Daniɛl 10:16 - Krio Fɔs Oli Baybul

¹⁶ Nain a si sɔmbɔdi we tan lɛk mɔtalman tɔch mi lip dɛn, na datɛnde a bin ebul tɔk. Nain a tɛl di wan we bin tinap bifo mi se, “O mi PAPA GƆD, bikɔs ɔf di vishɔn, ɔl mi bɔdi de at mi ɛn ɔl mi bɔdi wik.

Daniɛl 10:16 Referans Kwoze

Daniɛl 8:15

Wɛn mi, Daniɛl, dɔn si di vishɔn, a bigin tray fɔ fɛnɔt wetin i min, ɛn wantɛm wantɛm, sɔntin we fiba mɔtalman bin kan tinap bifo mi.

Ayzaya 6:7

I tɔch mi mɔt ɛn tɔk se, “as dis dɔn tɔch yu mɔt so, ɔl wetin yu gilti bɔt dɔn dɔn, ɛn PAPA GƆD dɔn fɔgiv yu sin.”

Jɛrimaya 1:9

Nain PAPA GƆD es in an ɛn tɔch mi mɔt; dɔn PAPA GƆD tɛl mi se, “a de tɛl yu, a dɔn put mi wɔd na yu mɔt.

Daniɛl 8:27

Mi Daniɛl, bin fil wik ɛn sik lidɔm fɔ tu tri de; dɔn a bin grap ɛn bigin du di kiŋ in wok bak; bɔt di vishɔn bin shɔk mi ɛn a nɔ bin ɔndastand am atɔl.

Daniɛl 8:17

So Gebrɛl bin kam nia usay a bin tinap; ɛn wɛn i kam, a bin fred ɛn butu mi fes na grɔn. Bɔt i tɛl mi se, “Mɔtalman, a wan lɛ yu ɔndastand se, dis vishɔn na fɔ di tɛm we di wɔl go dɔn.’

Daniɛl 7:28

‘Na so di wɔd go. As fɔ mi Daniɛl, di tin dɛn we a bin de tink, bin mek a de fred bad bad wan, ɛn mi fes in kɔla bin chenj; bɔt a bin kip ɔl dɛn tin ya na mi at.”

Daniɛl 7:15

“Ɛn as fɔ mi Daniɛl, mi spirit bin wɔri bad bad wan ɛn di vishɔn dɛn we a bin de tink bɔt, bin de mek a fred.

Rɛvɛleshɔn 1:13

Midul dɛn lampolda ya a si sɔmbɔdi tinap we fiba mɔtalman. In klos lɔŋ te rich in fut, gold strap tay rawnd in chɛst.

Jɔn 20:28

Tɔmɔs se, “Yu na mi Masta ɛn yu na mi Gɔd!”

Lyuk 21:15

A go mek una ebul ansa dɛn wit sɛns so dat dɛn wan we nɔ lɛk una sɛf go gri wit di ansa dɛn we una de ansa.

Lyuk 1:64

As Zakaraya rayt dɔn so, in vɔys kam bak ɛn in tɔŋ lus ɛn i bigin fɔ tɔk klia wan. I bigin fɔ prez Gɔd.

Daniɛl 12:8

A bin yɛri, bɔt a nɔ bin ɔndastand. Nain a se, “Du ya masta, wetin ɔl dɛn tin ya min?”

Daniɛl 9:21

We a bin de pre, di man we nem Gebrɛl, we a bin dɔn si insay di fɔs vishɔn, bin flay kam usay a bin de, wit spid. Dat apin di tɛm we wi kin mek di ivintɛm sakrifays.

Izikɛl 33:22

Da tɛm de PAPA GƆD in an bin de pan mi, di ivintɛm bifo di rɔnawe bin kam; ɛn bay di tɛm di man bin kam to mi na mɔnin, PAPA GƆD bin dɔn opin mi mɔt; so mi mɔt bin opin; ɛn a nɔ bin mumu igen

Izikɛl 3:27

Bɔt we a tɔk to yu, a go opin yu mɔt ɛn yu go tɛl dɛn se, ‘Na dis PAPA GƆD we na GƆD se’; udat gɛt yes fɔ yɛri, mek i yɛri; ɛn udat we nɔ wan yɛri, mek i nɔ yɛri; bikɔs dɛn ɔl na pipul dɛn we dɔn tɔn bak gi mi.

Izikɛl 1:26

Ɔp na di klawd oba dɛn ed, sɔntin bin de de lɛk tron we fiba dayamɔn, ɛn sɔntin we tan lɛk mɔtalman bin sidɔm na di tin we tan lɛk tron.

Ɛkliziastis 1:18

Bikɔs di mɔ sɛns yu gɛt, di mɔ yu at de wɔri, di mɔ yu no bɔt sɔntin, na di mɔ yu at de pwɛl.

Di Jɔj Dɛm 13:8

Nain Manoa pre to PAPA GƆD se lɛ i sɛn di enjɛl we i bin sɛn go bak to dɛn go tich dɛn aw dɛn go mɛn di bɔbɔ we i go bɔn.

Di Jɔj Dɛm 6:15

Nain Gidiɔn aks am se aw in we na di las wan na di grup we wik pas ɔl na di Manasɛ fambul, go ebul fri Izrɛl.

Di Jɔj Dɛm 6:13

Nain Gidiɔn se, duya in beg, lɛ i ɛskyuz am, in wan aks am se if PAPA GƆD de wit dɛn, wetindu ɔl dɛn disgresful tin dɛn de, de mit dɛn. Gidiɔn aks se aw bɔt dɛn wɔnda tin dɛn we dɛn fɔstɛmpapa dɛn bin de tɛl dɛn bɔt; lɛk aw PAPA GƆD pul dɛn kɔmɔt Ijipt. Gidiɔn se PAPA GƆD luk dɔn fɔgɛt bɔt dɛn naw ɛn i dɔn alaw di Midianayt dɛn fɔ rul dɛn.

Jɔshwa 5:14

Nain di man ansa an se nɔ o, a kam ya bikɔs mi na di kɔmanda fɔ PAPA GƆD in ami. Nain Jɔshwa butu na grɔn ɛn wɔship am ɛn aks am se, na wetin in go wan lɛ i du.

Ɛksodɔs 4:13

Bɔt Mozis beg PAPA GƆD se duya mek i sɛn ɔda pɔsin.

Ɛksodɔs 4:10

Bɔt Mozis beg PAPA GƆD se duya mek i nɔ sɛn am bikɔs in nɔ sabi tɔk. I se sins in mama bɔn am te da tɛm we i bin de tɔk to PAPA GƆD so i nɔ sabi tɔk bikɔs in nɔ kin no wetin fɔ tɔk bɔku tɛm.

Daniɛl 4:19

Daniɛl we nem Bɛlshaza, bin wɔri fɔ sɔn tɛm, bikɔs wetin bin de kam nain maynd bin de mek i fred. Nain di kiŋ se, “Bɛlshaza, nɔ lɛ di drim ɔ in minin mek yu fred.” Bɛlshaza ansa se, “Kiŋ, mek dis drim ya bi fɔ di wan dɛn we nɔ wan si yu ɛn lɛ in minin bi fɔ di wan dɛn we nɔ lɛk yu!

Daniɛl 8:18

As i bin de tɔk to mi, a bigin slip dip dip wan, wit mi fes na grɔn, bɔt i tɔch mi ɛn mek a tinap.