Lɛta Fɔ Kɔlɔse 3:2 - Krio Fɔs Oli Baybul

² Una fɔ put ɔl una at pan dɛn tin we de na ɛvin, una nɔ fɔ put una at pan dɛn tin we de na dis wɔl.

Lɛta Fɔ Kɔlɔse 3:2 Referans Kwoze

1 Kronikuls 22:19

Naw una mekɔp una at ɛn maynd fɔ de wit PAPA GƆD we na una Gɔd ɔltɛm. Una grap ɛn bil os fɔ PAPA GƆD we na una Gɔd so dat dɛn go kɛr PAPA GƆD in Ak ɔf di Kɔvinant ɛn di oli tin dɛn we dɛn kin yuz fɔ wɔship PAPA GƆD, go insay os we dɛn bil fɔ Ɔna PAPA GƆD in nem.

Lɛta Fɔ Kɔlɔse 3:1

We Gɔd dɔn gi Krays in layf bak, i dɔn mek unasɛf gɛt nyu layf, so una fɔ put ɔl una at pan dɛn tin we Gɔd gɛt fɔ una na ɛvin, di ples we Krays sidɔm de rul na Gɔd in raytan.

Matyu 16:23

Jizɔs tɔn ɛn tɛl am se, “Pita, kɔmɔt biɛn mi, na Setan in wok yu de du so. Yu de blɔk mi we, bikɔs yu nɔ de tink aw Gɔd de tink, yu de tink aw mɔtalman de tink.”

Matyu 6:19

“Una nɔ fɔ kip plɛnti dia tin fɔ unasɛf na dis wɔl, bikɔs una fɔ no se wɔrɔm go pwɛl dɛn, dɛn go rɔsti ɛn tifman go brok una os go insay ɛn tif dɛn.

Lɛta Fɔ Kɔlɔse 3:5

Una fɔ kil di tin we de insay una at we de mek una want fɔ du dɛn bad tin we dɛn ɔda mɔtalman de du, dat na fɔ liv fri ɔ dɔti layf; fɔ want man ɔ uman we nɔto una yon; fɔ want fɔ du ɔl kayn bad tin; fɔ want plɛnti, plɛnti tin (dat jɛs tan lɛkɛ wɛn pɔsin gɛt ɔda tin we i lɛk pas Gɔd).

Lyuk 12:15

Jizɔs tɔn to ɔl di pipul dɛn ɛn se, “A de wɔn una, una nɔ put at pan jɛntri. Nɔto di plɛnti tin dɛn we pɔsin gɛt go mek di pɔsin gɛt di tru layf.”

Di Sam Dɛm 62:10

Nɔ fɛt fɔ gɛt mɔni di rɔŋ we; if ivin yu jɛntri, nɔ put yu at pan yu jɛntri.

Di Sam Dɛm 91:14

PAPA GƆD se in nɔ go mek natin du am bikɔs i lɛk am i se in go kɔba am bikɔs i no am.

Lyuk 16:11

If pɔsin nɔ kin trɔs una wit mɔni we dɛn nɔ waka tret fɔ gɛt, udat go lɛf di tru jɛntri na una an?

Lɛta Fɔ Filipay 1:23

Sɔntɛm a kin want liv, sɔntɛm a kin want day: a want kɔmɔt na dis wɔl ɛn go to Jizɔs Krays, ɛn dat go bɛtɛ fɔ mi fawe pas fɔ de na dis wɔl,

Prɔvabs 23:5

bikɔs, sɔntɛm we yu dɔn gɛt am dɔn, ɔl kin flay lɛkɛ briz, dɔn yu lɔs ɔltin.

Ɛkliziastis 7:14

Di de we tin gud fɔ yu na fɔ gladi, bɔt di de we tin nɔ bi lɛk aw yu want am, na fɔ tink bɔt wetin de apin; na PAPA GƆD mek di gud tɛm ɛn nain sem wan mek di tɛm we tin nɔ gud, so dat mɔtalman nɔ go no wetin de apin to am.

1 Kronikuls 29:3

Pantap ɔl wetin a dɔn gɛda fɔ di oli os, a gɛt misɛf yon gold ɛn silva tin dɛn we a kip, fɔseka we a gi misɛf fɔ PAPA GƆD in os, a de gi dɛn fɔ mi Gɔd in os: