Daniɛl 1:15 - Krio Fɔs Oli Baybul

¹⁵ Afta di tɛn dez, Daniɛl ɛn in padi dɛn bin luk bɛtɛ pas di ɔda yɔŋ man dɛn we bin de it di kiŋ in gud it.

Daniɛl 1:15 Referans Kwoze

Ɛksodɔs 23:25

Na mi PAPA GƆD una fɔ wɔship, ɛn if una wɔship mi, a go blɛs una wit bɔku it ɛn wata, ɛn a nɔ go mek wan sik ol una.

Matyu 4:4

Bɔt Jizɔs se, “Dɛn rayt na Gɔd in Buk se, ‘Nɔto di it we pɔsin de it de gi am tru layf, na Gɔd in wɔd de gi pɔsin tru layf.’”

Prɔvabs 10:22

Na PAPA GƆD in gres de mek yu jɛntri, i lɛk yu wok traŋa te yu nɔ go jɛntri.

Malakay 2:2

I se, if dɛn nɔ lisin to wetin in de se, ɛn nɔ want gi am glori, in PAPA GƆD Ɔlmayti go swɛ dɛn. I nɔ go blɛs dɛn. Di blɛsin we dɛn bin dɔn gɛt sɛf go tɔn swɛ. A dɔn swɛ dɛn ɔlrɛdi bikɔs dɛn nɔ siriɔs pan wetin dɛn de du.

Egay 1:9

I se we dɛn kin dɔn plant, dɛn de abop se na bɔku tin dɛn go gɛt, bɔt usay! Di smɔl bit sɛf we dɛn kin briŋ kam na os kin jɛs skata lɛk na briz blo ɔl go. Dis na bikɔs dɛn jɛs lɛf Papa GƆD in os fɔ de brokbrok wan ɛn ɔlman bizi de mek in yon os fayn.

Egay 1:6

Dɛn de plant bɔku sid bɔt nɔto ɔl de bia, dɛn de it, bɔt dɛn nɔ de bɛlful; we dɛn wɛr klos sɛf, kol stil de kech dɛn ɛn i tan lɛk we dɛn pe dɛn na bɔs bag dɛn de put di mɔni.

Di Sam Dɛm 37:16

Di lilibit we di gud man gɛt bɛtɛ fawe pas di jɛntri we di man we de du bad gɛt;

Daniɛl 1:14

So di kiŋ in wokman lisin to dɛn ɛn tray dɛn fɔ di tɛn dez.