Daniɛl 1:2 - Krio Fɔs Oli Baybul

² PAPA GƆD bin mek Nɛbyukadnɛza kapchɔ Jɛoiakim, Juda dɛn kiŋ, ɛn sɔm pan di oli tin dɛn we dɛn bin de yuz na PAPA GƆD in os. Nɛbyukadnɛza bin kɛr dɛn ɔl go nain gɔd in os na Shina, ɛn bin put di oli tin dɛn, na di ples we dɛn bin de kip dɛn gɔd in fayn fayn tin dɛn.

Daniɛl 1:2 Referans Kwoze

2 Kronikuls 36:7

Nebyukadnɛza tek bak sɔm pan di besin dɛm fɔ PAPA GƆD in os ɛn put dɛm nain kiŋ os na Babilɔn.

Zɛkaraya 5:11

I se dɛn de kɛr am go na Babilɔn usay dɛn go bil os fɔ am ɛn we dɛn go dɔn bil di os dɔn, dɛn go put am de fɔ pipul dɛn fɔ go wɔship.

Di Jɔj Dɛm 4:2

So PAPA GƆD mek Jabin, we na Kenan kiŋ we tap na Ezɔ, kapchɔ dɛn. In ami kɔmanda bin nem Sisɛra ɛn i bin tap na Arɔshɛth we na jɛntayl dɛn de de.

Di Jɔj Dɛm 3:8

Ɔl dat bin mek PAPA GƆD vɛks pan Izrɛl, so i mek Kiŋ Kushan Rishataim na Mɛsopotemia kapchɔ dɛn ɛn rul dɛn fɔ et ia.

Di Jɔj Dɛm 2:14

Ɔl dat mek PAPA GƆD vɛks pan Izrɛl ɛn mek pipul dɛn bigin atak ɛn tif dɛn. I mek dɛn ɛnimi dɛn we de rawnd dɛn ebul bit dɛn.

Ditarɔnɔmi 32:30

Aw kɔm waŋren pɔsin ebul bit wan tawzin pipul, ɛn tu pipul mek tu tawzin pipul rɔnawe? Pas if di wan we de fɛt fɔ dɛn pul an pan dɛn, ɛn PAPA GƆD dɔn pul at pan dɛm.

Jɛnɛsis 11:2

As di pipul dɛn de wirɔn ɔlɔbɔt na di ist, dɛn rich na Babilɔn; ɛn dɛn tek de mek dɛn siti ɛn tap de.

Jɛnɛsis 10:10

In yon say we i bigin rul na Babilɔn, Irɛk, Akad ɛn Kalnɛ; dɛn ɔl bin de insay Shina.

Abakɔk 1:16

We di Babilonian dɛn dɔn kech dɛn lɛk fish, dɛn kin mek sakrifays to dɛn nɛt dɛn, ɛn bɔn insɛns to di uk, bikɔs na di nɛt dɛn de mek dɛn liv gud, ɛn it gud it.

Daniɛl 5:18

Kiŋ, na PAPA GƆD we ay pas ɔl bin mek Nɛbyukadnɛza, we na yu papa, kiŋ, ɛn gi am pawa, gud nem ɛn rɛspɛkt.

Jɛrimaya 51:44

Ɛn A go pɔnish Bɛl we de na Babilɔn, ɛn pul wetin de insay in mɔt we i bin dɔn swɛla. Di neshɔn dɛm nɔ go wɔship am igen; Babilɔn in wɔl dɔn fɔdɔm.

Ayzaya 11:11

Da de de, PAPA GƆD go ɛp sɛkɛn tɛm fɔ briŋ di balans pan in pipul dɛn we bin lɛf, kɔmɔt Asiria, Ijipt, Patrɔs, Itiopia, Ilam, Babilonia, Emat ɛn di land dɛn we de na di kost.

Ɛzra 1:7

Kiŋ Sayrɔs gi di Ju dɛn bak ɔl wetin Kiŋ Nɛbyukadnɛza bin dɔn pul kɔmɔt na PAPA GƆD in os na Jerusɛlɛm we i kɛr go put nain yon gɔd dɛn os.

1 Samiɛl 5:2

Dɛn tek am go put na di os usay dɛn yon gɔd Degɔn de. Dɛn put di ak fɔ tinap nia Degɔn.

Ayzaya 42:24

Udat bin gi Jekɔb to di wan dɛn we de pwɛl, ɛn Izrɛl to di wan dɛn we de tif? Nɔto PAPA GƆD, we wi sin agens, di wan we dɛn nɔ gri waka nain rod, di wan we dɛn nɔ gri obe in lɔ?

2 Kiŋ 24:1

Di tɛm we Jɛoyakim bin de rul as kiŋ, Kiŋ Nɛbyukadnɛza na Babilɔn go atak in kɔntri, ɛn mek Jɛoyakim de pe taks to am fɔ tri ia. Bɔt wande Jɛoyakim chenj in maynd ɛn nɔ gri pe.

Jɛrimaya 25:1

Na di wɔd dis we rich Jɛrimaya bɔt di pipul dɛn na Juda, insay di ia we mek Jɛoiakim we na Josaya in bɔypikin fo ia as kiŋ na Juda (dat na bin Nɛbyukadnɛza in fɔs ia as kiŋ na Babilɔn)

Jɛrimaya 27:16

So a tɔk to di man dɛm we de mek sakrifays fɔ pipul sin ɛn ɔl di pipul dɛn, se, “Na dis PAPA GƆD se: Una nɔ lisin to wetin di prɔfɛt dɛm we de prɔfisay to una, de se, we dɛn de tɔk se, ‘I nɔ go te igen, dɛn go briŋ di tin dɛn we dɛn de yuz na PAPA GƆD in os, kam bak kɔmɔt Babilɔn,’ bikɔs na lay lay prɔfisi dɛn de gi una.

Jɛrimaya 28:3

Insay tu ia, a go briŋ ɔl di tin dɛn fɔ yuz na PAPA GƆD in os kam bak, we Nɛbyukadnɛza we na kiŋ na Babilɔn, bin tek kɔmɔt na dis ples kɛr go Babilɔn.

Jɛrimaya 35:11

Bɔt we Nɛbyukadnɛza we na kiŋ na Babilɔn bin kam fɛt di land, wi bin se, ‘Una kam le wi go na Jerusɛlɛm bikɔs wi de fred di Babilonian dɛn ami ɛn di Sirian dɛn ami.’ Na dat mek na Jerusɛlɛm wi tap.”

Jɛrimaya 50:2

“Tɔk am ɛn anawns am na ɔl di neshɔn dɛm, una rayt am usay ɔlman go si am, ɛn una anawns am, una nɔ ayd am, una tɔk am, se: ‘Dɛn dɔn kapchɔ Babilɔn, Bɛl dɔn shem, Mɛrodak in de wɔnda. Dɛn dɔn mek in imej shem, in lay lay gɔd dɛn dɛm de wɔnda.’

Daniɛl 5:13

So dɛn briŋ Daniɛl kam bifo di kiŋ. Di kiŋ tɛl Daniɛl se, “Na yu na di Daniɛl we na wan pan di pipul, we di kiŋ, mi papa bin briŋ kɔmɔt Juda.”

2 Kronikuls 36:5

Jehoyakim bin ol twɛnti fayv ia wɛn i bin kiŋ ɛn i rul ilɛvin ia na Jerusɛlɛm. I du wetin bad na PAPA GƆD in yay.