Lɛta Fɔ Kɔlɔse 4:3 - Krio Fɔs Oli Baybul

³ Ɛnitɛm we una de pre, una pre fɔ wi, so dat Gɔd go gi wi chans fɔ tɛl pipul in mɛsej bɔt Krays, we di pipul dɛn nɔ bin yɛri yet. A de na jel naw bikɔs a de tɛl pipul dis mɛsej ya.

Lɛta Fɔ Kɔlɔse 4:3 Referans Kwoze

Apɔsul Dɛn Wok 14:27

Wɛn dɛn rich Antiɔk, dɛn gɛda ɔl di pipul dɛn we bin biliv pan Jizɔs ɛn tɛl dɛn ɔl wetin Gɔd mek dɛn du ɛn aw Gɔd mek dɛn pipul we nɔto Ju biliv pan Jizɔs.

Lɛta Fɔ Kɔlɔse 1:26

Bifo naw, ɔl di tɛm, Gɔd nɔ bin mek ɛnibɔdi na wɔl no dis mɛsej ya, bɔt i dɔn tɛl in yon pipul dɛn naw.

2 Kɔrint 2:12

Wɛn a rich Troas fɔ tɛl una di Gud Nyuz bɔt Krays, a si se di Masta bin dɔn mek we fɔ mek a wok de.

Sɛkɛn Lɛta To Timoti 2:9

A de sɔfa bikɔs a de tɛl pipul di Gud Nyuz, dɛn chen mi sɛf lɛkɛ jelman, bɔt dɛn nɔ go chen Gɔd in wɔd;

Lɛta Fɔ Filipay 1:7

Una de na mi at ɔltɛm ɛn na so i fɔ bi bikɔs una de ɛp mi pan dis wok, we Gɔd gi mi dis wɔndaful chans fɔ du, naw we a de na jel ɛn dɛn tɛm we a bin fri fɔ tɛl ɔlman di Gud Nyuz ɛn sho dɛn se na tru, fɔ mek dɛn biliv am mɔ ɛn mɔ.

Lɛta Fɔ Ɛfisɔs 4:1

Mi, Pɔl, we dɛn jel bikɔs a de wok fɔ di Masta, de beg una fɔ mek una liv ɛn du wetin Gɔd tɛl una fɔ du.

1 Kɔrint 16:9

Chans de na ya fɔ du big wok ɛn bɛtɛ wok fɔ Gɔd, pan ɔl we plɛnti pipul de we nɔ want mek di wok go bifo.

1 Kɔrint 4:1

Una fɔ no se wi de du Gɔd wok, ɛn wi no plɛnti tin bɔt Gɔd we ɔda pipul nɔ ɔndastand ɛn na wi Gɔd pik fɔ ɛksplen dɛn to ɔda pipul.

Fɔs Lɛta Fɔ Tɛsalonayka 5:25

Wi brɔda dɛn, una pre fɔ wi.

Matyu 13:11

Jizɔs ansa dɛn se, “Gɔd dɔn gi una di chans fɔ no di sikrit tin we ɔda pipul nɔ no bɔt in rul.

Faylimɔn 1:22

Wan ɔda tin, a want fɔ mek yu rɛdi ples fɔ mi. A op se Gɔd go ansa di pre we una ɔl de pre ɛn pul mi insay dis jel fɔ mek a go mit una bak.

Lɛta Fɔ Filipay 1:19

bikɔs a no se ɔl wetin dɛn de du go mek a fri wande, bikɔs una de pre ɛn Jizɔs Krays in Spirit de ɛp mi fɔ mek a fri.

Sɛkɛn Lɛta To Timoti 1:16

Mek di Masta blɛs Onɛsifɔrɔs wit in wɛf ɛn pikin dɛn bikɔs i kɔrej mi plɛnti tɛm. I nɔ shem bikɔs a de jel,

Lɛta Fɔ Ɛfisɔs 3:1

Na fɔ ɔl dis we a de du fɔseka una we nɔto Ju, mek mi, Pɔl, tɔn jelman fɔ Jizɔs Krays.

Lɛta Fɔ Rom 16:25

Una lɛ wi prez Gɔd! Gɔd ebul mek una stil biliv traŋa wan lɛkɛ aw di Gud Nyuz bɔt Jizɔs Krays we a bin dɔn tɛl una mek una biliv; ɛn di Gud Nyuz bɔt Jizɔs Krays na di tru tin we Gɔd bin ayd frɔm we di wɔl bigin.

Lɛta Fɔ Ɛfisɔs 3:3

Gɔd dɔn sho mi di plan we i bin ayd. A bin dɔn rayt una lili bit bɔt dat.

Lɛta Fɔ Ɛfisɔs 3:4

Ɛn if una rid wetin a bin rayt, una go no se a dɔn sabi di sikrit bɔt Krays, gud.

Lɛta Fɔ Ɛfisɔs 3:9

Ɛn Gɔd dɔn pik mi ɛn gi mi di chans fɔ tɛl ɔlman bɔt di tin we i dɔn mekɔp fɔ du we i nɔ mek wi no yet, we go bi. Gɔd we mek ɔl di wɔl nɔ bin mek wi no di tin we i mekɔp fɔ du ɔl dis tɛm ya we dɔn pas,

Lɛta Fɔ Kɔlɔse 4:18

Na misɛf yon an a de tek rayt dis pat: “Na mi, Pɔl, de tɛl una adu.” Una nɔ fɔgɛt se a de na jel! A de pre mek Gɔd sho una aw i gud.

Sɛkɛn Lɛta To Timoti 4:2

fɔ de tɛl pipul di mɛsej we Gɔd gi yu ɔltɛm, wɛn dɛn de lisin ɔ wɛn dɛn nɔ want lisin; yu fɔ sho pipul wetin rayt fɔ du; yu fɔ tɛl dɛn wan we no se wetin dɛn de du nɔ rayt, fɔ tap; yu fɔ tɔk to dɛn mek dɛn waka tret; ɛn bia wit dɛn ɔltɛm wɛn yu de lan dɛn dɛn tin ya.