Lɛta Fɔ Kɔlɔse 4:2 - Krio Fɔs Oli Baybul

² Una fɔ de pre ɔltɛm; una fɔ put una at pan dɛn tin we una de tɛl Gɔd ɛn una fɔ de tɛl am tɛnki.

Lɛta Fɔ Kɔlɔse 4:2 Referans Kwoze

Lɛta Fɔ Filipay 4:6

Una nɔ fɔ mek ɛnitin wɔri una, bɔt una fɔ de pre bɔt ɔltin. Wɛn una de pre, una fɔ aks Gɔd fɔ ɛnitin we una want ɛn una fɔ tɛl am tɛnki.

Lɛta Fɔ Ɛfisɔs 6:18

Una fɔ pre ɔltɛm fɔ ɔltin bay aw Gɔd in Spirit de tɛl una. Una fɔ waydawek ɛn una nɔ fɔ taya fɔ pre ɔltɛm fɔ Gɔd in pipul dɛn.

Lɛta Fɔ Rom 12:12

Una fɔ gladi ɔltɛm bikɔs una abop pan Gɔd, una fɔ bia wɛn trɔbul mit una; ɛn una fɔ de pre ɔltɛm.

Matyu 26:41

Una nɔ slip, una pre, so dat Setan nɔ go tray una fɔ mek una sin. Una want du di rayt tin bɔt una nɔ gɛt di pawa fɔ du am.”

Lyuk 18:1

Jizɔs pul parebul fɔ in lanin bɔy dɛn fɔ sho dɛn se dɛn fɔ de pre ɔltɛm ɛn dɛn at nɔ fɔ pwɛl.

Lyuk 21:36

Una fɔ waydawek ɛn una fɔ de pre ɔltɛm so dat una go gɛt trɛnk fɔ bia ɔl dɛn tin we go bi na dis wɔl ɛn una go ebul fɔ tinap bifo Mɔtalman Pikin.”

Di Sam Dɛm 109:4

Fɔ mi yon gudbɛlɛ, dɛn de fɛn fɔlt ivin de pre fɔ dɛn.

Pita In Fɔs Lɛta 4:7

Di tɛm we di wɔl go dɔn nɔ fa igen, so una ed fɔ stɛdi ɛn una fɔ waydawek fɔ de pre ɔltɛm.

Lɛta Fɔ Kɔlɔse 1:9

Na dat mek frɔm di de we wi yɛri bɔt una, wi de pre fɔ una ɔltɛm. Wi de aks Gɔd mek in Spirit gi una sɛns ɛn mek una sabi bɔt am, so dat una go no wetin Gɔd want una fɔ du, ɛn una nɔ go dawt.

Mak 13:33

Una fɔ waydawek, una fɔ de wach, bikɔs una nɔ no ustɛm dɛn tin ya go bi.

Lɛta Fɔ Kɔlɔse 3:17

Ɛni tin we una de du ɛn ɛnitin we una de tɔk fɔ sho se una biliv pan Masta Jizɔs, ɛn una fɔ tɛl Gɔd we na di Papa tɛnki fɔ wetin Krays dɔn du fɔ una.

Lɛta Fɔ Kɔlɔse 2:7

We una liv, una fɔ fasin pan am lɛkɛ aw rut de fasin na grɔn, nain fɔ bi di fawndeshɔn na una layf, una fɔ de abop pan am mɔ ɛn mɔ lɛk aw dɛn bin dɔn lan una fɔ du. Pantap dat, una fɔ de tɛl Gɔd tɛnki ɔltɛm.

Lɛta Fɔ Kɔlɔse 4:12

Ɛpafras, we na wan pan una, ɛn we de wok fɔ Jizɔs lɛkɛ unasɛf, insɛf de tɛl una adu. I de pre fɔ una wit ɔl in at; i de pre mek una nɔ tap fɔ biliv pan Gɔd, mek una shɔ bɔt wetin una biliv, mek una no ɔl wetin una fɔ no bɔt Gɔd, ɛn mek una du ɔl wetin Gɔd want una fɔ du.

1 Samiɛl 12:23

As fɔ mi, mek PAPA GƆD nɔ gri mek a lɛf fɔ pre fɔ una. A go tɛl una wetin gud ɛn rayt.

Lɛta Fɔ Kɔlɔse 3:15

Di kol at we Krays de gi go mek una gɛt wanwɔd we fɔ ɛp una wɛn una de mekɔp fɔ du sɔntin. We Gɔd dɔn briŋ una togɛda na wan bɔdi, dat na di chɔch, i want mek una gɛt kol at ɛn mek una gɛt wanwɔd. Una fɔ tɛl Gɔd tɛnki.

Job 15:4

Yu de fɔgɛt bɔt di fred we yu fɔ fred PAPA GƆD, ɛn de pwɛl ɔl di pre we pipul de pre to PAPA GƆD.

Apɔsul Dɛn Wok 1:14

Dɛn apɔsul ya, Jizɔs in brɔda dɛn, sɔm uman dɛn, ɛn Meri we na Jizɔs in mama, dɛn ɔl bin de mit de ɛn pre wit wan at.

1 Samiɛl 1:12

As i bin de pre to PAPA GƆD, na so Ilaɛl bin de wach in mɔt.