Daniɛl 10:12 - Krio Fɔs Oli Baybul

¹² Nain i tɛl mi se, “Daniɛl, nɔ fred, bikɔs frɔm di fɔs de we yu bin dɔn mek ɔp yu maynd fɔ ɔndastand ɛn put yusɛf dɔŋ bifo PAPA GƆD, dɛn bin dɔn yɛri wetin yu bin de se, ɛn a kam to yu bikɔs ɔf wetin yu bin de se.

Daniɛl 10:12 Referans Kwoze

Daniɛl 10:19

Nain i tɛl mi se, ‘Yu mɔtalman we dɛn lɛk pasmak, nɔ fred, lɛ yu gɛt kol at; gɛt maynd ɛn gɛt ay kɔrej.” Wɛn i dɔn tɔk to mi dɔn, a bin gɛt trɛnk bak. Nain a se, “Lɛ mi masta tɔk bikɔs yu dɔn gi mi trɛnk.”

Ayzaya 58:9

Datɛnde, yu go kɔl PAPA GƆD ɛn I go ansa; yu go kray to am, ɛn i go se, Luk Mi na ya. “If yu pul una prɔblɛm dɛn kɔmɔt na una ed we na pɔynt finga ɛn bad at,

Matyu 28:5

Di enjɛl tɛl di uman dɛn se, “Una nɔ fred, a no se una de luk fɔ Jizɔs we dɛn bin nel pan di krɔs.

Ayzaya 65:24

Bifo dɛn de pre to mi, a go dɔn ansa, as dɛn de tɔk so, a dɔn yɛri.

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Ayzaya 41:14

Nɔ fred, yu Jekɔb we na wɔrɔm, una di man dɛn na Izrɛl! PAPA GƆD se, a go ɛp una; di wan we de sev una na di Oli Wan na Izrɛl.

Ayzaya 35:4

Tɛl dɛn wan we de fred se, “Una mek lɛk man, una nɔ fred! A de tɛl una, una Gɔd go kam fɔ rivɛnj, lɛk aw Gɔd kin pe pipul dɛn bak. I go kam sev una.”

Lyuk 24:38

Jizɔs aks dɛn se, “Wetin mek una de fred ɛn una de wɔnda udat dis?

Lɛvitikɔs 16:31

Na di sɛvin de we na di de fɔ blo ɛn dɛn fɔ fast; na lɔ dis ɛn i fɔ bi na ɔl di jɛnareshɔn.

Lɛvitikɔs 16:29

PAPA GƆD se dat fɔ bi lɔ na ɔl in jɛnareshɔn dɛn, dat na di nɔmba tɛn de na di mɔnt we mek sɛvin, dɛn fɔ fast ɛn nɔ du ɛni wok, wɛda na de dɛn bɔn ɔ dɛn na trenja;

Rɛvɛleshɔn 1:17

Wɛn a si am, a fɔdɔm flat nain fut lɛkɛ pɔsin we dɔn day. I put in raytan pan mi, i se, “Nɔ fred. Na mi na di fɔs pɔsin, na mi go bi di las pɔsin.

Apɔsul Dɛn Wok 27:24

Di enjɛl se, ‘Pɔl, nɔ fred! Yu go tinap bifo di kiŋ na Rom; ɛn Gɔd dɔn se una ɔl go rich Rom ɛn nɔbɔdi nɔ go day.’

Di Sam Dɛm 69:10

We a de fast ɛn pre, dɛn de provok mi.

Lyuk 2:10

Di enjɛl se, “Una nɔ fred! A briŋ gud nyuz fɔ una we go mek pipul gladi bad ɛn ɔl di Izrɛl pipul dɛn go gladi.

Lyuk 1:30

Nain di enjɛl se, “Meri, nɔ fred, Gɔd dɔn blɛs yu.

Lyuk 1:13

Di enjɛl se, “Zakaraya, nɔ fred! Gɔd dɔn yɛri ɛn i dɔn ansa di pre we yu de pre; yu wɛf Ilizabɛt go bɔn bɔy pikin; di nem we yu fɔ gi am na Jɔn.

Mak 16:6

Di man se, “Una nɔ fred! Na Jizɔs we kɔmɔt Nazarɛt, we dɛn bin nel pan di krɔs una kam luk fɔ. I nɔ de ya, i dɔn rayz frɔm di grev. Una luk di ples we dɛn bin le am.

Matyu 28:10

Jizɔs se, “Una nɔ fred, una go tɛl mi lanin bɔy dɛn we tan lɛkɛ brɔda to mi fɔ go na Galili, dɛn go si mi de.”

Daniɛl 10:11

Nain i tɛl mi se, “Daniɛl, man we dɛn lɛk pasmak, lisin wetin a de tɛl yu. Tinap tret, bikɔs dɛn sɛn mi to yu.” Di tɛm we i bin de tɔk to mi, a tinap de trimbul.

Di Nɔmba Dɛm 29:7

“Di tɛn de na di sɛvin mɔnt, na di de we dɛn fɔ fast. Dɛn fɔ lɛ ɔlman gɛda fɔ du tin dɛn we oli ɛn nɔ fɔ wok.