Daniɛl 11:12 - Krio Fɔs Oli Baybul

¹² Ɛn wɛn i go dɔn kapɔch bɔku bɔku sojaman dɛn, i go fil prawd ɛn kil tawzin tawzin, bɔt stil, i nɔ go win.

Daniɛl 11:12 Referans Kwoze

Pita In Fɔs Lɛta 5:5

Semwe so, una we smɔl fɔ de du wetin dɛn bigman tɛl una fɔ du. Nɔbɔdi nɔ fɔ mek prawd pan in kɔmpin, bɔt una fɔ de ɛp una kɔmpin; lɛkɛ aw dɛn rayt na Gɔd in Buk, we dɛn se, “Gɔd go tɔn in bak pan dɛn pipul we prawd ɛn i go sho dɛn wan we nɔ prawd aw i gud.”

Fɔs Lɛta To Timoti 3:6

I nɔ fɔ bi man we jɛs no Krays bikɔs sɔntɛm i go prawd, ɛn dat go mek Gɔd kɔndɛm am lɛkɛ aw i bin kɔndɛm Setan.

Daniɛl 8:25

Bay in kɔni kɔni, di tɛm we i de na pawa, i go mek pipul dɛn prɔfit pan fɔls layf, ɛn i go de tink nain maynd se in na bigman wit bɔku pawa. Di tɛm we pipul dɛn nɔ de tink am, i go kil bɔku; ɛn i go ivin fɛt di prins we ay pas ɔl di prins dɛn; bɔt i go rich in watalo we nɔto bay mɔtalman an.

Daniɛl 5:23

Bɔt yu dɔn es yusɛf ɔp agens PAPA GƆD na ɛvin ɛn yu dɔn mek dɛn briŋ dɛn kɔp dɛn we bin de na PAPA GƆD in os kam na ya, ɛn yu ɛn yu wɛf ɛn switat dɛn tek dɛn drink wayn, ɛn yu dɔn prez di silva, gold, bras, ayɛn, wud ɛn ston gɔd dɛn, we nɔ de si ɔ yɛri ɛn nɔ no natin; bɔt una nɔ rɛspɛkt PAPA GƆD we nain an una layf dɛn de, ɛn we nain de kɔntrol ɔl wetin de apin to una.

Izikɛl 28:17

Yu at bin prawd fɔseka di fayn we yu fayn; yu bin kɔrɔpt yu sɛns fɔseka yu glori a trowe yu kan dɔŋ na grɔn; a bin opin yu bifo kiŋ dɛm so dat dɛn yay go ɛnjɔy bad bad wan we dɛn de luk yu

Izikɛl 28:5

Na wit yu bɔku sɛns we yu gɛt pan tredin yu dɔn tek ad mɔ jɛntri, so yu dɔn prawd fɔseka yu jɛntri–

Izikɛl 28:2

na dis Papa Gɔd we na Gɔd se: “Bikɔs yu prawd ɛn yu dɔn se, ‘misɛf na gɔd, a de sidɔm usay dɛn gɔd de sidɔm, midul midul di si, stil yu na natin bɔt wan mɔtalman, ɛn yu nɔto nɔn gɔd, ɔl we yu de tink se yu na gɔd–

Prɔvabs 16:18

If yu de kak, yu go kapsay, wans yu gɛt mek mek, dɛn go brok yu fɛda dɔŋ.

2 Kronikuls 32:25

Bɔt Ɛzikaya nɔ ritɔn di fevɔ to Gɔd akɔdin to gud we i du am bikɔs in at bin prawd. Fɔseka dat vɛksteshɔn kam pan am, ɛn Juda ɛn Jerusɛlɛm.

2 Kronikuls 26:16

We Kiŋ Uzaya bin dɔn sidɔm na pawa gud gud wan, i bigin mek prawd, we briŋ in dawnfɔl. I bin fɔls to PAPA GƆD we nain Gɔd, ɛn i go insay PAPA GƆD in os go bɔn insɛns na di insɛns ɔlta.

2 Kronikuls 25:19

Na tru se yu dɔn dɔnawe wit Idɔm bɔt dat nɔ min se yu fɔ de mek prawd ɛn mek rudnɛs. If yu dɔn win, sidɔm saful, bɔt nɔ fɛn plaba ɛn mek yu ɛn Juda sɔri.”

2 Kiŋ 14:10

Na tru se yu dɔn dɔnawe wit Idɔm bɔt dat nɔ min se yu fɔ de mek prawd ɛn mek rudnɛs. If yu dɔn win, sidɔm saful, bɔt nɔ fɛn plaba ɛn mek yu ɛn Juda sɔri.”

Ditarɔnɔmi 8:14

dɛn kam prawd ɛn fɔgɛt bɔt PAPA GƆD we na dɛn PAPA GƆD we pul dɛn kɔmɔt pan slevri na Ijipt.

Daniɛl 11:11

Dɛn di kiŋ na Ijipt go vɛks bad bad wan, ɛn go kɔmɔt kam fɛt di kiŋ na Siria; plɛnti plɛnti pipul dɛn go go wit am, bɔt di kiŋ na Siria go kapchɔ am.

Daniɛl 11:13

Di kiŋ na Siria go gɛda bɔku bɔku pipul bak we plɛnti pas di las tɛm; afta sɔm ia go dɔn pas, i go kam wit big big ami ɛn bɔku bɔku tin dɛn fɔ it wɛr ɛn fɛt.