Daniɛl 10:7 - Krio Fɔs Oli Baybul

⁷ Na mi Daniɛl waŋren bin si di vishɔn: bikɔs di pipul dɛn we wi ɔl bin de nɔ bin si dis vishɔn, bɔt dɛn bin de trimbul bad bad wan ɛn dɛn rɔnawe go ayd.

Daniɛl 10:7 Referans Kwoze

Apɔsul Dɛn Wok 9:7

Di man dɛn we bin de go wit Sɔl tinap, dɛn nɔ tɔk wan wɔd. Dɛn yɛri di vɔys we bin de tɔk, bɔt dɛn nɔ si nɔbɔdi.

Apɔsul Dɛn Wok 22:9

Di man dɛn we bin de wit mi si di layt bɔt dɛn nɔ yɛri di vɔys we bin de tɔk to mi.

Jɛnɛsis 3:10

Adam ansa se, “A yɛri we yu de waka na di fam; a fred bikɔs a bin de nekɛd so a ayd pan yu.”

Di Ibru Pipul Dɛn 12:21

Wetin dɛn si na da ples de mek dɛn fred bad. Mozis insɛf tɔk se, “Di fred mek mi bɔdi trimbul.”

Ayzaya 2:10

Go insay di big ston dɛn, ɛn ayd ɔnda di dɔti pan di bad tin we PAPA GƆD go du, ɛn pan di wɔnda pan in pawa.

Izikɛl 12:18

“mɔtalman, de trimbul we yu de it yu bred ɛn de shek wit bad bad fred we yu de drink wata;

Jɛrimaya 23:24

PAPA GƆD se, Ɛnibɔdi go ebul ayd insɛf na ɛni sikrit ples we a nɔ go ebul si am? A nɔ de ɔlsay na wɔl?