Daniɛl 1:17 - Krio Fɔs Oli Baybul

¹⁷ As fɔ dɛn fo yɔŋ man ya, PAPA GƆD gi dɛn sɛns ɛn skil pan ɔl kayn tin we pipul rayt; ɛn Daniɛl bin no bɔt ɔl kayn vishɔn ɛn drim.

Daniɛl 1:17 Referans Kwoze

Jems 1:5

If ɛni wan pan una want mɔ sɛns fɔ du ɛnitin, mek i aks Gɔd, Gɔd go gi am, bikɔs Gɔd de gi mɔtalman plɛnti tin dɛn ɛn i gladi fɔ du dat.

1 Kiŋ 3:12

a go gi yu wetin yu want. A go mek yu gɛt sɛns ɛn no wetin rayt ɛn wetin rɔŋ; sɛns we nɔbɔdi na wɔl nɔ ɛva gɛt ɛn nɔ go ɛva gɛt.

Daniɛl 2:21

I de chenj di tɛm ɛn sizin dɛn; I de pul ɛn put kiŋ dɛn na pawa I de gi sɛns to di wan dɛn we gɛt sɛns ɛn sabi to di wan dɛn we ebul fɔ ɔndastand;

Job 32:8

Bɔt na di spirit we de insay mɔtalman, dat na di Ɔlmayti in spirit, nain de mek i no tin prɔpa wan.

Daniɛl 2:23

Yu we na mi papa dɛn PAPA GƆD, A de tɛl yu tɛnki ɛn prez yu bikɔs na yu dɔn gi mi sɛns ɛn trɛnk, ɛn yu dɔn mek a no naw wetin wi bin de aks yu fɔ, bikɔs yu dɔn mek wi no di kiŋ in prɔblɛm.”

Lɛta Fɔ Kɔlɔse 1:9

Na dat mek frɔm di de we wi yɛri bɔt una, wi de pre fɔ una ɔltɛm. Wi de aks Gɔd mek in Spirit gi una sɛns ɛn mek una sabi bɔt am, so dat una go no wetin Gɔd want una fɔ du, ɛn una nɔ go dawt.

Prɔvabs 2:6

Na PAPA GƆD de gi sɛns; nain de mek pɔsin no bɔt sɔntin ɛn ɔndastand gud wan.

Apɔsul Dɛn Wok 6:10

Bɔt Gɔd in Spirit gi Stivin plɛnti sɛns, so dat wɛn i tɔk nɔbɔdi nɔba gɛt natin fɔ se.

Jems 1:17

Na Gɔd nɔmɔ de gi wi ɔl dɛn tin we gud ɛn we mek wi nɔ want ɛnitin mɔ. Na Gɔd mek di san, di mun ɛn di sta dɛn. Gɔd nɔ de chenj, i nɔ de lɛf wi na dak afta i dɔn mek layt shayn pan wi.

Apɔsul Dɛn Wok 7:22

Dɛn tren Mozis lɛkɛ dɛn Ijipt pikin; na man we bin sabi tɔk ɛn we bin sabi wok.

Daniɛl 10:1

Insay di tɔd ia we Sayrɔs na bin kiŋ na Pashia, wɔd bin kam to Daniɛl we in ɔda nem na bin Bɛlshaza. Di wɔd na bin tru wɔd, ɛn i bin briŋ big big kɔnfyushɔn. Daniɛl bin ɔndastand wetin dɛn se ɛn bin ɔndastand di vishɔn.

Izikɛl 28:3

Fɔ tru tru, yu gɛt sɛns pas Daniɛl; nɔn sikrit nɔ ayd pan yu;

2 Kronikuls 26:5

I mekɔp in maynd fɔ fɛn PAPA GƆD dyurin di tɛm we Zɛkaraya we bin de tich am fɔ rɛspɛkt PAPA GƆD, bin de; wans i bin de fɛn PAPA GƆD, PAPA GƆD bin mek i de go bifo.

Di Nɔmba Dɛm 12:6

i se, “Una lisin to mi gud. Na bay vishɔn a de sho misɛf to ɛni PAPA GƆD in prɔfɛt dɛn, dɔn a de tɔk to dɛn pan drim.

