Daniɛl 11:16 - Krio Fɔs Oli Baybul

¹⁶ Bɔt di wan we go kam fɛt am, go du wetin in fil fɔ du, ɛn nɔbɔdi nɔ go ebul tinap bifo am; ɛn i go tinap na di land we dɛn de prez pas ɔl, ɛn i go gɛt pawa oba ɔl.

Daniɛl 11:16 Referans Kwoze

Daniɛl 8:9

Wan lili ɔn kɔmɔt pan wan pan di ɔn dɛn ɛn gro big big wande pɔynt sawt, ist ɛn to di lan we dɛn de prez pas ɔl.

Daniɛl 11:41

I go kam na di land we dɛn de prez pas ɔl ɛn tɛn tawzin tawzin go day, bɔt dɛn kɔntri dɛn ya go sev: Idɔm ɛn Moab ɛn di men pat pan di Amonayt dɛn kɔntri.

Daniɛl 11:36

Di kiŋ go de du wetin in want fɔ du. I go mek prawd ɛn mek insɛf big pas ɔl dɛn gɔd, ɛn i go de tɔk strenj tin dɛn agens PAPA GƆD we ay pas ɔl dɛn gɔd. Bɛtɛ go fala am te i satisfay se in dɔn trit di pipul dɛn bad dɔn; bikɔs wetin i plan fɔ du, i mɔs du am.

Daniɛl 11:3

Afta dat, wan pawaful kiŋ go kam, ɛn i go rul wit bad bad kɔntrol ɛn du wetin in fil fɔ du.

Daniɛl 8:7

A si di got we i bin kam nia di manship, ɛn i bin so vɛks pan am dat i bɔt di manship ɛn brok in tu ɔn; ɛn di manship nɔ bin gɛt ɛni pawa igen fɔ fɛt di got, bɔt di got bin ib di manship na grɔn ɛn mas mas am; nɔbɔdi nɔ bin ebul fɔ pul di manship na di got in an.

Daniɛl 8:4

A si di manship de rɔn wit spid de go wɛst, nɔt ɛn sawt; nɔn ɔda bist nɔ bin ebul tinap bifo am, ɛn nɔbɔdi nɔ go ebul pul pɔsin kɔmɔt nain an; i bin jɛs de du wetin i lɛk ɛn i bin de es insɛf ɔp.

Daniɛl 11:45

Ɛn i go mek in tɛnt dɛm, we i go tap lɛk kiŋ, bitwin di si ɛn di oli mawnten we dɛn de prez pas ɔl; bɔt pan ɔl dat, i go rich in watalo ɛn nɔbɔdi nɔ go ɛp am.

Jɛrimaya 3:19

A bin de tink bɔt aw a go put una wit mi bɔypikin dɛm, ɛn gi una fayn fayn land, prɔpati we fayn pas ɔl dɛn neshɔn dɛn yon. Ɛn a bin tink se una go kɔl mi, Mi Papa, ɛn nɔ go tɔn una bak pan mi.

Ayzaya 8:8

ɛn i go rɔn oba go insay Juda, i go jɛs de ovaflo ɛn go swɛl te rich pipul dɛn nɛk; ɛn in wiŋ dɛm we i prɛd, go fulɔp di land frɔm kɔna to kɔna, E Imanyuɛl.”

Jɔshwa 1:5

PAPA GƆD tɛl Jɔshwa se, wans in de, tete Jɔshwa go day, nɔn ɔda neshɔn nɔ go ebul bit Izrɛl. I se as in nɔ bin kɔmɔt biɛn Mozis, na so in nɔ go ɛva kɔmɔt biɛn dɛn.

Daniɛl 5:19

Bikɔs ɔf di pawa we PAPA GƆD gi am, ɔl kayn pipul, neshɔn ɛn dɛn wan we de tɔk difrɛn difrɛn laŋwej bin de trimbul ɛn de fred am; udat Nɛbyukadnɛza wan fɔ kil, i kil. Udat i wan fɔ fri, i fri; udat i wan fɔ promot, i promot, ɛn udat i wan fɔ briŋ dɔn, i briŋ kam dɔŋ.