Daniɛl 11:2 - Krio Fɔs Oli Baybul

² Naw a go tɛl yu di tru tin. Tri mɔ kiŋ dɛn go kɔmɔt na Pashia; afta dat di nɔmba fo kiŋ go kam we go jɛntri fafawe pas ɔl di ɔda wan dɛn; bɔt wɛn i dɔn gɛt bɔku pawa bikɔs i jɛntri, i go mek ɔlman de agens di Grik Kindɔm..

Daniɛl 11:2 Referans Kwoze

Rɛvɛleshɔn 21:5

Dɛn di pɔsin we sidɔm na di chia we kiŋ kin sidɔm fɔ rul, se, “Luk, a de mek ɔltin nyu!” Dɛn i se, “Rayt dɛn wɔd ya dɔŋ, bikɔs dɛn na tru ɛn pipul kin biliv dɛn.”

Daniɛl 8:26

Di vishɔn we yu si ivin ɛn mɔnin we yu dɔn no di minin naw, na tru tru tin; bɔt kip di vishɔn sikrit bikɔs i nɔ go bi jis nɔ.”

Jɔn 10:35

Wi no se dɛn tin we rayt na Gɔd in Buk tru ɔltɛm; ɛn Gɔd bin se dɛn pipul we i gi in mɛsej, na lili gɔd dɛn.

Emɔs 3:7

PAPA GƆD we na GƆD, nɔ de wande du sɔntin we i nɔ de tɛl in savant dɛn we na prɔfɛt.

Daniɛl 11:25

I go mek wan big big ami we go mek i gɛt pawa ɛn in maynd go de pan di kiŋ na Ijipt; bɔt di kiŋ na Ijipt go fɛt wit wan big pawaful ami, bɔt i nɔ go ebul tinap, bikɔs dɛn go mek difrɛn difrɛn plan dɛn fɔ am.

Daniɛl 8:4

A si di manship de rɔn wit spid de go wɛst, nɔt ɛn sawt; nɔn ɔda bist nɔ bin ebul tinap bifo am, ɛn nɔbɔdi nɔ go ebul pul pɔsin kɔmɔt nain an; i bin jɛs de du wetin i lɛk ɛn i bin de es insɛf ɔp.

Daniɛl 7:5

Ɛn a si wan ɔda bist, di sɛkɛn wan. In bin tan lɛkɛ bia. Dɛn bin es am ɔp wansay; i bin gɛt tri bon rib insay in mɔt midul in tit dɛn, ɛn dɛn bin tɛl am se, ‘grap, it bɔku bɔku flɛsh.’

Prɔvabs 22:21

we go mek yu no wetin rayt ɛn kɔrɛkt, so dat ɛni kwɛshɔn we dɛn aks yu, yu go ebul fɔ gi kɔrɛkt ansa.

Daniɛl 10:1

Insay di tɔd ia we Sayrɔs na bin kiŋ na Pashia, wɔd bin kam to Daniɛl we in ɔda nem na bin Bɛlshaza. Di wɔd na bin tru wɔd, ɛn i bin briŋ big big kɔnfyushɔn. Daniɛl bin ɔndastand wetin dɛn se ɛn bin ɔndastand di vishɔn.

Daniɛl 8:21

Ɛn di mangot na di Grik dɛn kiŋ, ɛn di big ɔn we bin de bitwin in yay dɛn, na fɔ di fɔs kiŋ.

Ɛzra 4:7

Ɛn afta da tɛm de sɛf we Kiŋ Atazaksis bigin rul na Pashia, di Juda pipul dɛn ɛnimi rayt ɔda bad lɛta to am bɔt di Ju dɛn, ɛn na Bishlam, Mithrɛdath, Tabil ɛn dɛn wan we de nain kabudu na bin di kakatua. Dɛn rayt lɛta to Atazaksis na Arameik laŋwej ɛn dɛn ɛksplen am we dɛn de rid am to am.

Ɛzra 4:24

Di wok pan PAPA GƆD in os na Jerusɛlɛm bin tap fɔs, ɛn dɛn nɔ du nɔn wok pan am te di sɛkɛn ia we Dariɔs bi Kiŋ na Pashia.

Ɛsta 1:1

Di tɛm we Kiŋ Zaksis we dɛn kin kɔl Aesuerɔs, bin de rul frɔm India te rich Ithiopia, i bin gɛt wan ɔndrɛd ɛn twɛnti-sɛvin prɔvins ɔnda am,