Daniɛl 11:3 - Krio Fɔs Oli Baybul

³ Afta dat, wan pawaful kiŋ go kam, ɛn i go rul wit bad bad kɔntrol ɛn du wetin in fil fɔ du.

Daniɛl 11:3 Referans Kwoze

Daniɛl 11:36

Di kiŋ go de du wetin in want fɔ du. I go mek prawd ɛn mek insɛf big pas ɔl dɛn gɔd, ɛn i go de tɔk strenj tin dɛn agens PAPA GƆD we ay pas ɔl dɛn gɔd. Bɛtɛ go fala am te i satisfay se in dɔn trit di pipul dɛn bad dɔn; bikɔs wetin i plan fɔ du, i mɔs du am.

Daniɛl 11:16

Bɔt di wan we go kam fɛt am, go du wetin in fil fɔ du, ɛn nɔbɔdi nɔ go ebul tinap bifo am; ɛn i go tinap na di land we dɛn de prez pas ɔl, ɛn i go gɛt pawa oba ɔl.

Daniɛl 8:21

Ɛn di mangot na di Grik dɛn kiŋ, ɛn di big ɔn we bin de bitwin in yay dɛn, na fɔ di fɔs kiŋ.

Daniɛl 7:6

Afta dawande, a luk bak, ɛn a si ɔda wan we in tan lɛk lɛpɛt, ɛn i gɛt fo fɛda lɛk bɔd yon nain bak; ɛn i gɛt fo ed; ɛn dɛn gi am pawa fɔ kɔntrol ɔltin.

Daniɛl 5:19

Bikɔs ɔf di pawa we PAPA GƆD gi am, ɔl kayn pipul, neshɔn ɛn dɛn wan we de tɔk difrɛn difrɛn laŋwej bin de trimbul ɛn de fred am; udat Nɛbyukadnɛza wan fɔ kil, i kil. Udat i wan fɔ fri, i fri; udat i wan fɔ promot, i promot, ɛn udat i wan fɔ briŋ dɔn, i briŋ kam dɔŋ.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

Di Ibru Pipul Dɛn 2:4

Gɔd insɛf pruv se in mɛsej bɔt di wɔndaful we we i go sev pipul, na tru, bay di wɔndaful tin we i du we sho wetin gɛt fɔ bi bambay; we i du ɔl kayn big wok we mek pipul wɔnda; ɛn we i mek in Spirit gi pipul dɛn pawa fɔ du difrɛn difrɛn tin lɛkɛ aw in want.

Lɛta Fɔ Ɛfisɔs 1:11

Ɔltin go bi lɛkɛ aw Gɔd dɔn mak ɛn lɛkɛ aw i want dɛn fɔ bi. Gɔd dɔn pik wi fɔ mek wi bi in yon pipul we wi gɛt wanwɔd wit Krays, bikɔs na dat i want ɛn na dat i bin dɔn plan frɔm we di wɔl bigin.

Daniɛl 4:35

Ɔl udat tap na di wɔl nɔ min natin; ɛn i de du wetin i want wit ɔl di wan dɛn we de na ɛvin ɛn ɔl di wan dɛn we de na di wɔl; ɛn nɔbɔdi nɔ go ebul fɔ tap am ɔ aks am se, “Wetin yu de du?”