Daniɛl 10:6 - Krio Fɔs Oli Baybul

⁶ In bɔdi bin tan lɛk dayamɔn, ɛn in fes de shayn lɛk Laytin. In yay dɛn tan lɛk tɔch layt ɛn in an ɛn lɛg dɛn tan lɛk dɛn bras we dɛn pɔlish we de shayn, ɛn wɛn i de tɔk, in vɔys bin tan lɛk we big big krawd de mek nɔys.

Daniɛl 10:6 Referans Kwoze

Rɛvɛleshɔn 19:12

In yay bin rɛd lɛkɛ faya ɛn plɛnti krawn bin de pan in ed. Wan nem bin rayt pan am we nɔbɔdi nɔ bin no pas insɛf.

Matyu 17:2

Aw dɛn de luk, nain Jizɔs chenj na dɛn yay, in fes bigin shayn lɛkɛ di san, ɛn in klos bin wayt lɛkɛ brayt layt.

Izikɛl 10:9

Ɛn a bin luk, ɛn si se di fo wil dɛm bin de bay di Chɛryubim dɛn sayd, wan wil de bay ich Chɛryubim in sayd, ɛn di wil dɛn bin luk lɛk dayamɔn we de glita.

Izikɛl 1:24

Ɛn wɛn dɛn bin de go, a de yɛri di sawnd we di wiŋ dɛn bin de mek, i tan lɛk di nɔys we bɔku wata kin mek; lɛk PAPA GƆD in tɛnda, lɛk di nɔys we krawd kin mek; wɛn di krichɔ dɛn tinap wamples dɛn kin put dɛn wiŋ dɛn dɔŋ.

Izikɛl 1:16

We yu si di wil dɛn ɛn aw dɛn mek dɛm, dɛn bin de shayn lɛk dayamɔn; ɛn dɛn ɔl fo wil tan di sem, ɛn bay aw dɛn mek dɛm, i tan lɛk se di wil dɛn de insay dɛn kɔmpin.

Izikɛl 1:14

Ɛn dɛn krichɔ dɛn ya we de layf layf wan, bin de pas pas ɔp ɛn dɔŋ lɛk we laytin de flash.

Rɛvɛleshɔn 21:20

di ston we mek fayv bin de shayn ɛn i bin klia, i bin gɛt plɛnti kɔla, dɛn kɔl am oniks; di ston we mek siks na bin lɛkɛ wɛn brawn ɛn rɛd miks, dɛn kɔl am rubi; di ston we mek sɛvin na bin yala, dɛn kɔl am kwɔts; di ston we mek et na bin grin, dɛn kɔl am bɛril; di ston we mek nayn na bin layt yala, dɛn kɔl am topaz; di ston we mek tɛn bin gɛt yala-grin kɔla, dɛn kɔl am kri so prayz; di ston we mek ilɛvin na bin dip blu, dɛn kɔl am jasint; di ston we mek twɛlv na bin dip rɛd, dɛn kɔl am amitist.

Rɛvɛleshɔn 10:1

Wɛn dat dɔn, na de a si wan ɔda enjɛl we gɛt pawa kɔmɔt na ɛvin kam dɔŋ. Klawd bin kɔba am lɛkɛ klos, rembo bin de rawnd in ed; in fes bin de shayn lɛkɛ di san, ɛn in fut dɛn bin fiba faya we tinap tret tret wan lɛkɛ post.

Lyuk 9:29

Aw Jizɔs de pre, nain, wantɛm in fes chenj ɛn in klos in kɔla chenj to wayt, we wayt pas shatin sɛf, ɛn i bin de shayn brayt.

Izikɛl 1:7

Dɛn fut dɛn bin tret tret, ɛn dɛn ɔnda fut bin tan lɛk kaw pikin ɔnda fut; ɛn dɛn bin de glita lɛk bras we dɛn dɔn pɔlish.

Ɛksodɔs 28:20

di las ro in fɔ gɛt krosolayt, ɔniks ɛn jaspa ston. Yuz gold waya fɔ fasin, fasin dɛn.

Matyu 28:3

Di enjɛl in fes bin de shayn lɛkɛ laytin ɛn in klos bin wayt pas shatin.

Rɛvɛleshɔn 2:18

“Rayt dis mɛsej ya sɛn am go to di enjɛl we de gyad di Kristiɛn dɛn na Tayatira: “Na di mɛsej dis we Gɔd in Pikin sɛn; in yay dɛn rɛd lɛkɛ faya ɛn in fut dɛn de shayn lɛkɛ bras we dɛn bɔn na faya, dɔn dɛn shayn am:

Sɔlɔmɔn In Siŋ Dɛm 5:14

In an dɛn fayn lɛk we dɛn mol gold, ɛn sɛt wit juɛl. In bɔdi tan lɛk ayvri, we dɛn ful wit fayn blu ston.

Izikɛl 40:3

Wɛn i bin briŋ mi de, una lisin, wan man bin de de we bin de shayn lɛk bras, ɛn i bin gɛt wan linin layn ɛn wan teprul nain an we i de tek mɛnshɔ ɛn i bin tinap to di kɔridɔ get.

Izikɛl 8:2

Dɛn a si sɔntin we tan lɛk mɔtalman; faya bin de ɔnda wetin tan lɛk in wes, ɛn wetin tan lɛk brayt layt, lɛk bras we de shayn, nain bin de pantap di wes.