Daniɛl 11:11 - Krio Fɔs Oli Baybul

¹¹ Dɛn di kiŋ na Ijipt go vɛks bad bad wan, ɛn go kɔmɔt kam fɛt di kiŋ na Siria; plɛnti plɛnti pipul dɛn go go wit am, bɔt di kiŋ na Siria go kapchɔ am.

Daniɛl 11:11 Referans Kwoze

Daniɛl 8:7

A si di got we i bin kam nia di manship, ɛn i bin so vɛks pan am dat i bɔt di manship ɛn brok in tu ɔn; ɛn di manship nɔ bin gɛt ɛni pawa igen fɔ fɛt di got, bɔt di got bin ib di manship na grɔn ɛn mas mas am; nɔbɔdi nɔ bin ebul fɔ pul di manship na di got in an.

Daniɛl 11:5

“Di kiŋ we de na di sawt go gɛt pawa, bɔt wan pan in prins dɛn go gɛt pawa pas am, ɛn in yon rul go pawaful bad bad.

Daniɛl 11:44

Bɔt nyuz we go kɔmɔt na di ist ɛn na Ijipt go mek i fred, ɛn i go go wit di bad bad vɛksteshɔn fɔ kil ɛn nyakanyaka ɔmɔs i ebul.

Daniɛl 2:38

Ɛn i dɔn put ɔl mɔtalman in bɔypikin, di bist we tap na di fil ɛn di bɔd we de flay, na yu an, lɛ yu rul oba dɛn ɔl; i lɛk usay dɛn de. Na yu na da gold ed pan di imej.

Jɛrimaya 27:6

So, fɔseka dat, a dɔn gi ɔl dɛn land dɛm ya to Nɛbyukadnɛza, we na di kiŋ na Babilɔn ɛn mi wokman, ɛn a dɔn gi am di animal dɛn na bush fɔ sav am.

Di Sam Dɛm 76:10

Di vɛks we yu kin vɛks pan mɔtalman kin lɛ dɛn si wetin mek dɛn fɔ prez yu; ɛn dɛn wan dɛn we nɔba sɔfa we yu de jɔj kin lɛk fɔ prez yu mɔ.

1 Kiŋ 20:28

Di prɔfɛt go mit di kiŋ na Izrɛl ɛn tɛl am se PAPA GƆD se bikɔs di Aramean dɛn de tink se in na PAPA GƆD fɔ di il bɔt nɔto PAPA GƆD fɔ di vali, in go mek shɔ se dɛn bit dɛn gud fashin, dɔn na da tɛm de in di kiŋ go no se in na PAPA GƆD.

1 Kiŋ 20:13

We ɔl dat de bi, wan prɔfɛt go to Kiŋ Eab na Izrɛl ɛn tɛl am se, PAPA GƆD se lɛ i nɔ fred ɔl dɛn bɔku, bɔku sojaman dɛn de we i si. I se in go mek i kɔnka dɛn ɔl da vɛri de de; ɛn na da tɛm de in di Eab go no se in na PAPA GƆD we na Gɔd.

Daniɛl 11:12

Ɛn wɛn i go dɔn kapɔch bɔku bɔku sojaman dɛn, i go fil prawd ɛn kil tawzin tawzin, bɔt stil, i nɔ go win.

Daniɛl 11:40

We di tɛm rich, di kiŋ na di sawt go atak am; bɔt di kiŋ na nɔt go rɔsh pan am lɛk ebi briz wit ɔs ɛn karej ɛn pipul we de rayd ɔs, ɛn wit plɛnti plɛnti ship. I go atak kɔntri dɛn lɛk briz ɛn pas go.