɛn dɛn pul rut ɔnda grɔn, dɛn gro ɛn bia frut, yu de nia dɛn mɔt ɛn fawe frɔm dɛn at.

Ayzaya 11:1

Smɔl plant go bɔs kɔmɔt na Jɛsi in af tik we lɛf na grɔn, ɛn branch go gro kɔmɔt nain rut.

Ayzaya 9:14

So PAPA GƆD kɔtɔf Izrɛl dɛn lida dɛn ɛn di pipul dɛn, di gud wan dɛn ɛn di bad wan dɛn insay wande–

Di Sam Dɛm 109:8

Mek i day bifo in tɛm; lɛ ɔda pɔsin tek in pozishɔn.

Di Sam Dɛm 55:23

Bɔt yu, PAPA GƆD, go dil wit mi ɛnimi dɛn ɛn yu go mek dɛn day ɛn go ɛl; bikɔs dɛn de kil wit dɛn an ɛn dɛn mɔt dɛn go day bifo dɛn tɛm. Bɔt, as fɔ mi a go de abop pan yu.

Job 14:7

“Lɛk tik so, in abop, if yu kɔt am, i go gro bak, ɛn in rut nɔ de day.

Daniɛl 11:6

Afta sɔm ia go dɔn pas, di kiŋ na Ijipt go mek wan wɔd wit di kiŋ na Siria, ɛn go gi am in gyal pikin fɔ mared. Bɔt di wanwɔd nɔ go las; dɛn go kil in ɛn in pikin, in man in papa ɛn in wokman dɛn we go wit am.

Daniɛl 11:40

We di tɛm rich, di kiŋ na di sawt go atak am; bɔt di kiŋ na nɔt go rɔsh pan am lɛk ebi briz wit ɔs ɛn karej ɛn pipul we de rayd ɔs, ɛn wit plɛnti plɛnti ship. I go atak kɔntri dɛn lɛk briz ɛn pas go.