Lɛta Fɔ Kɔlɔse 4:1 - Krio Fɔs Oli Baybul

¹ Una dɛn masta, una fɔ de du wetin rayt ɛn gud to di pipul dɛn we de wok fɔ una. Una fɔ mɛmba se unasɛf gɛt Masta we de na ɛvin.

Lɛta Fɔ Kɔlɔse 4:1 Referans Kwoze

Rɛvɛleshɔn 17:14

Dɛn go fɛt di Ship bɔt di Ship ɛn dɛn wan we i kɔl ɛn pik fɔ du in wok, we nɔ lɛf fɔ fala am, go win dɛn. Na so i go bi bikɔs di Ship na di Masta we de oba ɔl dɛn masta, ɛn di Kiŋ we de rul oba ɔl dɛn kiŋ.”

Jems 2:13

If pɔsin nɔ de sɔri fɔ in kɔmpin mɔtalman ɛn padin am wɛn i du am bad, Gɔd nɔ go sɔri fɔ da pɔsin de ɛn padin am wɛn i go jɔj am. Bɔt pɔsin we de sɔri fɔ in kɔmpin mɔtalman ɛn padin am, Gɔd insɛf go sɔri fɔ insɛf ɛn padin am wɛn i de jɔj am.

Jems 5:4

Una nɔ pe dɛn pipul we de wok na una fam ɔl wetin dɛn fɔ gɛt. Dɛn dɔn le kɔmplen ɛn Gɔd we na di Masta we pas ɔl, dɔn yɛri dɛn.

Ɛkliziastis 5:8

Nɔ sɔprayz we yu go ɛnisay ɛn si se dɛn de buli poman ɛn nɔ gi am in rayt; bikɔs di bigman dɛnsɛf gɛt dɛn yon bigman dɛn, ɛn dɛnwandɛnde sɛf gɛt dɛn yon bigman dɛn we pas dɛn.

Rɛvɛleshɔn 19:16

Wan nem bin rayt pan in klos ɛn pan in lɛg, dat na “Kiŋ we de rul oba ɔl dɛn kiŋ, ɛn Masta oba ɔl dɛn masta.”

Lyuk 19:15

“Wɛn di man tɔn bak kam nain kɔntri afta dɛn dɔn gi am di pawa fɔ bi kiŋ, i sɛn kɔl in wokman dɛn we i bin gi kɔpɔ fɔ mek dɛn kam tɛl am ɔmɔs dɛn dɔn gen.

Malakay 3:5

I se na da tɛm de in go pas in jɔjmɛnt pan ɔl dɛn wan we de lukgrɔn fɔ pipul, dɛn man we de kip pipul wɛf dɛn, dɛn wan we de fɔ lay pan pipul, dɛn wan we nɔ de gri pe wokman aw dɛn fɔ pe am, dɛn uman we dɛn man dɔn day ɛn dɛn pikin we nɔ gɛt papa; i go ivin jɔj dɛn wan dɛn we de buli fɔrina ɛn dɛn nɔ de fred in we na PAPA GƆD Ɔlmayti.

Lɛvitikɔs 19:13

Nɔ ple rikishi pan yu kɔmpin ɛn tif am. If man fɔ pe pɔsin fɔ wok we i du, di man fɔ mek shɔ se i pe di pɔsin we du di wok di sem de we di wok dɔn.

Ayzaya 58:3

“Wetin mek wi dɔn fast, ɛn yu mek lɛk yu nɔ no? Wetin mek wi dɔn ɔmbul wisɛf ɛn yu mek lɛk yu nɔ no bɔt dat?” Luk, di tɛm we una kin de fast una kin de fala una yon ɛnjɔymɛnt; ɛn aras ɔl una wokman dɛn.

Matyu 20:4

So i kɔl dɛn, i se, ‘Unasɛf kam go wok na mi fam, a go pe una wetin una fɔ gɛt.’