Daniɛl 10:8 - Krio Fɔs Oli Baybul

⁸ So na mi waŋren bin lɛf ɛn si dis big big vishɔn, ɛn a bin wik bad bad wan ɛn mi fes we bin de shayn brayt wan bin chenj bad bad wan, ɛn ɔl mi bɔdi bin wik.

Daniɛl 10:8 Referans Kwoze

Daniɛl 7:28

‘Na so di wɔd go. As fɔ mi Daniɛl, di tin dɛn we a bin de tink, bin mek a de fred bad bad wan, ɛn mi fes in kɔla bin chenj; bɔt a bin kip ɔl dɛn tin ya na mi at.”

Abakɔk 3:16

Wɛn a yɛri bɔt ɔl wetin yu du, mi bɔdi trimbul; a fred te a bɛt mi siti mi bɔdi ɔl brok wit fred, dat mek, a nɔ sabi waka igen a de sidɔm saful wet fɔ di de we trɔbul go mit dɛn wan we de ambɔg wi.

Daniɛl 8:27

Mi Daniɛl, bin fil wik ɛn sik lidɔm fɔ tu tri de; dɔn a bin grap ɛn bigin du di kiŋ in wok bak; bɔt di vishɔn bin shɔk mi ɛn a nɔ bin ɔndastand am atɔl.

Rɛvɛleshɔn 1:17

Wɛn a si am, a fɔdɔm flat nain fut lɛkɛ pɔsin we dɔn day. I put in raytan pan mi, i se, “Nɔ fred. Na mi na di fɔs pɔsin, na mi go bi di las pɔsin.

Mak 9:6

Pita nɔ bin no wetin fɔ tɔk, bikɔs in ɛn di ɔda tu lanin bɔy dɛn bin de fred bad.

Matyu 17:6

Wɛn di lanin bɔy dɛn yɛri di vɔys, dɛn fred sote dɛn fɔdɔm wit dɛn fes na grɔn.

2 Kɔrint 12:7

Bɔt fɔ mek dɛn plɛnti wɔndaful tin we a si nɔ mek a prawd, Gɔd put sik pan mi we de mek mi bɔdi at mi bad; da sik de tan lɛkɛ sik we Setan sɛn pan mi fɔ ambɔg mi, mek a nɔ go prawd.

Daniɛl 8:7

A si di got we i bin kam nia di manship, ɛn i bin so vɛks pan am dat i bɔt di manship ɛn brok in tu ɔn; ɛn di manship nɔ bin gɛt ɛni pawa igen fɔ fɛt di got, bɔt di got bin ib di manship na grɔn ɛn mas mas am; nɔbɔdi nɔ bin ebul fɔ pul di manship na di got in an.

Jɛnɛsis 32:31

Di san bin jɛs de kɔmɔt we Jekɔb bin de lɛf Pɛniɛl, ɛn i nɔ bin de waka tret bikɔs ɔf in wesbon.

Jɔn 16:32

Di tɛm de kam ɛn i dɔn kam sɛf, we dɛn go mek una ɔl lɛf mi go; ɔlman go rɔnawe go nain os, una go lɛf mi wangren. Bɔt nɔto mi wangren go lɛf, bikɔs mi Papa de wit mi.

Ɛksodɔs 3:3

Na de Mozis tɔk nain at se in fɔ luk gud fɔ si aw faya de kech tik we di tik nɔ de bɔn.

Daniɛl 10:16

Nain a si sɔmbɔdi we tan lɛk mɔtalman tɔch mi lip dɛn, na datɛnde a bin ebul tɔk. Nain a tɛl di wan we bin tinap bifo mi se, “O mi PAPA GƆD, bikɔs ɔf di vishɔn, ɔl mi bɔdi de at mi ɛn ɔl mi bɔdi wik.

Daniɛl 10:17

Aw mi we na mi masta in wokman go tɔk to mi masta? Rayt naw, mi bɔdi wik bad bad wan, ɛn a nɔ ebul blo bɛtɛ igen sɛf.”