Daniɛl 1:7 - Krio Fɔs Oli Baybul

⁷ Di edman fɔ di okobo dɛn bin gi dɛn ɔda nem: i kɔl Daniɛl, Bɛlshaza, i kɔl Ananaya, Shedrak, i kɔl Mishɛl, Mishak ɛn kɔl Azaraya, Abɛdnigo.

Daniɛl 1:7 Referans Kwoze

Daniɛl 5:12

bikɔs dɛn bin fɛnɔt se dis Daniɛl we di kiŋ bin gi nem Bɛlshaza, gɛt spirit we nɔ de mek mistek insay am, wit sabi ɛn ɔndastandin fɔ tɛl drim dɛn minin, fɔ sho ridul dɛn ansa ɛn klia prɔblɛm. So lɛ dɛn kɔl Daniɛl kam ɛn i go sho dɛn di minin.”

Daniɛl 4:8

Afta sɔntɛm nain Daniɛl kam bifo mi, in we a bin gi nem Bɛlshaza, we na so mi gɔd nem, ɛn we i gɛt di oli gɔd dɛn spirit insay am

Daniɛl 2:49

Daniɛl beg wan tin, ɛn di kiŋ bin mek Shedrak, Mishak ɛn Abɛdnigo edman dɛm oba Babilɔn prɔvins in biznɛs; bɔt Daniɛl in bin lɛf na di kiŋ in kot.

Daniɛl 1:3

Nain di kiŋ tɛl Ashpenaz we na di edman pan di okobo dɛn fɔ briŋ sɔm pan di Izrɛlayt we kɔmɔt na di kiŋ fambul ɛn dɛn ay klas famili;

2 Kiŋ 24:17

Dɔn i mek Jɛoiakim in ɔnkul we nem Matanaya bi kiŋ na Juda. I chenj Matanaya in nem to Zɛdikaya.

2 Kiŋ 23:34

Kiŋ Nɛko mek Ilayakim, we na Josaya in bɔypikin kiŋ nain papa in ples, dɔn i chenj Ilayakim in nem to Jɛoyakim. I kɛr Jɛoaaz na Ijipt ɛn na de i go day.

Daniɛl 2:26

Di kiŋ aks Daniɛl we in nem na Bɛlshaza, se, “Yu ebul fɔ mek a no di drim we a drim ɛn wetin in min?”

Jɛnɛsis 41:45

Di kiŋ chenj Josɛf in nem to Zafɛnath Pania we na Ijipshian nem, ɛn gi am Asɛnath we na Pɔtifɛra in gyal pikin fɔ bi in wɛf. Pɔtifɛra na bin man we de mek sakrifays fɔ pipul sin na On. So Josɛf ebul fɔ go ɔlsay insay Ijipt.

Daniɛl 1:19

We di kiŋ tɔk wit dɛn, i fɛnɔt se nɔn pan dɛn nɔ bin tan lɛk Daniɛl, Ananaya, Mishɛl ɛn Azaraya; so di kiŋ bin mek dɛn wok wit am.

Daniɛl 10:1

Insay di tɔd ia we Sayrɔs na bin kiŋ na Pashia, wɔd bin kam to Daniɛl we in ɔda nem na bin Bɛlshaza. Di wɔd na bin tru wɔd, ɛn i bin briŋ big big kɔnfyushɔn. Daniɛl bin ɔndastand wetin dɛn se ɛn bin ɔndastand di vishɔn.

Daniɛl 4:5

Nain a drim sɔn kayn drim we mek a fred; as a bin ledɔm na mi bed, di tinks dɛn we a de tink bɔt ɛn di vishɔn dɛn we a de gɛt, bin mek a fred.