Daniɛl 11:4 - Krio Fɔs Oli Baybul

⁴ Wɛn i go dɔn gɛt pawa gud gud wan, in kindɔm go skata ɛn go sheb to di fo say we briz de blo kɔmɔt ɛvin, bɔt nɔto to nɔn pan in jɛnareshɔn, ɛn nɔto bay di kayn pawa we i bin de tek rul; bikɔs dɛn go jɔg di kindɔm nain an ɛn i go go to ɔda pipul dɛn we nɔ blant in jɛnareshɔn.

Daniɛl 11:4 Referans Kwoze

Daniɛl 8:22

As fɔ di ɔn we bin brok, we fo ɔdawan dɛn bin tek in ples, i de sho se fo ɔda kindɔm go kɔmɔt insay in neshɔn bɔt nɔn nɔ go gɛt di sem pawa lɛk di fɔs kiŋ.

Daniɛl 8:8

Dɛn di man got bigin fɔ es insɛf ɔp bad bad wan; bɔt wɛn i bin dɔn gɛt bɔku pawa, di big big ɔn bin brok. Usay da ɔn de bin kɔmɔt, fo ɔn we ɔlman go si izi wan bɔs de, de pɔynt to di fo difrɛn say we briz de blo.

Jɛrimaya 12:17

Bɔt, if ɛni neshɔn nɔ lisin, a go rut am kɔmɔt ɔltogɛda ɛn nyakanyaka am. Na so PAPA GƆD se.”

Daniɛl 7:8

A bin de wach di ɔn dɛn, nain a si wan ɔda wan bɔs midul dɛn, wan smɔl wan, ɛn dɛn jɔg tri pan di fɔs ɔn dɛn kɔmɔt na dɛn rut; ɛn a si se dis ɔn ya bin gɛt yay dɛn we tan lɛk mɔtalman yon, ɛn mɔt we de tɔk impɔtant tin dɛn.

Daniɛl 7:2

Daniɛl se, “insay mi vishɔn we a si na nɛt, a si fo difrɛn kayn briz we kɔmɔt na ɛvin de blo, ɛn miksɔp di big big si.

Jɛrimaya 18:7

Ɛni tɛm we a tɔk bɔt ɛni neshɔn ɔ kindɔm se a go rut an, brok am dɔŋ ɛn nyakanyaka am,

Jɛrimaya 12:15

Ɛn afta a dɔn rut dɛm kɔmɔt, a go sɔri fɔ dɛm, ɛn a go briŋ dɛn ɔl kam bak, ich to in pipul dɛn, ɛn ich wan, to dɛn land.

Lyuk 12:20

Gɔd tɛl di jɛntri man se, ‘Yu fulman! Dis nɛt ya, a go tek yu layf. Udat go gɛt ɔl dɛn tin ya we yu dɔn gɛda?’”

Matyu 12:25

Jizɔs bin no wetin dɛn bin de mɛmba na dɛn at, so i se, “Ɛni kɔntri we di pipul dɛn de fɛt dɛnsɛf, da kɔntri de nɔ go las. Ɛn ɛni tɔŋ ɔ fambul we de fɛt dɛnsɛf, go pwɛl.

Daniɛl 7:6

Afta dawande, a luk bak, ɛn a si ɔda wan we in tan lɛk lɛpɛt, ɛn i gɛt fo fɛda lɛk bɔd yon nain bak; ɛn i gɛt fo ed; ɛn dɛn gi am pawa fɔ kɔntrol ɔltin.

Jɛrimaya 45:4

Na dis yu go tɛl am, Na dis PAPA GƆD se: Biliv mi, a de brok wetin a bin dɔn bil, ɛn a de rut wetin a bin dɔn plant– dat na di wanol land.

Jɛrimaya 31:40

Di wanol dedebɔdi vali ɛn di ashis, ɛn ɔl di fil dɛm sote rich kidrɔn watasay, to di Ɔs Get kɔna we yu de go ist, fɔ oli to PAPA GƆD. Dɛn nɔ go atak am ɔ nyakanyaka am igen sote go.”

Ɛkliziastis 4:8

Pɔsin we nɔ gɛt nɔbɔdi; we nɔ gɛt pikin ɔ ivin brɔda, bɔt de wok traŋa traŋa wan ɛn nɔ de satisfay wit wetin dɛn gɛt, nɔ de ɛva sidɔm ɛn aks insɛf se udat dɛn de wok ɔl da wok de fɔ, ɛn nɔ de ebul ɛnjɔy in layf. Dis sɛf na natin ɛn nɔ de mek pɔsin gladi.

Di Sam Dɛm 39:6

Mɔtalman in layf jɛs tan lɛkɛ shado, we san de ɔp, yu de si am, as san go dɔŋ so, i lɔs, ɔl in gbiŋbin na fɔ natin; di jɛntri sɛf we i de gɛda, i nɔ no udat go gɛt am we i day.

Rɛvɛleshɔn 7:1

Wɛn dat dɔn, a si fo enjɛl dɛn tinap na di fo kɔna dɛn na di wɔl. We dɛn tinap de, dɛn bin de tap di briz we bin want fɔ blo kɔmɔt na di fo kɔna dɛn na di wɔl, mek dɛn nɔ blo pan di dray grɔn ɔ pan di wata ɔ pan dɛn tik.

Jɛrimaya 49:36

a go mek di fo kayn briz we de blo kɔmɔt na di fo kɔna dɛn na di klawd, blo na Ilam, ɛn a go skata dɛm insay ɔl dɛn briz de, ɛn nɔn neshɔn nɔ go de we di wan dɛn we a drɛb kɔmɔt Ilam, nɔ go de.

Izikɛl 37:9

Dɛn PAPA GƆD se to mi, “prɔfisay to di blo blo, prɔfisay mɔtalman ɛn se to di blo blo, na dis Papa Gɔd we na Gɔd se: Yu blo blo, kɔmɔt ɔlsay, ɛn kam blo pan dɛn wan ya we dɛn bin dɔn kil, so dat dɛn go gɛt layf.

Zɛkaraya 2:6

PAPA GƆD se i fɔ rɔnawe go na di nɔth bikɔs in PAPA GƆD dɔn mek i de ɔlsay lɛkɛ di fo kayn briz we de blo na ɛvin.

Zɛkaraya 6:5

Di enjɛl se, dɛn na lɛk di fo kayn briz we de na wɔl. Dɛn bin de wit PAPA GƆD ɛn naw dɛn de go du wetin PAPA GƆD se dɛn fɔ du.