Daniɛl 11:13 - Krio Fɔs Oli Baybul

¹³ Di kiŋ na Siria go gɛda bɔku bɔku pipul bak we plɛnti pas di las tɛm; afta sɔm ia go dɔn pas, i go kam wit big big ami ɛn bɔku bɔku tin dɛn fɔ it wɛr ɛn fɛt.

Daniɛl 11:13 Referans Kwoze

Daniɛl 4:16

Mek in maynd chenj frɔm mɔtalman yon to animal yon; ɛn lɛ i de so fɔ sɛvin ia.

Daniɛl 12:7

Di man we bin wɛr linin klos we bin de ɔp say oba di watasay, es in rayt an ɛn lɛf an ɔp to ɛvin, ɛn a yɛri we i de swɛ wit di wan we nɔ de day in nem, se i go bi fɔ tri ɛn af ia. Dɔn i se, na wɛn di oli pipul dɛn pawa go dɔn, ɔl dɛn tin ya go dɔn bi.

Daniɛl 11:12

Ɛn wɛn i go dɔn kapɔch bɔku bɔku sojaman dɛn, i go fil prawd ɛn kil tawzin tawzin, bɔt stil, i nɔ go win.

Daniɛl 11:14

“Dɛn tɛm dɛn de, bɔku pipul go de agens di kiŋ na Ijipt; ɛn dɛn man dɛn we lɛk fɛt we de wit una yon pipul dɛn, go mek prawd so dat di vishɔn go kam tru, bɔt dɛn nɔ go ebul.

Daniɛl 11:40

We di tɛm rich, di kiŋ na di sawt go atak am; bɔt di kiŋ na nɔt go rɔsh pan am lɛk ebi briz wit ɔs ɛn karej ɛn pipul we de rayd ɔs, ɛn wit plɛnti plɛnti ship. I go atak kɔntri dɛn lɛk briz ɛn pas go.