Apɔsul Dɛn Wok 7:10

Gɔd bin de ɛp Josɛf ɔltɛm we i de pan trɔbul. Wɛn dɛn kɛr Josɛf go bifo di kiŋ na Ijipt, Gɔd blɛs Josɛf ɛn gi am sɛns; so di kiŋ mek Josɛf bi gɔvna na Ijipt ɛn i mek am di edman fɔ in os.

Daniɛl 7:1

Di fɔs ia we Bɛlshaza, Babilɔn dɛn kiŋ bin de na pawa, Daniɛl bin drim ɛn si vishɔn we i bin lidɔm nain bed. So i rayt dɔn di drim ɛn tɔk ɔl wetin i si.

Daniɛl 2:19

Nain PAPA GƆD sho Daniɛl di mistri pan vishɔn na nɛt. So Daniɛl blɛs PAPA GƆD we de na ɛvin.

Lyuk 21:15

A go mek una ebul ansa dɛn wit sɛns so dat dɛn wan we nɔ lɛk una sɛf go gri wit di ansa dɛn we una de ansa.

Ayzaya 28:26

Na bikɔs i gɛt di kɔrɛkt tichin; na wetin in Gɔd de tich am.

Ɛkliziastis 2:26

Udat de wok fɔ pliz PAPA GƆD, PAPA GƆD de gi am mɔ sɛns ɛn mek i gladi; bɔt fɔ sina, PAPA GƆD de mek i wok ɛn kip bɔku tinks ɛn mɔni so dat i go ɛp di wan we de pliz PAPA GƆD. Dis insɛf na fɔ natin, ɛn i tan lɛk we pɔsin de tray fɔ kech briz.

2 Kronikuls 1:10

Gi mi sɛns ɛn sabi fɔ rul dɛn pipul ya, bikɔs udat go ebul rul dɛn yu pipul we plɛnti so wit in yon sɛns nɔmɔ?”

1 Kiŋ 3:28

Wɛn ɔlman na Izrɛl yɛri di kiŋ in jɔjmɛnt, dɛn ɔl fred ɛn rɛspɛkt am bikɔs dɛn no se na PAPA GƆD gi am da sɛns de fɔ jɔj da kayn we de.

Daniɛl 8:1

Insay di tɔd ia we kiŋ Bɛlshaza bin de rul, wan vishɔn bin kam to mi Daniɛl, afta dɛn fɔs wan dɛn.

Daniɛl 5:14

A dɔn yɛri bɔt yu se yu gɛt di oli gɔd in spirit insay yu, ɛn yu gɛt layt ɛn ɔndastandin, ɛn gud gud sɛns.

2 Kronikuls 1:12

a de gi yu di sɛn ɛn sabi we yu aks fɔ. Pantap dat, a go gi yu jɛntri, bɔku bɔku prɔpati ɛn ɔna we nɔn pan di kiŋ dɛn we bin dɔn de bifo yu nɔ gɛt wande, ɛn nɔn pan di wan dɛn we go kam afta yu, nɔ go ɛva gɛt.

Daniɛl 1:4

yɔŋ man dɛn we nɔ gɛt ɛni bɔt ɛn fɔ fayn, fɔ gɛt sɛns pan ɔltin, sabi buk gud gud wan, ebul fɔ lan kwik kwik ɛn go ebul wok na di kiŋ in kiŋ os. Ashpenaz fɔ tich dɛn aw fɔ rid ɛn rayt di Babilonian dɛn laŋwej.

Daniɛl 1:18

Wɛn di tɛm rich we di kiŋ bin ɔda se dɛn fɔ kɛr di yɔŋman dɛn go to am, di edman pan di okobo dɛn bin kɛr dɛn go bifo Kiŋ Nɛbyukadnɛza.

Daniɛl 1:20

Ɛn ɛni kayn kwɛshɔn we di kiŋ aks dɛn pan sɛns ɔ sabi, dɛn bin bɛtɛ tɛn tɛm pas ɔl di magik man ɛn di mɛrɛsin man dɛn na di kiŋ in kindɔm.

Daniɛl 2:30

Bɔt as fɔ mi, nɔto bikɔs a gɛt sɛns pas ɔl di wan dɛn we de alayv mek a bin kam no dis mistri, bɔt na fɔ mek di kiŋ no di minin, ɛn fɔ mek yu no wetin yu bin de tink bɔt.

Daniɛl 4:6

So a gi wan ɔda se ɔl di sɛnsman dɛn na Babilɔn fɔ kam bifo mi, so dat dɛn go tɛl mi wetin di drim min.